ناۋرىز ايىنىڭ 23-ءى كۇنى «قازاقستان» ۇلتتىق ارناسىندا وسىنداي اتپەن ەلىمىزدە بۇرىن سوڭدى بولماعان ارنايى مەگاجوبانىڭ تۇساۋى كەسىلەدى. «جۇلدىزدى ءسات» تەلەدۋمانى ارقىلى قالىڭ كورەرمەن ەلىمىزدەگى قاراپايىم جانداردىڭ تاڭ قالارلىق ونەرىنە كۋا بولىپ،  تاماشالاي الادى. ناۋرىز، ءساۋىر ايلارىندا جوبانىڭ العاشقى ىرىكتەۋ كەزەڭدەرى كورسەتىلەدى. مامىر، ماۋسىم ايلارىندا وتەتىن جارتىلاي فينال مەن اقتىق سىندى كورەرمەن تىكەلەي ەفيردە تاماشالايدى. بۇل كەزدە جەڭىمپاز كورەرمەندەر جولداعان  «سمس» داۋىس بەرۋ ارقىلى انىقتالادى.

باس جۇلدەگە 5 ملن تەڭگە تاعايىندالعان. قازىلار القاسىنىڭ قۇرامىندا قازاقستاننىڭ حالىق ءارتىسى تۇڭعىشباي ءال-تارازي، قازاقستاننىڭ ەڭبەك سىڭىرگەن  ءارتىسى مايرا مۇحامەدقىزى جانە سيدنەي وليمپياداسىنىڭ  جۇلدەگەرى  يسلام بايرامۋكوۆ بار. اتالعان باعدارلاما اعىلشىنىڭ  "Britain's Got Talent" جوباسى نەگىزىندە جاسالىپ وتىر. جوبا ءتۇرلى اتپەن الەمنىڭ 40 ەلىندە كورسەتىلدى. ءتۇپ نەگىزى ۇلىبريتانيادا جاسالعان باعدارلامانى قازاق جەرىندە كورسەتۋ  قۇقىنا ۇلتتىق ارنا يە بولدى.

ناۋرىز ايىنىڭ 23-ءى كۇنى «قازاقستان» ۇلتتىق ارناسىندا وسىنداي اتپەن ەلىمىزدە بۇرىن سوڭدى بولماعان ارنايى مەگاجوبانىڭ تۇساۋى كەسىلەدى. «جۇلدىزدى ءسات» تەلەدۋمانى ارقىلى قالىڭ كورەرمەن ەلىمىزدەگى قاراپايىم جانداردىڭ تاڭ قالارلىق ونەرىنە كۋا بولىپ،  تاماشالاي الادى. ناۋرىز، ءساۋىر ايلارىندا جوبانىڭ العاشقى ىرىكتەۋ كەزەڭدەرى كورسەتىلەدى. مامىر، ماۋسىم ايلارىندا وتەتىن جارتىلاي فينال مەن اقتىق سىندى كورەرمەن تىكەلەي ەفيردە تاماشالايدى. بۇل كەزدە جەڭىمپاز كورەرمەندەر جولداعان  «سمس» داۋىس بەرۋ ارقىلى انىقتالادى.

باس جۇلدەگە 5 ملن تەڭگە تاعايىندالعان. قازىلار القاسىنىڭ قۇرامىندا قازاقستاننىڭ حالىق ءارتىسى تۇڭعىشباي ءال-تارازي، قازاقستاننىڭ ەڭبەك سىڭىرگەن  ءارتىسى مايرا مۇحامەدقىزى جانە سيدنەي وليمپياداسىنىڭ  جۇلدەگەرى  يسلام بايرامۋكوۆ بار. اتالعان باعدارلاما اعىلشىنىڭ  "Britain's Got Talent" جوباسى نەگىزىندە جاسالىپ وتىر. جوبا ءتۇرلى اتپەن الەمنىڭ 40 ەلىندە كورسەتىلدى. ءتۇپ نەگىزى ۇلىبريتانيادا جاسالعان باعدارلامانى قازاق جەرىندە كورسەتۋ  قۇقىنا ۇلتتىق ارنا يە بولدى.

شىعارماشىلىق توپ جوبانىڭ تارتىسقا تولى قىزۋ دا،  تارتىمدى وتەتىنىن ايتىپ وتىر. سەبەبى رەسپۋبليكا بويىنشا وتكەن ىرىكتەۋ كەزىندە ونەرپازداردىڭ ەڭ ۇزدىكتەرى عانا تاڭداپ الىندى. كاستينگ بىلتىر جەلتوقسان ايىنىڭ 21-ءى مەن 28-ءى  ارالىعىندا بارلىق وبلىس  ورتالىقتارىندا، سونداي-اق الماتى مەن استانا قالالارىندا  وتتى. وعان ەلىمىزدىڭ ءار وڭىرىندە تۇرىپ جاتقان  ەرەكشە ونەر يەلەرى قاتىستى. بۇل جوباعا قاتىسۋشىلاردىڭ جاس ەرەكشەلىگى مەن ماماندىعىنا شەكتەۋ قويىلعان جوق.

باعدارلامانىڭ ماقساتى - ەلىمىزدىڭ تۇكپىر-تۇكپىرىندە جۇرگەن بەيمالىم دارىن يەلەرىن قالىڭ جۇرتشىلىققا تانىتۋ.

«جۇلدىزدى ءسات» تەلەدۋمانى ءار سەنبىدە ساعات 21.05 بولادى. ءار بەيسەنبى كۇنى جوبانىڭ كۇندەلىگى كورەرمەن نازارىنا ۇسىنىلادى.