«اقتوبە ماڭىندا مەتاللۋرگيالىق زاۋىت قۇرىلىسى قارقىن الماق. زاۋىت جاپوندىق Iron Nagget Exchange كومپانياسىنىڭ شويىن ءوندىرىسى  تەحنولوگياسىن پايدالانادى»، - دەپ ءمالىم ەتتى تىلشىلەرگە بەرگەن سۇحباتىندا SBS Steel جشس ديرەكتورى مارات يبراگيموۆ. ونىڭ ايتۋىنشا، ءوندىرىس ورنىنىڭ قۋاتتىلىعى جىلىنا 500 مىڭ توننا تۇيىرشىكتەلگەن شويىن ءونىمىن قۇراۋى مۇمكىن. كۇنشىعىس ەلىنىڭ جاڭاشىلدىعى ەكولوگيالىق تۇرعىدا تازا، ۋاقىت جاعىنان العاندا ءوندىرىس بارىسىندا رۋدادان تەمىردى العاندا نەبارى 10 مينۋت ۋاقىت كەتەدى. اتالعان تەحنولوگيا بويىنشا مەتاللۋرگيالىق تەمىردەن قالدىقتاردى اجىراتا وتىرىپ، قۇرامى تازا تەمىردەن تۇراتىن تۇيىرشىكتەردى الۋعا بولادى. اقىرعى ءونىم، مارات يبراگيموۆتىڭ ايتۋىنشا، قۇرامىندا 96-98 پايىز تەمىردىڭ ۇلەسى بار جوعارى ساپالى تۇيىرشىكتەلگەن شويىن بولماق.

ءوز كەزەگىندە مەتاللۋرگيالىق زاۋىتتى جاپونيانىڭ Iron Nagget Exchange كومپانياسىنىڭ سالاتىنى جونىندە تاياۋدا ەلباسى نۇرسۇلتان نازارباەۆپەن بولعان كەزدەسۋىندە كومپانيا پرەزيدەنتى ءارى باس اتقارۋشى ديرەكتورى، تەحنولوگيانى ويلاستىرۋشى توكۋيا نەگامي مالىمدەگەن ەدى. ونىڭ سوزىنە قاراعاندا، وسىعان ۇقساس زاۋىت بۇگىندە امەريكانىڭ ميننەسوتا شتاتىندا سالىنىپ جاتىر.

«اقتوبە ماڭىندا مەتاللۋرگيالىق زاۋىت قۇرىلىسى قارقىن الماق. زاۋىت جاپوندىق Iron Nagget Exchange كومپانياسىنىڭ شويىن ءوندىرىسى  تەحنولوگياسىن پايدالانادى»، - دەپ ءمالىم ەتتى تىلشىلەرگە بەرگەن سۇحباتىندا SBS Steel جشس ديرەكتورى مارات يبراگيموۆ. ونىڭ ايتۋىنشا، ءوندىرىس ورنىنىڭ قۋاتتىلىعى جىلىنا 500 مىڭ توننا تۇيىرشىكتەلگەن شويىن ءونىمىن قۇراۋى مۇمكىن. كۇنشىعىس ەلىنىڭ جاڭاشىلدىعى ەكولوگيالىق تۇرعىدا تازا، ۋاقىت جاعىنان العاندا ءوندىرىس بارىسىندا رۋدادان تەمىردى العاندا نەبارى 10 مينۋت ۋاقىت كەتەدى. اتالعان تەحنولوگيا بويىنشا مەتاللۋرگيالىق تەمىردەن قالدىقتاردى اجىراتا وتىرىپ، قۇرامى تازا تەمىردەن تۇراتىن تۇيىرشىكتەردى الۋعا بولادى. اقىرعى ءونىم، مارات يبراگيموۆتىڭ ايتۋىنشا، قۇرامىندا 96-98 پايىز تەمىردىڭ ۇلەسى بار جوعارى ساپالى تۇيىرشىكتەلگەن شويىن بولماق.

ءوز كەزەگىندە مەتاللۋرگيالىق زاۋىتتى جاپونيانىڭ Iron Nagget Exchange كومپانياسىنىڭ سالاتىنى جونىندە تاياۋدا ەلباسى نۇرسۇلتان نازارباەۆپەن بولعان كەزدەسۋىندە كومپانيا پرەزيدەنتى ءارى باس اتقارۋشى ديرەكتورى، تەحنولوگيانى ويلاستىرۋشى توكۋيا نەگامي مالىمدەگەن ەدى. ونىڭ سوزىنە قاراعاندا، وسىعان ۇقساس زاۋىت بۇگىندە امەريكانىڭ ميننەسوتا شتاتىندا سالىنىپ جاتىر.

جالپى، اقتوبە وبلىسىندا، مۇعالجار اۋدانىنىڭ قاندىاعاش قالاسىندا زاۋىت قۇرىلىسى باستالىپ كەتتى دەۋگە دە بولادى. بۇل تۋرالى SBS Steel جشس-ءتىڭ قوعاممەن بايلانىس جونىندەگى ءبولىمى حابارلادى. نەگىزگى قۇرىلىس جۇمىستارى جوبانى قارجىلاندىرۋ جۇمىستارى باستالىسىمەن تامىز ايىندا قولعا الىنا باستايدى. تاياۋدا ۇكىمەتتىڭ وسى جوبانى قولداۋ جونىندەگى شەشىمى قابىلدانعانى بەلگىلى. ءسويتىپ، قازاقستان جاعى جۇمىستىڭ بەلگىلى اۋقىمىن قارجىلاندىراتىن بولىپ كەلىستى. ونىڭ ىشىندە زاۋىت اۋماعىنداعى 42 شاقىرىم تەمىرجول قۇرىلىسى، كاسىپورىندى ەلەكتر كوزىمەن قامتاماسىز ەتەتىن ەلەكتر جەتكىزۋ جەلىسى، اۆتوجول قۇرىلىستارى قاراستىرىلعان. بۇل ءوز كەزەگىندە جوبانىڭ قۇنىن 450 ميلليون دوللاردان 380-390 ميلليون دوللارعا دەيىن تومەندەتۋگە مۇمكىندىك بەردى. قاراجات SBS Steel جشس قۇرىلتايشىلارى مەن قازاقستان دامۋ بانكى تاراپىنان بولادى.

ايتا كەتەيىك، باستاپقىدا كەشەن اياسىندا ءوزىنىڭ جەكە 180 مۆت-تىق گازتۋربينالىق ستانسىسى قۇرىلىسىنىڭ جوباسىن دا ويلاستىرىپتى. ساراپتاي كەلە، ەنەرگەتيكالىق تاۋەلسىزدىكتى قامتاماسىز ەتۋ ءتيىمسىز ەكەندىگىنە كوز جەتكىزگەن. كاسىپورىننىڭ جۇمىسىنا قاجەتتى 12-15 مۆت ەلەكتر ەنەرگياسىن KEGOC-تان تىكەلەي تارتىپ الۋعا دا بولاتىنىن دەر كەزىندە تۇسىنگەن.

العاشقى ءونىم قۇرىلىس باستالعاننان كەيىن ءۇش جىلدان سوڭ الىنادى. الايدا زاۋىت باسشىلىعى، مۇمكىندىك بولسا، ەرتەرەك الۋعا دا قۇلشىنىس تانىتىپ وتىرعاندىعىن جاسىرمايدى. ءبىر جاعىنان العاندا، تۇتىنۋ نارىعى دا ءونىمدى تەزىرەك الۋعا مۇددەلى. ءوز كەزەگىندە SBS Group توبى ماركەتينگ ءبولىمىنىڭ ديرەكتورى سۆەتلانا وبۋحوۆانىڭ حابارلاۋىنا قاراعاندا، جاپون سەرىكتەستەرى زاۋىتتىڭ بارلىق ءونىمىن ساتىپ الۋعا ءازىر. دەگەنمەن ءوندىرىس ورنى ءونىمنىڭ بەلگىلى مولشەرىن رەسەي تۇتىنۋشىلارىنا جەتكىزۋ جاعى دا قاراستىرىلىپ وتىر. تۇتىنۋ نارىعى تۇراقتى بولادى دەپ كۇتىلۋدە. ءارى وسىنىڭ ەسەبىنەن بولات وندىرىسىمەن اينالىساتىن مەتاللۋرگيالىق كاسىپورىندار دا تۇتىنىلاتىن ەنەرگيا كوزىن 20 پايىزعا ۇنەمدەي الادى.

جاڭا زاۋىت جاقىن ارادا گازدى دا وندىرەتىن بولادى. جاڭاجول مۇناي كەن ورنىنان تارتىلاتىن كوگىلدىر وتىن تابيعي گازدان ءۇش ەسەگە ارزانعا شىققالى وتىر. ال شيكىزات سارىباي-سوكولوۆ كەن ورنىنان جەتكىزىلمەك. كومپانيا ديرەكتورى مارات يبراگيموۆ سونداي-اق اقتوبە وبلىسىنداعى كەن ورىندارىن دا پايدالانۋ مۇمكىندىكتەرىن قاراستىرىپ جاتقاندىقتارىن ايتادى. مىسالى، اقتوبەدەن 140 شاقىرىم جەردەگى وڭتۇستىك ۆەريكوۆسكي كەن ورنىنىڭ ءونىمى جاڭا زاۋىت ءۇشىن تاپتىرماس شيكىزات كوزى بولۋى مۇمكىن. ال بولاشاقتا وسىعان ۇقساس قۋاتتىلىعى 500 مىڭ توننانى قۇرايتىن ەكى جوبا قۇرىلىسى قولعا الىنادى دەپ جوسپارلانىپتى.

جالپى، اقتوبەدە بوي كوتەرگەلى وتىرعان قارا مەتاللۋرگياداعى ءۇشىنشى بۋىن تەحنولوگيانى پايدالاناتىن كاسىپورىن الەم بويىنشا ەكىنشى زاۋىت ەكەن. ءبىرىنشىسى اقش-تا سالىنىپ بىتكەلى جاتىر.

ايتا كەتەيىك، SBS Steەl جشس-ءى مۇنداي اۋقىمدى جوبانى «قازاقستاننىڭ 30 كورپوراتيۆتى كوشباسشى» جانە «سامۇرىق-قازىنا» ۇاق» اق ينۆەستيتسيالىق باعدارلامالار اياسىندا قولعا العالى وتىر. 480 ميلليون دوللار كولەمىندەگى زاۋىتتىڭ جالپى قۇنىنىڭ 384 ميلليون دوللارى «قازاقستان دامۋ بانكى» اق تاراپىنان قارجىلاندىرىلماق. قالعان 96 ميلليون دوللار كولەمىندەگى ينۆەستيتسيانى SBS Steەl جشس قۇرىلتايشىلارىنىڭ ەسەبىنەن وتەلمەك.

«الاش ايناسى» گازەتى، 30.07.2009