استانادا پروكۋرور قايرات بورانباەۆتى مۇلكىن تاركىلەپ، 8 جىلعا باس بوستاندىعىنان ايىرۋدى سۇرادى، دەپ حابارلايدى Halyq Uni.

سونداي-اق مەملەكەتتىك ايىپتاۋشى ءىس بويىنشا سوتتالۋشىلار رومان ناحانوۆ، يبۋللا سەردىنى دە 8 جىلعا سوتتاۋدى سۇرادى.

2022 جىلدىڭ 30 جەلتوقسانىندا استانادا قايرات بورانباەۆقا قاتىستى باستى سوت تالقىلاۋى باستالدى.

تەرگەۋ مالىمەتىنە سايكەس، قايرات بورانباەۆ ءوزىنىڭ سەنىمدى ادامى رومان ناحانوۆپەن، يبۋللا سەردى جانە تايىر جانۇزاقپەن بىرگە 2019 جىلدىڭ 1 شىلدەسىنەن 2022 جىلدىڭ 11 اقپانىنا دەيىن «ازياگازچۋندجا» جشس پەن «QazaqGaz» ۇك» اق اراسىندا كەلىسىمگە كەلگەن. كومپانيا اق-مەن 2 ملن 26 مىڭ 419 تەكشە مەتر كولەمىندە جالپى سوماسى 141 681 676 272 تەڭگەگە گاز جەتكىزۋگە كەلىسكەن.

«جانۇزاق جاعداي جاساپ، «QazaqGaz» ۇك» اق-دان «ازياگازچۋندجا» جشس-نىڭ «قازاقستان حالىق بانكى» اق-داعى شوتىنا گاز جەتكىزگەنى ءۇشىن قوسىمشا قۇن سالىعىن قوسقاندا 141 681 676 272 تەڭگە اۋدارىلعان. «QazaqGaz» ۇك» اق كورسەتىلگەن كولەمدەگى تاۋاردى تىكەلەي «گازپروم-ەكسپورت» ارقىلى 1000 تەكشە مەترى ءۇشىن 145 اقش دوللارى باعاسىنا 127 116 358 270 تەڭگەگە الادى. وسىلايشا جانۇزاق سەردى، بورانباەۆ جانە ناحانوۆ 2019 جىلدىڭ 1 شىلدەسى مەن 2020 جىلدىڭ 23 قاڭتارىنا دەيىنگى ارالىقتا 14 565 318 010 تەڭگە سوماسىنا مەملەكەت قاراجاتىن جۇمساعان»، - دەدى مەملەكەتتىك ايىپتاۋشى.

سوتتالۋشىلار تاۋاردى ارزانعا الۋعا بولاتىنىنا قاراماستان، «ازياگازچۋندجا» جشس ارقىلى قىمباتقا ساتىپ العان.

كاسىپكەر قايرات بورانباەۆ، رومان ناحانوۆ جانە تايىر جانۇزاق سوت پروتسەسى بارىسىندا ايىپتاۋ اكتىسىمەن كەلىسپەدى.

قايرات بورانباەۆ – داريعا نازارباەۆانىڭ قۇداسى. بورانباەۆتىڭ قىزى ءاليما 2013 جىلى ايسۇلتان نازارباەۆقا تۇرمىسقا شىقتى. ايسۇلتان 2020 جىلى تامىزدا لوندوندا قايتىس بولدى.

Abai.kz