اۆتوكولىك جۇرگىزىپ كەلە جاتىپ ابايسىزدا ادام قاعىپ كەتكەن ەلدەگى ادام قۇقىقتارى جونىندەگى حالىقارالىق بيۋرونىڭ جەتەكشىسى ەۆگەني جوۆتيسكە قاتىستى بۇگىن بالقاش اۋداندىق سوتىنىڭ ۇكىمى شىعادى. ءبىز سوت ۇكىمى شىققانعا دەيىنگى سوت وتىرىسى تۋرالى وقىرماندى قۇلاعدار ەتىپ قويعاندى ءجون كوردىك.

ەستەرىڭىزگە سالا كەتەيىك، شىلدەنىڭ 26-سى كۇنى الماتى-قاروي تاسجولىنىڭ 131-ءشى شاقىرىمىندا قازاقستانداعى ادام قۇقىقتارى جونىندەگى حالىقارالىق بيۋرونىڭ ديرەكتورى ەۆگەني جوۆتيس كولىك جۇرگىزىپ كەلە جاتىپ 36 جاستاعى قانات مولداباەۆتى بايقاۋسىزدا قاعىپ كەتكەن. جاياۋ جۇرگىنشى سول جەردە كوز جۇمعان. وسى وقيعا بويىنشا قىلمىستىق ءىس قوزعالىپ، تامىزدىڭ 14-ءى كۇنى جوۆتيسكە ايىپ تاعىلادى. ءىس سوتتىڭ الدىنا كەلىپ تۇسەدى. تامىزدىڭ 27-ءشى جۇلدىزىندا بالقاش اۋداندىق سوتىندا العاشقى پروتسەسس ءوتتى. الدىمەن سوعان توقتالايىق.

اۆتوكولىك جۇرگىزىپ كەلە جاتىپ ابايسىزدا ادام قاعىپ كەتكەن ەلدەگى ادام قۇقىقتارى جونىندەگى حالىقارالىق بيۋرونىڭ جەتەكشىسى ەۆگەني جوۆتيسكە قاتىستى بۇگىن بالقاش اۋداندىق سوتىنىڭ ۇكىمى شىعادى. ءبىز سوت ۇكىمى شىققانعا دەيىنگى سوت وتىرىسى تۋرالى وقىرماندى قۇلاعدار ەتىپ قويعاندى ءجون كوردىك.

ەستەرىڭىزگە سالا كەتەيىك، شىلدەنىڭ 26-سى كۇنى الماتى-قاروي تاسجولىنىڭ 131-ءشى شاقىرىمىندا قازاقستانداعى ادام قۇقىقتارى جونىندەگى حالىقارالىق بيۋرونىڭ ديرەكتورى ەۆگەني جوۆتيس كولىك جۇرگىزىپ كەلە جاتىپ 36 جاستاعى قانات مولداباەۆتى بايقاۋسىزدا قاعىپ كەتكەن. جاياۋ جۇرگىنشى سول جەردە كوز جۇمعان. وسى وقيعا بويىنشا قىلمىستىق ءىس قوزعالىپ، تامىزدىڭ 14-ءى كۇنى جوۆتيسكە ايىپ تاعىلادى. ءىس سوتتىڭ الدىنا كەلىپ تۇسەدى. تامىزدىڭ 27-ءشى جۇلدىزىندا بالقاش اۋداندىق سوتىندا العاشقى پروتسەسس ءوتتى. الدىمەن سوعان توقتالايىق.

وتىرىستىڭ باسى ەۆگەني ءجوۆتيستىڭ ءتورت بىردەي ارىز-شاعىمىن وقىپ تانىسۋدان باستالدى. سوتتىڭ وتەتىن كۇنى وتە قىسقا مەرزىم ىشىندە حابارلانعاندىقتان قورعاۋشىلار ۆيتالي ۆورونوۆ پەن شولپان باتكالوۆا وزدەرىنىڭ بۇعان دەيىن جوسپارلانىپ قويعان جاعدايلارىنا بايلانىستى وتىرىسقا قاتىسا المادى. سوندىقتان ايىپتالۋشى العاشقى ارىز-شاعىمىن سوت پروتسەسىن 2-ءشى قىركۇيەككە قالدىرۋ كەرەك دەگەن ەدى. ەكىنشىدەن ، ۆەرا تكاچەنكونى ءوزىنىڭ قورعاۋشىسى رەتىندە سوتقا قاتىستىرۋ سۇرادى. ۇشىنشىدەن، قورعاۋشى جاق سوت-اۆتوتەحنيكالىق ساراپتاما جۇمىستارىن قايتادان وتكىزدىرۋگە جانە قىلمىس قۇرامى بولماعاندىقتان ءىستى توقتاتۋ تۋرالى ارىز-شاعىم جاساۋ مۇمكىندىگىنە يە بولۋ ءۇشىن الدىن الا تىڭداۋ امالدارىن بەلگىلەۋدى تالاپ ەتتى. تورتىنشىدەن، ايىپتالۋشىعا كەسىلگەن ەلدەن شىقپاۋ تۋرالى جازانى قايتا قاراۋ تۋرالى ءوتىنىش ءبىلدىردى.

سۋديا قۇلان تولقىنوۆ اتالعان ءتورت ارىز-شاعىمنىڭ العاشقى ەكەۋىن عانا قاناعاتتاندىردى. ايىپتالۋشىنىڭ ءوزى سوتتىڭ مۇنداي قادامعا بارۋىن، جالپى ءىستىڭ بۇلايشا قۇبىلۋىن ساياسي تاپسىرىس دەپ ەسەپتەيدى. «زاڭدىق تۇرعىدان تۇسىندىرسەم، مەن جول ءجۇرۋ ەرەجەسىن بۇزعان جوقپىن. ونى دالەلدەيتىن بۇلتارتپاس دەرەكتەر بار. ەكى تاۋەلسىز اۆتوتەحنيك مامانىنىڭ جانە ءبىر دارىگەردىڭ قورىتىندىسى بار. بۇل قورىتىندىلار مەنىڭ كىناسىزدىگىمدى كورسەتەدى. الايدا، الدىن الا تەرگەۋ امالدارىنىڭ زاڭ شەڭبەرىنەن شىعىپ كەتۋى، قىلمىستىق پروتسەسسۋالدى كودەكس باپتارىنىڭ ورەسكەل بۇزىلۋى مەنى قاتتى الاڭداتۋدا. سوتتىڭ بۇگىنگى ارەكەتىن كورىپ تۇرىپ مەنى اقتاپ شىعارادى دەگەنگە سەنۋ قيىن ارينە. تاعى دا قايتالاپ ايتامىن، بۇل قىلمىستىق ءىستىڭ ساياسي استارى بار»، - دەيدى جوۆتيس .

سوندا دەيمىز-اۋ، «ساياسي تاپسىرىس العان» مارقۇم قانات مولداباەۆ جولدا جۇيتكىپ كەلە جاتقان جوۆتيستىڭ اۆتوكولىگىنىڭ استىن ءوزى بارىپ توپ ەتە تۇسكەن بە؟ سودان كەيىن، جوۆتيستىڭ ايتىپ وتىرعانى قانداي ساياسي تاپسىرىس. ونىمەن ساۋدالاسقىسى كەلىپ جۇرگەن كىم؟ بۇل سۇراقتارعا قاتىستى ول ەشتەڭە ايتپادى. دەگەنمەن، باتىس جاق تاعى ءبىر شۋلايتىن بولدى.

«اباي-ينفورم».