رەداكتسيامىزعا الماتى قالاسىنداعى بوستاندىق اۋدانىنا قاراستى مەكتەپتەردىڭ بىرىنەن قوڭىراۋ سوققان مۇعالىمدەر: «بىزگە «دوستىق» سپورت كومپلەكسىندە 31 ناۋرىز كۇنى وتەتىن سپورتتىق بيدەن جارىسقا بيلەتتەردى  كۇشتەپ ساتىپ جاتىر. وسىعان توقتاۋ سالىپ بەرىڭىزدەرشى. قيت ەتسە، ءبىزدى قينايتىندارى نەسى؟» دەپ رەنىشتەرىن ايتتى. راسىندا، نەگە بىزدە باز ءبىر ءانشىنىڭ كەشى وتەتىن بولسا، نەمەسە اكىمشىلىك جيىن شاقىراتىن بولسا، مۇعالىمدەردى قينايدى؟ مەكتەپ مۇعالىمدەرى مەكتەپتە ساباق بەرە مە، الدە، قوعامدىق جۇمىستارعا ات سالىسىپ الاوكپە بولىپ جۇرە مە؟ وسى جايتتى ءبىر سوزىندە ءتىپتى پرەزيدەنت نازارباەۆتىڭ ءوزى دە قاتاڭ ەسكەرتكەن ەدى. سوندا دا ۇيرەنىپ قالعان ادەت: مۇعالىمدەر قالتاسىنان قارا باقىرىن سۋىرىپ بەرمەسە، كونتسەرت وتپەيدى، اكىمدەردىڭ ەرىگىپ وتىرىپ تاپقان اكتسيالارىنا ادام بارمايدى. سونىڭ تاعى ءبىر كەبى جوعارىدا سوعىلعان قوڭىراۋدان بايقالعان سوڭ ءتيىستى ادامدارمەن بايلانىسقا شىعۋعا تۋرا كەلدى.

-«دوستىق» سپورت كومپلەكسىندە 31 ناۋرىز كۇنى وتەتىن سپورتتىق بيدەن جارىسقا بيلەتتەردى بوستاندىق اۋدانىنا قاراستى ءبىر مەكتەپتىڭ مۇعالىمدەرىنە كۇشتەپ ساتىپ جاتىر دەگەن اقپارات ءتۇستى. وسىنىڭ اقىن-قانىعىن بىلەيىك دەپ حابارلاسىپ تۇرمىز، - دەدىك سپورتتىق بيدەن جارىس وتكىزۋدى ۇيىمداستىرۋشىلاردىڭ ءبىرى ۆاسيلي حوروشەۆ دەگەن ازاماتقا. حوروشەۆ بىلاي دەدى:

رەداكتسيامىزعا الماتى قالاسىنداعى بوستاندىق اۋدانىنا قاراستى مەكتەپتەردىڭ بىرىنەن قوڭىراۋ سوققان مۇعالىمدەر: «بىزگە «دوستىق» سپورت كومپلەكسىندە 31 ناۋرىز كۇنى وتەتىن سپورتتىق بيدەن جارىسقا بيلەتتەردى  كۇشتەپ ساتىپ جاتىر. وسىعان توقتاۋ سالىپ بەرىڭىزدەرشى. قيت ەتسە، ءبىزدى قينايتىندارى نەسى؟» دەپ رەنىشتەرىن ايتتى. راسىندا، نەگە بىزدە باز ءبىر ءانشىنىڭ كەشى وتەتىن بولسا، نەمەسە اكىمشىلىك جيىن شاقىراتىن بولسا، مۇعالىمدەردى قينايدى؟ مەكتەپ مۇعالىمدەرى مەكتەپتە ساباق بەرە مە، الدە، قوعامدىق جۇمىستارعا ات سالىسىپ الاوكپە بولىپ جۇرە مە؟ وسى جايتتى ءبىر سوزىندە ءتىپتى پرەزيدەنت نازارباەۆتىڭ ءوزى دە قاتاڭ ەسكەرتكەن ەدى. سوندا دا ۇيرەنىپ قالعان ادەت: مۇعالىمدەر قالتاسىنان قارا باقىرىن سۋىرىپ بەرمەسە، كونتسەرت وتپەيدى، اكىمدەردىڭ ەرىگىپ وتىرىپ تاپقان اكتسيالارىنا ادام بارمايدى. سونىڭ تاعى ءبىر كەبى جوعارىدا سوعىلعان قوڭىراۋدان بايقالعان سوڭ ءتيىستى ادامدارمەن بايلانىسقا شىعۋعا تۋرا كەلدى.

-«دوستىق» سپورت كومپلەكسىندە 31 ناۋرىز كۇنى وتەتىن سپورتتىق بيدەن جارىسقا بيلەتتەردى بوستاندىق اۋدانىنا قاراستى ءبىر مەكتەپتىڭ مۇعالىمدەرىنە كۇشتەپ ساتىپ جاتىر دەگەن اقپارات ءتۇستى. وسىنىڭ اقىن-قانىعىن بىلەيىك دەپ حابارلاسىپ تۇرمىز، - دەدىك سپورتتىق بيدەن جارىس وتكىزۋدى ۇيىمداستىرۋشىلاردىڭ ءبىرى ۆاسيلي حوروشەۆ دەگەن ازاماتقا. حوروشەۆ بىلاي دەدى:

- 1 ناۋرىز كۇنى سپورتتىق بيدەن جارىس وتەتىنى راس. بىراق بيلەتتەر ساتىلىمعا ءالى تۇسكەن جوق. تەك بالالارى سپورتتىق بيمەن اينالىساتىن اتا-انالار عانا الدىن الا الىپ جاتىر. ال، بيلەتتەردى بوستاندىق اۋدانىنا قاراستى مەكتەپتەردىڭ بىرىندە مۇعالىمدەرگە كۇشتەپ ساتىپ جاتقانىنان حابارىم جوق.

ءبىز بىردەن بوستاندىق اۋدانى ءبىلىم باسقارماسىنا حابارلاستىق. اۋەلى تەلەفوندى ءبىر قىز الىپ، ول ساۋالىمىزدى تۇسىنە الماي، بىرنەشە رەت قايتالاپ ايتۋىمىزعا تۋرا كەلدى. اقىرى، ول قىز: «ودان حابارىمىز جوق. باستىققا حابارلاسىڭىز»، دەپ تەلەفونىن ايتتى. حابارلاستىق.

سودان الماتى قالاسى بوستاندىق اۋدانى ءبىلىم ءبولىمىنىڭ باستىعى قۋات رايىمبەكوۆكە حابارلاستىق. ول كىسىمەن اڭگىمەمىز تومەندەگىشە ءوربىدى.

-  سالەمەتسىز بە؟ بوستاندىق اۋداندىق ءبىلىم ءبولىمى مە؟

-  ءيا.

-  ءسىز ءبىلىم ءبولىمىنىڭ باستىعى قۋات ورازبەكۇلى بولاسىز با؟

-  ءيا.

-  «دوستىق» سپورت كومپلەكسىندە 31 ناۋرىز كۇنى وتەتىن سپورتتىق بيدەن جارىسقا بيلەتتەردى بوستاندىق اۋدانىنا قاراستى ءبىر مەكتەپتىڭ مۇعالىمدەرىنە كۇشتەپ ساتىپ جاتىر دەگەن اقپارات ءتۇستى. وسىنىڭ انىق-قانىعىن بىلەيىك دەپ حابارلاسىپ تۇرمىز.

-  تالاسىپ-تارماسىپ الىپ جاتىر دەپ ەدى عوي.

-  دەمەك، بيلەتتىڭ ساتىلىپ جاتقانىن راستايسىز عوي؟

-  ولار (سپورتتىق بيدەن جارىس وتكىزۋدى ۇيىمداستىرۋشىلار.- رەد.) بىزگە بىرنەشە رەت كەلگەن. بىراق ءبىز ولارعا بيلەت ساتۋعا رۇقسات بەرە المايتىنىمىزدى، ونداي ىسكە رۇقسات جوقتىعىن ال، ەگەر مەكتەپ ديرەكتورلارى الامىز دەسە، ونى وزدەرى بىلەدى دەگەنبىز. مەكتەپتەردە بالالارى سپورتتىق بيگە قاتىساتىن ادامدار شىعار. ءبىزدىڭ بۇعان قاتىسىمىز جوق.

سىزدەرگە حابارلاسقان قانداي مەكتەپتىڭ مۇعالىمدەرى ەكەنىن ايتپايسىز با؟

- .......

P.S. «سىزدەرگە حابارلاسقان قانداي مەكتەپتىڭ مۇعالىمدەرى ەكەنىن ايتپايسىز با؟» - دەپ سۇراپ جاتىر ءبىلىم ءبولىمىنىڭ باستىعى قۋات ورازبەكۇلى مىرزا. ايتار ەدىك، اشۋى قاتتى اعايلار دەرەگى بىزگە ءمالىم مەكتەپتىڭ شاڭىن قاعىپ الارى انىق. سوندىقتان دەرەككوزىن قۇپيا ساقتاۋعا تىرىستىق. ەسەسىنە، ورازبەكۇلى مىرزا پارمەن ەتىپ، بيلەتتەردىڭ كۇشتەپ ساتىلۋىن توقتاتىندىعىن، قاجەت بولسا ۇيىمداستىرۋشىلارعا قايتارىپ بەرەتىندىگىن ايتتى. قۇرمەتتى، ۇستازدار قاۋىمى!

مىنە، وسىنداي كەلەڭسىزدىكتەر ورىن الىپ جاتسا، رەداكتسياعا حابارلاسىڭىزدار! Cىزدەردىڭ بەرگەن اقپاراتتارىڭىزدىڭ دەرەككوزى جاريا ەتىلمەيدى.

ءبىزدىڭ تەلەفوندارىمىز: 8 727 249 70 11, abai-akparat@mail.ru

Abai.kz