قر ورتالىق سايلاۋ كوميسسياسى 2023 جىلعى 19 ناۋرىزعا تاعايىندالعان قازاقستان رەسپۋبليكاسى پارلامەنتى ءماجىلىسى مەن ءماسليحاتتارى دەپۋتاتتارىنىڭ كەزەكتەن تىس سايلاۋىنا بايلانىستى قوعامدىق پىكىرگە ساۋالناما جۇرگىزۋ ەرەجەسىن جاريالادى  «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابى 9-تارماعىنىڭ تالاپتارىنا سايكەس سايلاۋعا بايلانىستى قوعامدىق پىكىرگە ساۋالناما جۇرگىزۋدى قازاقستان رەسپۋبليكاسىنىڭ زاڭناماسىنا سايكەس تىركەلگەن، قوعامدىق پىكىرگە ساۋالناما جۇرگىزۋ بويىنشا كەمىندە بەس جىل تاجىريبەسى بار زاڭدى تۇلعالار ءتيىستى قۇجاتتاردىڭ كوشىرمەلەرىن قوسا بەرىپ، بۇل تۋرالى ورتالىق سايلاۋ كوميسسياسىن جازباشا تۇردە الدىن الا حاباردار ەتە وتىرىپ جۇرگىزۋگە قۇقىلى.

ورتالىق سايلاۋ كوميسسياسىنا جىبەرىلەتىن حابارلامادا ساۋالناماعا قاتىساتىن جانە وسى سالادا جۇمىس تاجىريبەسى بار ماماندار تۋرالى، قوعامدىق پىكىرگە ساۋالناما جۇرگىزىلەتىن وڭىرلەر تۋرالى، قولدانىلاتىن تالداۋ ادىستەرى تۋرالى مالىمەتتەر كورسەتىلەدى.

سايلاۋعا بايلانىستى قوعامدىق پىكىرگە ساۋالناما جۇرگىزۋ ناتيجەلەرىن جاريالاعان كەزدە بۇقارالىق اقپارات قۇرالدارى، ونلاين-پلاتفورمالار ساۋالناما جۇرگiزگەن زاڭدى تۇلعانى، ساۋالناما جۇرگىزۋگە تاپسىرىس بەرگەن جانە ونىڭ اقىسىن تولەگەن تۇلعالاردى، ساۋالناما جۇرگiزىلگەن ۋاقىتتى، اقپارات جيناۋ ءادiسiن، سۇراقتىڭ ناقتى تۇجىرىمىن، ساۋالناماعا قاتىسقانداردىڭ سانى مەن ساۋالناما جۇرگىزۋ ناتيجەلەرىنىڭ قاتەلiك كوەففيتسيەنتiن كورسەتۋگە مiندەتتi.

قوعامدىق پىكىرگە ساۋالناما جۇرگىزۋ ناتيجەلەرiن، سايلاۋ، سايلاۋعا بايلانىستى وزگە دە زەرتتەۋلەر، كانديداتتاردى نە ساياسي پارتيالاردى قولداپ داۋىس بەرۋ ناتيجەلەرiنiڭ بولجامدارىن داۋىس بەرiلەتىن كۇننىڭ الدىنداعى بەس كۇن ىشىندە (2023 جىلعى 14 – 18 ناۋرىز ارالىعىندا) جانە داۋىس بەرiلەتiن كۇنى (2023 جىلعى 19 ناۋرىزدا) ينتەرنەت جەلىسىندە جاريالاۋعا جول بەرىلمەيدi.

«سايلاۋعا بايلانىستى قوعامدىق پiكiرگە ساۋالناما جۇرگىزۋ شارتتارىن بۇزۋ ادامدى اكىمشىلىك جاۋاپقا تارتۋعا نەگىز بولىپ تابىلادى (اقبتك-ءنىڭ 120-بابى)»،-دەلىنگەن حابارلامادا.

Abai.kz