5 ميلليون كىمگە بۇيىرادى؟
«جۇلدىزدى ءسات» تەلەجوباسىنىڭ جارتىلاي فينالىن كورەرمەندەر «قازاقستان» ۇلتتىق ارناسىندا تىكەلەي ەفيردە ءتورت اپتا بويى تاماشالادى. ماۋسىمنىڭ ءبىرى كۇنى جارتىلاي فينالدىڭ سوڭعى توبى ءوز ونەرىن ورتاعا سالدى. اسەم بەزەندىرىلگەن، جوعارى ساپالى تەحنيكامەن جابدىقتالعان ساحنادا جاڭا ونەر تۋىندىلارى ۇسىنىلدى. جۇرەك قىلىن شەرتىپ، ۇلتتىق نامىسىڭدى وياتاتىن مارجان اراپباەۆانىڭ ورىنداۋىنداعى «قازاق ەلى» ءانىن ناقىشىنا كەلتىرە شىرقاعان جادىرا ەرنار مەن پولياكتىڭ حالىق ءانىن ەش سۇيەمەلدەۋسىز ورىنداعان «Vid Men» توبى وسى كەشتى انمەن اسەرلى كۇيگە بولەدى. اۋەدە ارقانعا ءىلىنىپ تۇرىپ قاتەرلى قيمىلدارمەن ەلدى تاڭقالدىرعان اعايىندى قادىروۆتاردىڭ ونەرى بارشا قاۋىمنىڭ كوڭىلىنەن شىقتى. وسى توپتاعى ەڭ قاۋىپتى كورىنىس ادىلبەك دۇيسەبەكوۆتىڭ بىرنەشە ورىندىقتى ءبىرىنىڭ ۇستىنە ءبىرىن قويىپ، ءوزى ەڭ جوعارىدا جايعاسىپ وتىرۋى بولدى. جاسى ەلۋدى شامالاپ قالسا دا جەڭىل ءارى سەرگەك قيمىلدايتىن جىگىت اعاسىنىڭ وزگەشە ونەرى تىم اسەرلى شىقتى. «وركەستر ادام» اتالعان بەيبارىس اسقاربەكوۆتىڭ كەڭىردەگىمەن ءتۇرلى دىبىستار شىعارۋ ارقىلى ورىنداعان بيتبوكسى مەن داۋىلپازدى دۇبىرلەتە سوققان «Drum Line» توبىنىڭ ونەرى دە وزگەلەردەن قالىسپادى. الايدا كورەرمەننىڭ ىستىق ىقىلاسىنا بولەنىپ، ەڭ كوپ داۋىس جيناعان - دانيار امانگەلدى بولدى.
«جۇلدىزدى ءسات» تەلەجوباسىنىڭ جارتىلاي فينالىن كورەرمەندەر «قازاقستان» ۇلتتىق ارناسىندا تىكەلەي ەفيردە ءتورت اپتا بويى تاماشالادى. ماۋسىمنىڭ ءبىرى كۇنى جارتىلاي فينالدىڭ سوڭعى توبى ءوز ونەرىن ورتاعا سالدى. اسەم بەزەندىرىلگەن، جوعارى ساپالى تەحنيكامەن جابدىقتالعان ساحنادا جاڭا ونەر تۋىندىلارى ۇسىنىلدى. جۇرەك قىلىن شەرتىپ، ۇلتتىق نامىسىڭدى وياتاتىن مارجان اراپباەۆانىڭ ورىنداۋىنداعى «قازاق ەلى» ءانىن ناقىشىنا كەلتىرە شىرقاعان جادىرا ەرنار مەن پولياكتىڭ حالىق ءانىن ەش سۇيەمەلدەۋسىز ورىنداعان «Vid Men» توبى وسى كەشتى انمەن اسەرلى كۇيگە بولەدى. اۋەدە ارقانعا ءىلىنىپ تۇرىپ قاتەرلى قيمىلدارمەن ەلدى تاڭقالدىرعان اعايىندى قادىروۆتاردىڭ ونەرى بارشا قاۋىمنىڭ كوڭىلىنەن شىقتى. وسى توپتاعى ەڭ قاۋىپتى كورىنىس ادىلبەك دۇيسەبەكوۆتىڭ بىرنەشە ورىندىقتى ءبىرىنىڭ ۇستىنە ءبىرىن قويىپ، ءوزى ەڭ جوعارىدا جايعاسىپ وتىرۋى بولدى. جاسى ەلۋدى شامالاپ قالسا دا جەڭىل ءارى سەرگەك قيمىلدايتىن جىگىت اعاسىنىڭ وزگەشە ونەرى تىم اسەرلى شىقتى. «وركەستر ادام» اتالعان بەيبارىس اسقاربەكوۆتىڭ كەڭىردەگىمەن ءتۇرلى دىبىستار شىعارۋ ارقىلى ورىنداعان بيتبوكسى مەن داۋىلپازدى دۇبىرلەتە سوققان «Drum Line» توبىنىڭ ونەرى دە وزگەلەردەن قالىسپادى. الايدا كورەرمەننىڭ ىستىق ىقىلاسىنا بولەنىپ، ەڭ كوپ داۋىس جيناعان - دانيار امانگەلدى بولدى. روبوت ءبيىن بيلەگەن دانياردىڭ كيىمى دە، قيمىلى دا ەرەكشە بولدى. جيناعان داۋىستارىنىڭ سانى جاعىنان شامالاس شىققان «ورمەكشى بالا» اتانعان ەسكەندىر مەن «تاەكۆوندو-ءبايدىلدا» سپورت مەكتەبى شاكىرتتەرىنىڭ ساحناداعى تاعدىرىن قازىلار القاسى شەشتى. تورەشىلەردىڭ باسىم داۋىسىمەن ەسكەندىر اقتىق سىنعا ءوتتى.
وسىلايشا ىرىكتەۋ كەزەڭىنەن تاڭداپ الىنعان قىرىق ادامنىڭ سوڭعى توبى جارتىلاي فينالدا ونەر كورسەتىپ، اقتىق سىنعا وتكەن سەگىز ۇمىتكەر انىقتالدى. الدا شەشۋشى سىن. بەس ميلليون تەڭگە ءوز يەسىن توسىپ تۇر. قوماقتى اقشا كىمگە بۇيىرادى؟ قاي ونەرپازدىڭ باعى جانادى؟ ونى 8-ماۋسىمدا قازاقستان ۇلتتىق ارناسىندا «جۇلدىزدى ءسات» مەگاجوباسىنىڭ فينالىندا كورەمىز.
تالعامپاز كورەرمەننىڭ كوڭىلىنەن شىققان، ءدۇيىم جۇرتتى دۇرلىكتىرگەن تاڭعاجايىپ جوبانىڭ جالىندى جانكۇيەرى بولا ءبىلىڭىز!
قۇرمەتتى كورەرمەن! ەگەر ءسىز وزىڭىزگە ۇناعان ۇمىتكەرگە داۋىس بەرگىڭىز كەلسە، لايىقتى دەپ تاپقان ونەرپازدىڭ رەتتىك سانىن 3075 قىسقا نومىرىنە سمس ارقىلى جولداڭىز نەمەسە 8 80 90 80 30 75 نومىرىنە قوڭىراۋ شالىڭىز.
اقتىق سىندا ونەر كورسەتەتىن بەس ميلليوننان ۇمىتكەر ونەرپازداردىڭ رەتتىك سانى:
- اسەل كۇلجانوۆا 01
- ەسكەندىر 02
- ەرمەك باجىگىت 03
- «ەكى ەزۋ» ساتيرا تەاترى 04
- ارمان قارىنساۋ 05
- سەرگەي تسىرۋلنتكوۆ 06
- دينارا ناميالى 07
- دانيار امانگەلدى 08
