«قازاقستان يندۋستريانى دامىتۋ ينستيتۋتى» اق شىعىس قازاقستان وبلىسىندا ءتۋريزمدى  دامىتۋ باعدارلاماسىنىڭ شەبەرلىك-جوسپارىن جاساۋ ماسەلەلەرىنە ارنالعان كەڭەس وتكىزدى. وبلىس اكىمىنىڭ ءبىرىنشى ورىنباسارى ەرمەك كوشەرباەۆتىڭ توراعالىعىمەن  وتكەن جيىنعا وبلىستاعى تۋريزم سالاسىنىڭ، مەملەكەتتىك ورگانداردىڭ باسشىلارى، قازاقستان تۋريستەر قاۋىمداستىعىنىڭ، «ءىPK International'» كومپانياسىنىڭ وكىلدەرى مەن اۋدان اكىمدەرى قاتىستى.

«قازاقستان يندۋستريانى دامىتۋ ينستيتۋتى» اق شىعىس قازاقستان وبلىسىندا ءتۋريزمدى  دامىتۋ باعدارلاماسىنىڭ شەبەرلىك-جوسپارىن جاساۋ ماسەلەلەرىنە ارنالعان كەڭەس وتكىزدى. وبلىس اكىمىنىڭ ءبىرىنشى ورىنباسارى ەرمەك كوشەرباەۆتىڭ توراعالىعىمەن  وتكەن جيىنعا وبلىستاعى تۋريزم سالاسىنىڭ، مەملەكەتتىك ورگانداردىڭ باسشىلارى، قازاقستان تۋريستەر قاۋىمداستىعىنىڭ، «ءىPK International'» كومپانياسىنىڭ وكىلدەرى مەن اۋدان اكىمدەرى قاتىستى.
يندۋستريا جانە جاڭا تەحنولوگيالار مينيسترلىگىنىڭ  تۋريزم يندۋسترياسى كوميتەتىمەن بەكىتىلگەن كەلىسىمشارتقا سايكەس «قازاقستان يندۋستريانى دامىتۋ ينستيتۋتى» اق حالىقارالىق «ءىPK International» كونسالتينگتىك كومپانياسىمەن بىرگە  ءبىزدىڭ وبلىستا ءتۋريزمدى دامىتۋدىڭ كلاستەرلىك باعدارلاماسىنىڭ شەبەرلىك-جوسپارىن جاساپ جاتىر. كەڭەستە وسى ءىستى قولعا الىپ وتىرعان يندۋستريانى دامىتۋ ينستيتۋتى باسقارماسىنىڭ  توراعاسى ازامات احمەروۆ وبلىسقا ارنالعان شەبەرلىك-جوسپاردى تۋريستىك ونىمدەر تۇرلەرىن جاساۋ، سۇرانىستى تالداۋ، تۋريستىك كلاستەرلەردى، وسى سالاداعى وزگە دە ماسەلەلەردى تالداپ-تالقىلاۋعا باعىتتالعان زەرتتەۋلەرگە سۇيەنىپ  ازىرلەپ جاتقاندارىن جەتكىزدى. ونىڭ ايتۋىنشا، ينستيتۋت شىعىس قازاقستاندا تۋريزم كلاستەرىن قۇرۋدا شەتەلدىك «ءىPK International» كومپانياسىن بەكەردەن-بەكەر تاڭداپ الماعان. الەمدەگى تۋريستىك اعىندى جان-جاقتى باقىلاپ، زەرتتەپ وتىرعان، سونداي-اق ءتۋريزمدى دامىتۋعا ءىرى قارجى سالىپ جاتقان ءىرى ينۆەستورلارعا تىكەلەي شىعۋعا شىنايى جاعدايى بار بۇل ءىرى كومپانياعا  شىعىستا ىشكى جانە سىرتقى ءتۋريزمدى وركەندەتۋگە بىردەن-ءبىر مۇمكىندىك تۋعىزادى دەگەن ءۇمىت ارتىلىپ وتىرعان كورىنەدى.
ينستيتۋت ماماندارىنىڭ ەلدەگى  تۋريزم نارىعىنا جۇرگىزگەن زەرتتەۋلەرى 2020 جىلدارى قازاقستاندا، ونىڭ ىشىندە شىعىستا تۋريستەر سانىن ءتورت-بەس ەسەگە دەيىن كوبەيتۋگە مۇمكىندىك بارىن كورسەتكەن. قازاقستاندا تۋريستەردى قابىلداپ الۋ، ولارعا جايلى دەمالىس ورىندارىن ۇسىنۋ بەس ءىرى كلاستەرلىك باعىت بويىنشا جۇزەگە اسىرىلماق. استانا، الماتى قالالارى مەن ولاردىڭ ماڭىنداعى بۋراباي، شىمبۇلاق، تاعى باسقا دا دەمالىس ورىندارى جانە  شىعىس قازاقستان وبلىسىنىڭ وزەن-كولدى، تاۋلى وڭىرلەرى،  «سارىاعاش» كۋرورتى مەن جىبەك جولى بويىنداعى شىمكەنت، تۇركىستان قالالارىن قامتيتىن وڭتۇستىك قازاقستان جانە تەڭىزىمەن ايگىلى كاسپي جاعالاۋى ايماقتارى وسى قازاقستاندىق بەس تۋريزم كلاستەرىنىڭ قۇرامىنا ەنىپ وتىر.
الداعى ۋاقىتتا ەلگە تۋريستەردى كوپتەپ تارتىپ، اتالعان سالادان تۇسەتىن تابىس دەڭگەيىن كوتەرۋ ماقساتىندا قازىر سالىق زاڭدىلىقتارىنا دا بىرقاتار وزگەرىستەر ەنگىزۋگە كۇش سالىنىپ جاتىر. بۇدان بىلاي تۋريزم سالاسىنا قارجى قۇيىپ وتىرعان تۇلعالارعا سالىناتىن سالىق ءبىرشاما جەڭىلدەتىلەتىن بولادى. جاسالىپ جاتقان تۋريزم سالاسىن دامىتۋدىڭ جوبالىق قۇجاتىندا ىشكى ءتۋريزمدى دامىتۋعا دا نازار اۋدارىلىپ، ءوز ەڭبەككەرلەرىن دەمالىس ورىندارىنا جىبەرۋگە الەۋمەتتىك جاعداي تۋعىزىپ وتىرعان مەكەمەلەردى دە سالىقتىق جەڭىلدىكتەر بەرۋ ەسەبىنەن ىنتالاندىرۋ  ويلاستىرىلۋدا. سىرتقى ىستەر مينيسترلىگىمەن ۆيزالىق رەجيمدەردى دەمالۋعا كەلۋشىلەر ءۇشىن ىڭعايلى ەتىپ رەتتەۋگە بايلانىستى كەلىسىمدەر جۇرگىزىلۋدە، تۋريستەر اعىنىن كوبەيتىپ، كولىك قاتىناسىن ءتيىمدى ەتۋگە وراي چارتەرلىك رەيستەر اشىلىپ، سىرتقى، ىشكى اۋە تاسىمالى نارىعىنداعى باسەكەلەستىكتى ارتتىرۋ ارقىلى ۇشاق بيلەتتەرىنىڭ باعاسىن تومەندەتۋ كوزدەلۋدە. سونىمەن قاتار دەمالىس ورىندارىن اشۋ ءۇشىن جەردى جالعا الۋ، جەر تەلىمدەرىن زاڭداستىرۋ قۇجاتتارىنا دا وزگەرىستەر ەنگىزىلىپ، وسى سالادا قىزمەت كورسەتۋگە بەل بايلاعاندارعا جەر ءبولىپ بەرۋ جاعىنان ءبىراز جەڭىلدىكتەر قاراستىرىلۋدا. «قازاقستان يندۋستريانى دامىتۋ ينستيتۋتى» اق باسشىلارى وبلىسقا ارنالعان ءتۋريزمدى دامىتۋ باعدارلاماسىنىڭ شەبەرلىك-جوسپارىندا وسى جايتتاردىڭ بارلىعى ەسكەرىلىپ، ەنگىزىلىپ وتىرىلعاندىعىن ايتتى.
كەڭەستە «قازاقستان يندۋستريانى دامىتۋ ينستيتۋتى» اق بىرلەسە جۇمىس ىستەپ جاتقان گەرمانيالىق كومپانيا باسشىسى رولف فرايتاگ شىعىستىڭ تۋريستىك الەۋەتى، وعان ينۆەستيتسيا تارتۋدىڭ جولدارى جونىندە وزدەرىنىڭ العاشقى زەرتتەۋ قورىتىندىلارىمەن حاباردار ەتتى.
ەرمەك كوشەرباەۆ ماماندارعا سوڭعى جىلدارى ىستىقكولگە اجەپتاۋىر باسەكە بولىپ وتىرعان الاكول دەمالىس ورنىنىڭ باستى نازاردان تىس قالماۋىن ەسكەرتتى. وبلىس اكىمىنىڭ ءبىرىنشى ورىنباسارى اباي اۋدانىنداعى مادەني-رۋحاني، تاريحي تۋريزم الەۋەتىنىڭ دە پايدالانىلماي جاتقاندىعىن اتاپ ايتتى.
شىعىستا ءتۋريزمدى دامىتۋدىڭ ءتۇرلى تەتىكتەرى جايىندا ءوز ۇسىنىستارىن جەتكىزىپ، وي الماسقان وڭىردەگى دەمالىس ورىندارى مەن وبلىستاعى تۋريزم سالاسىنىڭ باسشىلارى قىسقى ءتۋريزمدى، قىسقى سپورتتىق ويىندار ءتۇرىن دامىتۋعا اسا قولايلى ايماق بولىپ وتىرعان ريددەر قالاسىنىڭ ماڭىنداعى دەمالىس ورىندارىن وركەندەتۋگە جاعداي تۋعىزۋ قاجەتتىگىن ايتىپ، وزدەرىنىڭ ناقتى ۇسىنىستارىن بەردى.
«اباي-اقپارات»