ەرلان ءابىلفايىزۇلى ىدىرىسوۆ قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا قۇراما كورولدىگىندەگى توتەنشە جانە وكىلەتتى ەلشىسى، قازاقستان رەسپۋبليكاسىنىڭ يسلاندياداعى، يرلانديا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمدارىنان بوساتىلدى.

ىدىرىسوۆ ەرلان ءابىلفايىزۇلى 1959 جىلى 28 ساۋىردە دۇنيەگە كەلگەن. 1981 جىلى كسرو ءسىم ماسكەۋ مەملەكەتتىك حالىقارالىق قاتىناستار ينستيتۋتىنىڭ (مگيمو) حالىقارالىق ەكونوميكالىق قاتىناستار فاكۋلتەتىن، 1992 جىلى كسرو سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن. اعىلشىن، حيندي، ۋردۋ، فرانتسۋز تىلدەرىن مەڭگەرگەن. ديپلوماتيالىق دارەجەسى - توتەنشە جانە وكىلەتتى ەلشى.

ول 1992-1995 جىلدارى قازاقستان رەسپۋبليكاسىنىڭ بۇۇ جانىنداعى تۇراقتى وكىلدىگىنىڭ ءبىرىنشى حاتشىسى بولىپ جۇمىس ىستەدى.

1995-1996 جىلدارى امەريكا ەلدەرى باسقارماسىنىڭ باستىعى، قازاقستان رەسپۋبليكاسى سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى;

1996-1997 جىلدارى قازاقستان رەسپۋبليكاسى پرەزيدەنتىنىڭ حالىقارالىق قاتىناستار جونىندەگى كومەكشىسى;

1997-1999 جىلدارى قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى;

1999-2002 جىلدارى قازاقستان رەسپۋبليكاسىنىڭ سىرتقى ىستەر ءمينيسترى;

2002-2007 جىلدارى قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا بىرىككەن كورولدىگىندەگى توتەنشە جانە وكىلەتتى ەلشىسى، قر شۆەتسيا جانە نورۆەگيا كورولدىگىندەگى ەلشىسى، سونداي-اق يرلانديا ەلشىسى قىزمەتىن قوسا اتقارۋشى;

2007-2012 جىلدارى قازاقستان رەسپۋبليكاسىنىڭ امەريكا قۇراما شتاتتارىنداعى جانە برازيلياداعى توتەنشە جانە وكىلەتتى ەلشىسى قىزمەتىن قوسا اتقارۋشى;

2012-2017 جىلدارى قازاقستان رەسپۋبليكاسىنىڭ سىرتقى ىستەر ءمينيسترى;

2017 جىلعى اقپاندا قازاقستان رەسپۋبليكاسىنىڭ ۇلىبريتانيا جانە سولتۇستىك يرلانديا بىرىككەن كورولدىگىندەگى توتەنشە جانە وكىلەتتى ەلشىسى بولىپ تاعايىندالدى.

2017 جىلعى تامىزدا قازاقستان رەسپۋبليكاسىنىڭ يسلاندياداعى جانە يرلاندياداعى توتەنشە جانە وكىلەتتى ەلشىسى قىزمەتىن قوسا اتقارۋشى بولىپ قىزمەت ەتتى.

ەرلان ىدىرىسوۆ قازاقستاننىڭ سىرتقى ساياساتىنا ارنالعان بىرقاتار ماقالالاردىڭ اۆتورى، سونداي-اق بىرقاتار مەملەكەتتىك ناگرادالاردىڭ يەگەرى.

Abai.kz