اشىق حات: كىسى ولتىرگەن قىلمىسكەرلەرگە ءولىم جازاسى بەرىلسىن!
قر پرەزيدەنتى نۇرسۇلتان ءابىشۇلى نازارباەۆقا،
قر پارلامەنتى سەناتىنىڭ توراعاسى قايرات ماميگە،
قر پارلامەنتى ءماجىلىسىنىڭ توراعاسى نۇرلان نىعماتۋلينگە،
قر پرەمەر-مينيسترi سەرىك احمەتوۆكە،
قر ىشكى ىستەر ءمينيسترى قالمۇحامبەت قاسىموۆقا،
قر ادiلەت مينيسترi بەرىك يماشەۆقا
اشىق حات
قازاقستان رەسپۋبليكاسى قىلمىس فاكتىلەرىنىڭ تىركەلۋى جاعىنان ادام سانىنىڭ ازدىعىنا قاراماستان قىلمىستىلارى ەڭ كوپ اقش جانە رەسەيدەن كەيىنگى ءۇشىنشى ەلگە اينالىپ وتىر. وتكەن جىلى تىركەلگەن قىلمىستاردىڭ سانى 2011 جىلمەن سالىستىرعاندا 39%-عا ارتىپ، 288 مىڭدى قۇرادى. 2012 جىلى الماتى وبلىسىندا 350 ادام ءىز ءتۇسسىز جوعالعان. 2012 جىلى ەلىمىزدە 14 مىڭنان استام جول-كولىك وقيعاسى تىركەلگەن. ونداي وقيعالاردىڭ سالدارىنان 3 مىڭنان اسا ادام قايتىس بولعان.
نەگە بىزدە قىلمىس كوپ؟ نەگە كوپ ادامدار ءىز-ءتۇزسسىز جوعالادى ؟ جانە جول اپاتى نەلىكتەن شامادان تىس كوپ؟
قر پرەزيدەنتى نۇرسۇلتان ءابىشۇلى نازارباەۆقا،
قر پارلامەنتى سەناتىنىڭ توراعاسى قايرات ماميگە،
قر پارلامەنتى ءماجىلىسىنىڭ توراعاسى نۇرلان نىعماتۋلينگە،
قر پرەمەر-مينيسترi سەرىك احمەتوۆكە،
قر ىشكى ىستەر ءمينيسترى قالمۇحامبەت قاسىموۆقا،
قر ادiلەت مينيسترi بەرىك يماشەۆقا
اشىق حات
قازاقستان رەسپۋبليكاسى قىلمىس فاكتىلەرىنىڭ تىركەلۋى جاعىنان ادام سانىنىڭ ازدىعىنا قاراماستان قىلمىستىلارى ەڭ كوپ اقش جانە رەسەيدەن كەيىنگى ءۇشىنشى ەلگە اينالىپ وتىر. وتكەن جىلى تىركەلگەن قىلمىستاردىڭ سانى 2011 جىلمەن سالىستىرعاندا 39%-عا ارتىپ، 288 مىڭدى قۇرادى. 2012 جىلى الماتى وبلىسىندا 350 ادام ءىز ءتۇسسىز جوعالعان. 2012 جىلى ەلىمىزدە 14 مىڭنان استام جول-كولىك وقيعاسى تىركەلگەن. ونداي وقيعالاردىڭ سالدارىنان 3 مىڭنان اسا ادام قايتىس بولعان.
نەگە بىزدە قىلمىس كوپ؟ نەگە كوپ ادامدار ءىز-ءتۇزسسىز جوعالادى ؟ جانە جول اپاتى نەلىكتەن شامادان تىس كوپ؟
باستى سەبەپ - ادام ولتىرگەن قىلمىستىلاردىڭ ءوز دەڭگەيىندە جازالانباۋى. ءبىزدىڭ زاڭىمىز قىلمىس وتكىزگەن ادامعا شەكتەن تىس مۇمكىندىكتەرمەن جەڭىلدىكتەر بەرىپ وتىر. سونىمەن بىرگە وعان تەگىن زاڭدىق قورعاۋشى بەرەدى. ال، جابىرلەنۋشىگە زاڭدىق قورعاۋشى بەرمەيدى. جابىرلەنۋشى جاق ءولىم جونەلتىپ تاعى باسقا شارۋالارمەن ەسى شىعىپ جاتقاندا قر قىلمىستىق ءىس-جۇرگىزۋ كودەكسىنىڭ 68, 69, 70, 71, 72, 73, 74 باپتارى بويىنشا ايپتالۋشى مەن ونىڭ قورعاۋشىسىنا قاي كەزدە، قانشا رەت، قانشا ۋاقىت كەزدەسۋىنە جانە كۇدىكتىنىڭ ءۇي-ىشىمەن كەزدەسۋىنە، تەلەفون سوعۋىنا، جاۋاپ بەرمەۋىنە جول بەرىپ، ولاردىڭ وتىرىككە مىقتاپ دايىندالۋىنا، جالتارۋىنا وراي بەرىپ قويعان. جاۋىزدىقپەن نەمەسە قاساقانا كىسى ولتىرگەن قىلمىستىلاردىڭ ءوزى 6 جىلدان 15 جىلعا باس بوستاندىعىنان ايىرۋعا جازالانادى. (96 باپ قر قك) ابايسىزدا كىسى ءولتىرۋ 3 جىلعا دەيىنگى باس بوستاندىعىنان ايىرىلادى. (101باپ قر قك)
باتىستىڭ ادام قۇقىعى نەمەسە دەموكراتياسى دەپ ءوز قوعامىمىزدىڭ شىندىعىن ۇمىتىپ، راحىمشىلىق جاسايمىز. تۇزەلۋ بەينەسى جاقسى دەپ جىلىن قىسقارتامىز، ت.ب جەڭىلدىكتەر بەرىلگەن. بۇل جابىرلەنۋشى جاقتىڭ اشۋ-ىزاسىن تۋدىرىپ، ءوز جولىمەن كەك قايتارۋ ويىن تۋعىزادى جانە بولاشاق قىلمىستىلاردى زاڭنان قورقپاستان قىلمىس جاساۋعا يتەرمەلەيدى. جاۋىزدىققا جول بەرىپ جاۋىزدىقتى جاقتاعانى ءۇشىن بۇكىل حالىق قۇقىق قورعاۋشى ورگاندارى مەن سوتتارعا سەنۋدەن قالعان.
جازاسىن وتەپ تۇرمەدەن كەلگەن قىلمىستى كادىمگى حالىق باتىرى ىسپەتتى الشاڭداي باسىپ ەلدەردىڭ ۇرەيىن ۇشىرادى. ونى كورگەن اقىل توقتاتپاعان جاس ۇرپاق وعان ەلىكتەپ ءومىر سۇرەدى، ولاردا سول جولدى تاڭدايدى. ءبىز وسىلايشا قىلمىستى ءوز قولىمىزدان كوبەيتىپ وتىرمىز. قوعامعا تۇك پايداسى جوق قىلمىستىنى ولىمگە قيماي، قانشاما قوعامعا پايدالى ادامداردى قىلمىستىلاردىڭ قولىمەن ءولتىرتىپ وتىرمىز! ولار ارقىلى قوعامعا قانشاما قىلمىستى ادامداردى تاربيەلەپ شىعارىپ وتىرمىز. ءبىزدىڭ تالاپ: كىسى ولتىرگەن قىلمىسكەرلەرگە ءولىم جازاسى بەرىلسىن!
التىن القالى كوپ بالالى انا، زەينەتكەر مۇحامجان زاقان،
ءبىرىنشى دارەجەلى مۇگەدەك ابدۋراقىن بالىقباي،
قحر ۋحان پەد ۋنۆەرسيتەتىنىڭ PhD نۇرحالىق ابدۋراقىن،
نۇرالباي دۇڭگەنباي، جۇلدىز نۇرالبايقىزى، مولداش بوتاي، نۇرسەيىت مامياربەك، سەرجان توقتاسىن، گۇلماحان كوكسۋباي، تۇردالى نۇرجۇما، نۇرجۇما اشەكەي، ەرجان قۇسايىن.
Abai.kz
