«سپورت-ەكسپرەسس» العاش رەت بارلىق قحل حوككەيشىسىنىڭ، ونىڭ ىشىندە استانالىق «بارىس» ويىنشىلارىنىڭ جالاقىسىن جاريالادى، دەپ حابارلايدى  Sports.kz.

وتكەن ماۋسىمدا قازاقستاندىق كلۋبتاعى ەڭ كوپ جالاقىنى، ياعني 50 ميلليون ءرۋبلدى (قازىرگى كۋرس بويىنشا 278,73 ميلليون تەڭگە) ليندەن ۆەي مەن نيكيتا ميحايليس الادى.

الەكس گرانت 45 ملن رۋبل (250,85 ملن تەڭگە) الدى، مايكل شاپيۋ — 26 ملن رۋبل (144,94 ملن. تەڭگە), كريس بيگراس، يۋليۋس گۋداچەك جانە ەنتوني لۋيس — 25 ملن رۋبلدەن (139,36 ملن تەڭگە), دجەسسي گرەم — 23 ملن رۋبل (128,21 ملن تەڭگە), دجەرەمي براككو — 22 ملن رۋبل (122,64 ملن تەڭگە), يۆان ميششەنكو مەن نەلسون نوجە — 18 ملن رۋبلدەن (100,34 ملن تەڭگە), كيريلل ساۆيتسكي مەن انتون ساگادەەۆ — 13 ملن رۋبلدەن (72,47 ملن تەڭگە) ەڭبەكاقى الىپ ءجۇر.

سونىمەن قاتار ميحايل گريگورەۆ جانە كيريلل ماكسيموۆكە — 10 ملن رۋبل (55,75 ملن تەڭگە), ءاليحان اسەتوۆ پەن ەگور شالاپوۆقا — 9 ملن رۋبل (50,17 ملن تەڭگە), نيكيتا بوياركينگە — 8 ملن رۋبل (44,60 ملن تەڭگە), ەگور پەتۋحوۆ جانە اركادي شەستاكوۆقا — 6 ملن رۋبل (33,45 ملن تەڭگە), سامات دانيار، ميحايل راحمانوۆ پەن يۋري سەرگيەنكوعا — 5 ملن رۋبل (27,87 ملن تەڭگە), ءادىل بەكەتاەۆ، دميتري گۋركوۆ جانە اندرەي شۋتوۆقا — 4 ملن رۋبلدەن (22,30 ملن تەڭگە), تاميرلان گايتاميروۆكە — 3 ملن رۋبل (16,72 ملن تەڭگە) جالاقى تولەنەدى.

تىزىمگە كەيبىر قازاقستاندىق جاس ويىنشىلار ەنبەگەنىن ايتا كەتەيىك.

ولاردىڭ قاتارىندا «بارىس» ساپىندا ۇزاق ويناعان اڭسار شايحمەددەنوۆ پەن دىنمۇحامەد قايىرجان بار.

«سپورت-ەكسپرەسس» اقپاراتى بويىنشا، حوككەيشىلەردىڭ ەڭ تومەنگى ايلىعى – 1 ملن رۋبل (5,57 ملن تەڭگە).

باسىلىم ۇسىنعان ليگانىڭ 586 ويىنشىسى جالپى 11,993 ملرد رۋبل (66,86 ملرد تەڭگە) الادى.

Abai.kz