بەلارۋس پرەزيدەنتى الەكساندر لۋكاشەنكونىڭ دەنساۋلىعى سىر بەردى. بەلارۋس جۋرناليستەرى لۋكاشەنكونىڭ كورتەجى 2 ساعات اۋرۋحانادا بولعانىن جازىپ جاتىر، دەپ جازادى Mezgil.kz سايتى. 

بەلارۋس باسشىسىنىڭ كورتەجى بر دسم-عا تيەسىلى «رەسپۋبليكالىق مەديتسينالىق كلينيكا» اۋماعىنادا بولعان.

ول سونداي-اق، جىل سايىن ءوزى جەكە بارىپ قاتىساتىن «بەلارۋستىڭ مەملەكەتتىك تۋ، ەلتاڭبا جانە ءانۇران كۇنىنە» ارنالعان جيىنعا كەلمەگەن. لۋكاشەنكو اتىنان قۇتتىقتاۋ ءسوز پرەزيدەنتتىڭ سايتىندا جاريالانعان، مەرەكەلىك راسىمدە ونى پرەمەر-مينيستر رومان گولوۆچەنكو وقىپ بەردى.

لۋكاشەنكو سوڭعى رەت 9 مامىر جەڭىس كۇنىنە ارنالعان ماسكەۋدەگى اسكەري پارادقا قاتىسىپ، ەل الدىنا شىقتى. ونىڭ ءوڭ-ءتۇسى قاشىپ، شارشاڭقى كورىنگەن. قىزىل الاڭدا 300 مەتر جولدى ءوز اياعىمەن جۇرە الماي، ەلەكتر كولىگىن پايدالاندى. جۋرناليستەر ونىڭ قولىنان ينە سالعاننان سوڭ قويىلاتىن تاڭعىشتى بايقاعان.

ول تمد باسشىلارىمەن بىرگە قوناق اسىنا قاتىسپاي، مينسككە ۇشىپ كەتكەن بولاتىن. دۋمانىڭ تمد ىستەرى جونىندەگى كوميتەتى باسشىسىنىڭ ءبىرىنشى ورىنباسارى كونستانتين زاتۋلين «ليفت» باسىلىمىنا لۋكاشەنكونىڭ اۋىرىپ جاتقانىن راستاعان، بىراق، نەندەي سىرقات ەكەنىن ايتپادى.

«تاڭعالاتىن ەشتەڭە جوق. كوۆيد ينفەكتسياسى ەمەس. جاي عانا اۋىرىپ قالدى. جاعدايى بولماي تۇرسا دا، ول ماسكەۋگە كەلدى، سول كۇنى كەشكە مينسكىدە سالتاناتتى جيىن وتكىزدى. وعان ءسال تىنىعۋ كەرەك سياقتى»، - دەدى زاتۋلين.

ساراپشىلار لۋكاشەنكونى ماسكەۋدە ۋلاپ جىبەرگەن بولۋى مۇمكىن دەگەن نۇسقانى ايتادى.

Abai.kz