الماتىداعى «راحات» بازارىنىڭ اينالاسىنداعى داۋ ءالى شەشىمىن تاپپاي كەلەدى. 300-گە جۋىق كاسىپكەردى قامتيتىن «تكم» جشس ءۇش جىل بويى بۇرىنعى الماتىنىڭ اكىمى باۋىرجان بايبەك شىعارعان قاۋلىنىڭ كۇشىن جويۋ ءۇشىن كۇرەسىپ، بيىل عانا سوت شەشىمى شىعىپ، جەڭىسكە جەتكەن. بىراق كاسىپكەرلەرگە جەرگىلىكتى بيلىك ورگاندارى ءالى دە تىنىشتىق بەرەر ەمەس. بۇل تۋرالى Abai.kz ەگجەي-تەگجەيلى جازعان.

ال بيىلعى ساۋىردە «راحات» بازارىنىڭ كاسىپكەرلەرى جەتىسۋ اۋدانى اكىمى گۇلنار قوقاباەۆا تاراپىنان «قوناق-لوقى» كورىپ جاتقانىن حابارلادى.  كاسىپكەرلەردىڭ ايتۋىنشا، اكىم قوقاباەۆا كاسىپكەرلەرگە كەلىپ: «1 ايدا جەردى بوساتپاساڭدار، بۋلدوزەر اكەلىپ، بۇزىپ تاستايمىن»، - دەگەن. ءتىپتى، بازار ورنالاسقان جەردىڭ ەلەكتر جارىعى دا وشىرىلگەن. كاسىپكەرلەر كۇنىنە 60 مىڭ تەڭگە تولەپ، ارنايى گەنەتاتور جالداۋعا ءماجبۇر بولدى.

سودان بەرى 7 اي ءوتتى. كاسىپكەرلەر ءالى جارىقسىز وتىر. زاڭگەر جاميليا تولەنوۆا وسى ماسەلە تۋرالى Facebook پاراقشاسىندا جازدى.

«قازاقستان رەسپۋبليكاسى ۇكىمەتىنىڭ پرەمەر-ءمينيسترى ا. ا.سمايلوۆقا،

«امانات» پارتياسىنىڭ توراعاسى ە.قوشانوۆقا

باقانداي 4,6 اي بويى الماتى قالاسى اكىمىنىڭ قابىلداۋىنا كىرۋ مۇمكىن بولماي كەلەدى. ب.بايبەك، ب.ساعىنتاەۆ، قازىر ە.دوساەۆ الماتى قالاسى جەتىسۋ اۋدانى سولتۇستىك اينالىم كوشەسى 9-دا ورنالاسقان «راحات» بازارى مەن «تكم» جشس-ءنىڭ كاسىپكەرلەرىنىڭ مۇڭىن تىڭداۋعا قۇلىقسىز. «تكم» جشس-ءى 20 جىلدان استام ۋاقىت جالعا الىپ كەلگەن جەر تەلىمىنە پايدالانۋ قۇقىعىن جاڭا مەرزىمگە ۇزارتۋ تۋرالى ءوتىنىشى ءتورت جارىم جىل بويى شەشىلمەي كەلە جاتىر. باستى سەبەپ جەرگىلىكتى اتقارۋ ورگاندارى: قالا اكىمدىگى; جەتىسۋ اۋدانىنىڭ اكىمدىگى (اكىم گ.قوقاباەۆا); الماتى قالاسى بويىنشا جەر قاتىناستارى باسقارماسى (باسشىسى ا.سامامبەتوۆ); الماتى قالاسى بويىنشا قالانى جوسپارلاۋ جانە ۋربانيستيكا باسقارماسى (ا.احمەدجانوۆ) تاراپىنان قويىلىپ وتىرعان اكىمشىلىك توسقاۋىل! بۇل توسقاۋىل حالىق نارازىلىعىن ورشىتۋدە.

جاڭا قازاقستان قۇرامىز دەپ ەڭسەمىز كوتەرىلگەندەي بولدى. بىراق، كىممەن قۇرامىز؟! تامىر-تانىستارى كەلگەندە عانا قۇلاقتارىنىڭ ساڭىلاۋى اشىلاتىن، «ساياسي لاۋازىمدى تۇلعا» دەپ قىزمەتتىك وكىلەتتىلىگى ايقىندالماعان جاۋاپسىز شەنەۋنىكتەرمەن بە؟

«تكم» جشس-ءنىڭ زاڭدا كورسەتىلگەن قۇقىعىن قالپىنا كەلتىرۋ جايلى زاڭدى كۇشىنە ەنگەن سوت شەشىمىن ورىنداۋعا ولاردىڭ نە ءبىلىمى جەتپەيدى، نە مەنمەندىك امبيتسياسى جىبەرمەيدى؟! سونىڭ سالدارىن كاسىپكەرلەر تارتىپ وتىر. 7 اي بويى ەلەكتر جارىعىنسىز ءوز قوتىرىن ءوزى قاسىپ وتىرعان كاسىپكەرلەرگە جەرگىلىكتى بيلىك  تاعى قانداي  ارەكەتى بار دەپ وتىرعان جايىمىز بار.

بۇل داۋدا تەك ءبىر فيرمانىڭ مۇددەسى ەمەس، ءوز كاسىبىن زاڭدى تۇردە جۇرگىزىپ، ءوز ناپاقاسىن تاۋىپ جۇرگەن 300 كاسىپكەردىڭ وتباسى مۇشەلەرى مەن قىزمەتكەرلەرىن قوسقاندا 1000-عا جۋىق ادامنىڭ مۇددەسى تارازىعا ءتۇسىپ تۇر. بۇل ەرتەڭ سايلاۋعا قاتىسىپ، ەلىمىزدىڭ باعدارىن ايقىندايتىن مەملەكەتتىك شاراعا قاتىساتىن قازاقستان رەسپۋبليكاسىنىڭ ازاماتتارى!

شەنەۋنىكتەردىڭ مەنمەندىگى مەملەكەت باعدارلاماسى مەن حالىق مۇددەسىنەن الشاقتاپ كەتكەن.

ءبىر كۇندە كوشتى تۇزەي الماسپىز. مەملەكەتتىك قىزمەتتىڭ حالىققا قىزمەت ەتۋ ەكەنىن ۇقپايتىن شەنەۋنىكتەرمەن الىسقا دا شاپپاسپىز. ولاردىڭ قۇنىققان قۇلقىنىن تيار قانداي شارا كورۋ كەرەك؟ الدە سوت شەشىمىن ورىنداماي وتىرعان الماتى قالاسى اكىمدىگى الداعى مەملەكەتتىك شارالاردان بەيحابار ما؟ پرەزيدەنت كاسىپكەرلىكتى قورعاۋ، قولداۋ قاجەت دەپ جاتقاندا جەرگىلىكتى بيلىك وكىلدەرى كەرەعار ارەكەتكە بارىپ وتىرعانىنا باعا بەرەتىن كىم؟ سۇراق كوپ جاۋاپ جوق! وسى بىرنەشە جىلعا اينالعان داۋدى شەشۋدىڭ بىردەن ءبىر جولى زاڭ ۇستەمدىگى! ۇكىمەت تاراپىنان زاڭ تالابىنىڭ ورىندالۋىن باقىلاۋعا الۋىڭىزدى  تالاپ ەتەمىز!»،-دەپ جازدى زاڭگەر.

Abai.kz