اباي ارتىق مىنەز، وتىرىك ءدىندى بالا جاسىنان-اق مازاقتاۋشى ەدى.

ابايدىڭ سەمەي مەدرەسەسىندە وقىپ جۇرگەن كەزى. ءبىر جىلى جازدى كۇنى قۇنانباي سەمەيدەگى ءبىر يمامدى شاقىرىپ اكەپ، قوناق قىلدى. ەلگە ءدىن تۋرالى وسيەت ايتقىزىپ، قۇشىر-زەكەت سياقتى كوپ قايىر-ساداقالاردى الگى يمامعا جيناپ بەرىپ جاتتى. يمامعا ارناپ اۋىلدان وڭاشا ءبىر اق ءۇيدى تىككىزىپ، ول ۇيدە يمام مەن ەكەۋى عانا بولاتىن بولدى. اۋىل-ايماعىنا: - يمامنىڭ ۇيىنە دارەتسىز ەشكىم كىرمەسىن! - دەپ جارلىق بەردى.

ءبىر كۇنى تاڭەرتەڭ شاي ءىشىپ وتىرعاندا اباي سول ۇيگە سالەم بەرىپ كىرىپ كەلەدى. قۇنانباي بالاسىنىڭ دارەتسىز، رۇقساتسىز كىرىپ كەلگەنىن جاراتپاي بالاسىنا ۇرسادى. سوندا اباي:

- مەنىڭ يمامنان سۇرايتىن ءبىر اۋىز سۇراعىم بار ەدى، رۇقسات بولسا؟ - دەپتى. يمام:

- سۇرا؟ - دەپتى.

سوندا اباي:

-  ءبىز قۇلشىلىقتى كىم ءۇشىن ىستەيمىز؟ - دەپتى.

يمام:

- ارينە، جاراتۋشى ءبىر قۇداي ءۇشىن، - دەپتى.

- تاقسىر، ول جاراتۋشى اللا تاعاللا تىستا ما، جوق، وسى ءۇيدىڭ عانا ىشىندە مە؟ ءبىزدىڭ تىسقارىدا، ءوز ۇيىمىزدە دارەتسىز قالاي وتىرىپ-جۇرۋگە پراۆالى بولىپ، بۇل ۇيگە عانا دارەتسىز كىرمەيتىنىمىز قالاي؟ - دەپتى. سوندا قۇنانباي اشۋلانىپ، بالاسىن قۋىپ شىعىپتى. سوڭىنان يمام: - قۇنانباي، مىنا بالاڭ، جانىپ تۇرعان وت ەكەن، كەلگەن جەرىنىڭ قيىنىن-اي! - دەپتى.

اباي ارتىق مىنەز، وتىرىك ءدىندى بالا جاسىنان-اق مازاقتاۋشى ەدى.

ابايدىڭ سەمەي مەدرەسەسىندە وقىپ جۇرگەن كەزى. ءبىر جىلى جازدى كۇنى قۇنانباي سەمەيدەگى ءبىر يمامدى شاقىرىپ اكەپ، قوناق قىلدى. ەلگە ءدىن تۋرالى وسيەت ايتقىزىپ، قۇشىر-زەكەت سياقتى كوپ قايىر-ساداقالاردى الگى يمامعا جيناپ بەرىپ جاتتى. يمامعا ارناپ اۋىلدان وڭاشا ءبىر اق ءۇيدى تىككىزىپ، ول ۇيدە يمام مەن ەكەۋى عانا بولاتىن بولدى. اۋىل-ايماعىنا: - يمامنىڭ ۇيىنە دارەتسىز ەشكىم كىرمەسىن! - دەپ جارلىق بەردى.

ءبىر كۇنى تاڭەرتەڭ شاي ءىشىپ وتىرعاندا اباي سول ۇيگە سالەم بەرىپ كىرىپ كەلەدى. قۇنانباي بالاسىنىڭ دارەتسىز، رۇقساتسىز كىرىپ كەلگەنىن جاراتپاي بالاسىنا ۇرسادى. سوندا اباي:

- مەنىڭ يمامنان سۇرايتىن ءبىر اۋىز سۇراعىم بار ەدى، رۇقسات بولسا؟ - دەپتى. يمام:

- سۇرا؟ - دەپتى.

سوندا اباي:

-  ءبىز قۇلشىلىقتى كىم ءۇشىن ىستەيمىز؟ - دەپتى.

يمام:

- ارينە، جاراتۋشى ءبىر قۇداي ءۇشىن، - دەپتى.

- تاقسىر، ول جاراتۋشى اللا تاعاللا تىستا ما، جوق، وسى ءۇيدىڭ عانا ىشىندە مە؟ ءبىزدىڭ تىسقارىدا، ءوز ۇيىمىزدە دارەتسىز قالاي وتىرىپ-جۇرۋگە پراۆالى بولىپ، بۇل ۇيگە عانا دارەتسىز كىرمەيتىنىمىز قالاي؟ - دەپتى. سوندا قۇنانباي اشۋلانىپ، بالاسىن قۋىپ شىعىپتى. سوڭىنان يمام: - قۇنانباي، مىنا بالاڭ، جانىپ تۇرعان وت ەكەن، كەلگەن جەرىنىڭ قيىنىن-اي! - دەپتى.

ش.629 №4 (وعك). اباي تۋرالى ومىرىنە، اقىندىعىنا بايلانىستى اڭگىمەلەر (ابايدىڭ ەرتەگىسى). ايتۋشى: مۇحامەتجانوۆ ورازعالي (ابايدىڭ تۋىسقانى), جيناعان: قاسيمانوۆ سادىق، 1941 ج. (261 ب.)

قولجازبادان دايىنداعان: نۇرجۇما ورىسباي، م.اۋەزوۆ اتىنداعى ادەبيەت جانە ونەر ينستيتۋتىنىڭ عىلىمي قىزمەتكەرى

«بابالار» ءسوزى كوپ تومدىعى ماتەريالدارى