شەشەنستان باسشىسى رامزان قادىروۆتى سىناعان وپپوزيتسيالىق شەشەن بلوگەرى تۋمسو ءابدىراحمانوۆتى شۆەتسيادا ءولتىرىپ كەتتى. بۇل تۋرالى 1ADAT تەلەگرام-ارناسى "ەۋروپا مەن شەشەنستانداعى دەرەككوزدەر" مالىمەتىنە سۇيەنە وتىرىپ حابارلادى.

شۆەتسيا قۇقىق قورعاۋ ورگاندارى ازىرگە مالىمەتكە قاتىستى اقپارات تاراتپادى.

تەلەگرام-ارنا مالىمەتىنشە، ءابدىراحمانوۆتى شۆەتسيادا 2 جەلتوقسانعا قاراعان ءتۇنى اتىپ كەتكەن. "ونى ءولتىرىپ كەتكەنىن راستايتىن سەنىمدى اقپارات الدىق، ال ونىڭ باۋىرى مۇحاممادتى ارنايى قىزمەت جاسىرىپ قويدى", - دەپ جازدى وپپوزيتسيالىق تەلەگرام-ارنا.

تۋمسو ءابدىراحمانوۆ پەن ونىڭ باۋىرى، ادام قۇقىقتارىن قورعاۋشى مۇحامماد ءابدىراحمانوۆ بايلانىسقا شىقپاي قالعانى 2 جەلتوقساندا ءمالىم بولدى. سول كەزدە ولاردى ءولتىرىپ كەتۋى مۇمكىن دەگەن بولجام ايتىلعان.

تۋمسونىڭ تەلەگرام-ارناسىنداعى سوڭعى جازبا 30 قاراشادا كەشكە جاريالانعان. 2020 جىلعى اقپاندا تۋمسو ابدىراحمانوۆقا شۆەتسياداعى پاتەرىندە شابۋىل جاسالدى. بلوگەر شابۋىلداۋشىنىڭ قارۋىن تارتىپ الىپ، پوليتسيا شاقىرتقان. وسى ىسكە قاتىستى ۇكىم 2021 جىلعى قاڭتاردا شىقتى. سوتتالۋشى - رەسەي ازاماتى.

Abai.kz