ء"بىز قىتاي حالىق رەسپۋبليكاسى جانە قازاقستان رەسپۋبليكاسىمەن بىرگە مەملەكەتتىك شەكارالاردى دەليميتاتسيالاۋ مەن دەمەركاتسيالاۋدى ءساتتى اياقتادىق. وزبەكستان رەسپۋبليكاسىمەن بىرگە قىرعىز-وزبەك شەكاراسىن ءساتتى دەليميتاتسيالادىق. ەندى ءبىز وزبەك ارىپتەستەرمەن بىرگە شەكارانى دەماركاتسيالاۋ جۇمىسىن اياقتاۋعا كۇش سالىپ جاتىرمىز. ءبىز كورشى ەلمەن دوستىق قارىم-قاتىناستى ساقتاي وتىرىپ، تاجىكستانمەن دە وسى باعىتتى جۇمىس ىستەۋگە دايىنبىز", دەدى سادىر جاپاروۆ.
بۇعان قوسا، قىرعىزستان پرەزيدەنتى قىتايدىڭ ايماق قاۋىپسىزدىگىنە قاتىستى باستاماسىن قولدايتىنىن ايتتى.
"قىرعىزستان قىتاي جاعىنىڭ عالامدىق قاۋىپسىزدىك جونىندەگى باستاماسىن قولدايدى. ءبىز قحر توراعاسى سي ءتسزينپيننىڭ ءبىرتۇتاس ادامزات تاعدىرى قوعامىن قۇرۋ جونىندەگى ءماندى يدەيالارىن، عالامدىق دامۋ مەن عالامدىق وركەنيەت باستامالارىن جۇزەگە اسىرۋعا كومەكتەسەمىز", دەپ مالىمدەدى سادىر جاپاروۆ.
سيان قالاسىندا "قىتاي - ورتالىق ازيا" ءسامميتى ءوتىپ جاتىر. وعان ورتالىق ازياداعى بەس ەلدىڭ - قازاقستان، قىرعىزستان، وزبەكستان، تاجىكستان جانە تۇركىمەنستان پرەزيدەنتتەرى قاتىستى.
قىرعىزستان تاجىكستانمەن اراداعى شەكارا ماسەلەسىن ءالى شەشكەن جوق. كورشى ەلدەردىڭ 972 شاقىرىمدىق ورتاق شەكاراسى بار. مەملەكەتتىك شەكارا تولىق انىقتالماعانىنا بايلانىستى قىرعىز-تاجىك شەكاراسىندا ۇنەمى جانجال، ءتىپتى قارۋلى قاقتىعىستار بولىپ تۇرادى.
اbai.kz
