2023 جىلدىڭ باسىنان بەرى 3 مىڭنان استام قازاق قانداس مارتەبەسىن العان. بۇل اقپاراتتى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى جاريالادى.

ۆەدومستۆونىڭ اقپاراتىنا قاراعاندا، 2023 جىلعى 1 قاڭتاردان 1 ناۋرىزعا دەيىنگى ارالىقتا 3134 قازاق تاريحي وتانىنا ورالىپ، قانداس مارتەبەسىن العان.

قانداستاردىڭ جارتىسىنان استامى وزبەكستاننان كەلگەن. 16,3 پايىزى قىتايدان، 15,9 پايىزى رەسەيدەن، 8,4 پايىزى تۇركىمەنستاننان، 4,5 پايىزى مونعوليادان، 4,9 پايىزى وزگە دە ەلدەردەن كەلگەن.

قانداستار، نەگىزىنەن، الماتى وبلىسىنا (27 پايىز), ماڭعىستاۋ (16,6 پايىز), تۇركىستان (7,1 پايىز), جامبىل (3,6 پايىز) وبلىستارىنا جانە استانا (10,5 پايىز), الماتى (7,6 پايىز), شىمكەنت (6,5 پايىز) قالالارىنا قونىستانعان.

مينيسترلىكتىڭ مالىمەتىنە قاراعاندا، قانداستاردىڭ 69,1 پايىزى – ەڭبەككە جارامدى ادامدار، 22,7 پايىزى – ەڭبەك جاسىنا جەتپەگەندەر، 8,2 پايىزى – زەينەتكەرلەر.

بۇعان دەيىن ەڭبەك مينيسترلىگى 2022 جىلى 18 مىڭ قازاق تاريحي وتانىنا ورالىپ، قانداس مارتەبەسىن العانىن حابارلاعان.

رەسمي ستاتيستيكاعا قاراعاندا، 1991 جىلدان بەرى قازاقستانعا 1 ميلليون 110,1 مىڭ قازاق ورالعان.

Abai.kz