جاقىن ارادا مەملەكەت باسشىسى قاسىم-جومارت توقاەۆ اقپاراتتىق دوكتريناسىن بەكىتتى. ءسوزسىز ماڭىزدى قۇجات. دوكترينانىڭ ماقساتى – اقپاراتتىق كەڭىستىكتى قورعاۋ، وتاندىق مەديانى قولداۋ جانە اقپاراتقا قولجەتىمدىلىكتى ارتتىرۋ. سونىمەن بىرگە، اشىق اقپاراتتىق كەڭىستىگى جونىندە ايىرىقشا ايتىلىپتى.

پرەزيدەنت تاپسىرماسىنا وراي دايىندالعان دوكترينانادا: «ەلدىڭ بىرىڭعاي اقپاراتتىق كەڭىستىگىنىڭ ورنىقتى جۇمىس ىستەۋىن دامىتۋ مەن قاۋىپسىزدىگىن قامتاماسىز ەتۋ مەملەكەتتىك ساياساتتىڭ بازالىق باسىمدىقتارىنىڭ ءبىرى. وسى باعىت شەڭبەرىندە اشىق اقپاراتتىق كەڭىستىكتى، سۇرانىسقا يە جانە مىقتى مەديانى قالىپتاستىرۋعا، قازاقستان رەسپۋبليكاسىنىڭ كونستيتۋتسياسىندا كەپىلدىك بەرىلگەن ءسوز بوستاندىعىن، اركىمنىڭ زاڭ جۇزىندە تىيىم سالىنباعان كەز كەلگەن تاسىلمەن ەركىن اقپارات الۋ جانە تاراتۋ قۇقىعىن قامتاماسىز ەتۋگە بايلانىستى مىندەتتەر كەشەنى شەشىلەدى»، دەلىنگەن.

سونىمەن قاتار، اقپاراتتىق سالاداعى قاۋىپسىزدىك پەن قاتەرلەرى اقپاراتتىق ساياساتتى جۇرگىزۋ تاسىلدەرىن قايتا قاراستىرۋ، اقپاراتتىق سالادا مەملەكەتتىك ينستيتۋتتار مەن باسقا دا قوعامدىق قاتىناستار سۋبەكتىلەرىنىڭ اراسىنداعى ءوزارا قارىم-قاتىناستاردىڭ جالپى پاراديگماسىن وزگەرتۋ ماسەلەسى قوزعالعان.

دوكترينانىڭ اقپارات سالاسىن العا جىلجىتۋدا الاتىن ورىنى ەرەكشە ەكەنى تۇسىنىكتى جايت. ويتكەنى بۇل دوكترينا ءىس-ارەكەت جاساۋعا باعىت بەرەتىن ناقتىلى نۇسقاۋلار پرينتسيپتەرىنىڭ جيىنتىعى.

مەملەكەت باسشىسى قول قويعان ايتۋلى دوكترينادا جالعان اقپاراتقا قارسى ءىس-قيمىلدىڭ مەملەكەتتىك تەتىگىن جەتىلدىرۋگە، اقپاراتتىق پروتسەستىڭ بارلىق قاتىسۋشىلارى اراسىندا ءتيىمدى كوممۋنيكاتسيالار جۇيەسىن قۇرۋعا مۇمكىندىك بەرەتىنى جانە ادىلەتتى قازاقستاندى قۇرۋ باعىتى اياسىندا اقپاراتتىق سالانىڭ مىندەتتەرىن شەشۋگە ىقپال ەتەتىنى ايتىلعان. تالاس تۋدىرمايتىن تۇعىرناما! بارشا باق وكىلدەرىنىڭ باعدار تۇتاتىن تەمىرقازىعى وسى بولۋ كەرەك دەگەن ويدامىز.

Abai.kz