"كوپ جاڭا كونتەنت پايدا بولىپ جاتىر. سەبەبى قازاقستانداعى اۋديتوريا شىعارماشىل، جۇرت ءوزىن جەتكىزۋ ءۇشىن پلاتفورمانى پايدالانادى. پلاتفورما رەتىندە قاۋىمداستىعىمىزعا جاقىنىراق بولعىمىز كەلەدى. سول سەبەپتى وسى كۇزدە قازاقستاننان وكىلدىگىمىزدى اشامىز" دەدى اناستاسيا پانينا.

ونى كەيبىر باق TikTok Kazakhstan'نىڭ بولاشاق جەتەكشىسى دەپ اتايدى.

ونىڭ سوزىنە قاراعاندا، TikTok كەڭسەسى استانا مەن الماتىدا ورنالاسادى. وندا پلاتفورمانى ءوز ماقساتىنا پايدالاناتىن سەرىكتەستەر مەن بيزنەس وكىلدەرى جۇمىس ىستەيدى.

مامىر باسىندا پرەزيدەنت قاسىم-جومارت توقاەۆ بەلسەندىلەر مەن ساراپشىلار سىناعان كيبەربۋللينگ تۋرالى زاڭعا قول قويعان. دەپۋتاتتار "جاسوسپىرىمدەردى ينتەرنەتتەگى الىمجەتتىكتەن قورعايدى" دەپ اتاعان زاڭ الەۋمەتتىك جەلى مەن مەسسەنجەر يەلەرىن ءبىر كۇن ىشىندە زاڭعا قايشى كونتەنتتى جويۋعا مىندەتتەيدى.

باستاپقىدا زاڭ جوباسىندا شەتەلدىك الەۋمەتتىك جەلىلەرىن قازاقستاننان وكىلدىك اشۋعا مىندەتتەيتىن پۋنكت بولعان. كەيىن ول رەسپۋبليكادا زاڭدى وكىلىن تاعايىنداۋ تۋرالى پۋنكتىمەن الماستىرىلدى.

زاڭ جوباسىنا قارسى ازاماتتار بيلىك كيبەربۋللينگتى سىلتاۋراتىپ، ونى "جاعىمسىز" كونتەنتپەن كۇرەسكە پايدالانۋى مۇمكىن دەگەن قاۋىپ ايتقان.

Abai.kz