بۇگىن ەلوردانىڭ سارىارقا اۋداندىق №2 سوتىندا قايرات بورانباەۆ سوڭعى ءسوزىن سويلەدى.

«قۇرمەتتى سوت، سىزگە ءوز قۇقىعىمدى قورعاۋ ءۇشىن جۇگىنەمىن. بۇل ىستە پروكۋرورلاردىڭ ءوز قاتەلىكتەرىن مويىنداۋعا باتىلدىعى جەتپەدى. وسى ورايدا سوت جىبەرىلگەن قاتەلىكتەردى تۇزەتۋگە، ادىلدىك پەن زاڭدىلىقتى قالپىنا كەلتىرۋگە باتىلدىعى جەتەدى دەپ ۇمىتتەنەمىن. ءوز قاتەلىكتەرىن مويىنداي السا، ول ەركىن ادام»، – دەدى قايرات بورانباەۆ سوت الدىندا.

سونداي-اق، ايىپتالۋشى «ازياگازچۋندجا» جانە «Qazaq Gaz» اراسىنداعى مامىلەدەن مەملەكەتكە شىعىن كەلگەن بولسا، ونى وتەۋگە داينى ەكەنىن جەتكىزدى.

«قۇرمەتتى سوت، ءسىز زاڭ وكىلىسىز. ءبىزدىڭ ىسىمىزدە ۇرانداتۋشىلىق جوق، ءبىز جاساعان مامىلە تەك كوممەرتسيالىق سيپاتقا يە. تەرگەۋ باستالعاننان بەرى «ازياگازچۋندجا» جانە «Qazaq Gaz» اراسىنداعى مامىلەنى كوممەرتسيالىق جانە زاڭدى دەپ ساناپ كەلدىم، مۇمكىن مەن قاتەلەسكەن شىعارمىن. سوندىقتان ەگەر Qazaq Gaz مەملەكەت اتىنان بۇل مامىلەدەن شىن مانىندە زالال كەلتىرىلدى دەپ ەسەپتەسە، وندا مەن تەرگەۋ كەزىندە تاپقان تابىسىمدى قايتارۋعا دايىنمىن. بۇگىندە زالال تولىق كولەمدە وتەلدى. وسى ورايدا زاڭدى شەشىم قابىلدانادى دەپ ۇمىتتەنەمىن»، - دەيدى ول.

ەسكە سالساق، وتكەن جىلى 17 ناۋرىزدا سوتتىڭ شەشىمىمەن قايرات بورانباەۆ 2 ايعا قامالعان.

كەيىن قايرات ساتىبالدى مەن قايرات بورانباەۆتىڭ سىرتقا زاڭسىز شىعارىلعان اكتيۆتەرى قايتارىلا باستاعانى حابارلاندى.

ايتا كەتسەك، استانادا قايرات بورانباەۆقا قاتىستى سوت وتىرىسى بىلتىر 30 جەلتوقساندا باستالعان بولاتىن.

28 ناۋرىزدا وتكەن سوت وتىرىسىندا پروكۋرور قايرات بورانباەۆتى 8 جىلعا باس بوستاندىعىنان ايىرىپ، مۇلكىن تاركىلەۋدى سۇرادى.

Abai.kz