"قازاقستاننىڭ فلوراسى مەن فاۋناسى" مونەتالار سەرياسىنا كىرەتىن QULAN كوللەكتسيالىق مونەتالارى ساتىلىمعا شىقتى. بۇل تۋرالى قازاقستان ۇلتتىق بانكى حابارلادى.

مونەتالاردى قازاقستان ۇلتتىق بانكى پلاتفورماسىنىڭ ينتەرنەت دۇكەنىنەن ساتىپ الۋعا بولادى.

«قۇلاننىڭ لاتىنشا اتاۋى– «equus hemionus»، جىلقى تۇقىمداسىنا جاتاتىن سيرەك كەزدەسەتىن جانۋار.  ول تۋرالى العاش رەت 1775 جىلى جازىلعان. قازاقستاندا قۇلان ءۇستىرت پەن ماڭعىشلاقتا كەزدەسىپ، وتكەن عاسىردىڭ 30-جىلدارى جوعالىپ كەتكەن. 1953 جىلى ارال تەڭىزىندەگى بارساكەلمەس ارالىنا تۇرىكمەن قۇلاندارى اكەلىندى. 1982 جىلدان باستاپ "التىن ەمەل" ۇلتتىق پاركىندە،  بەتپاق دالا مەن سولتۇستىك اقتاۋدا ولاردى جەرسىندىرۋ جۇمىستارى باستالدى»، - دەلىنگەن حابارلامادا.

مەلحيور جانە نەيزيلبەر قورىتپالارىنان جاسالعان مونەتالاردىڭ اۆەرس پەن رەۆەرس بەينەلەرى بىردەي.

مونەتالاردىڭ اۆەرسىنىڭ وڭ جاعىندا قازاقستان رەسپۋبليكاسىنىڭ مەملەكەتتىك ەلتاڭباسى جانۋارلار مەن وسىمدىكتەردەن جاسالعان كوللاجبەن كومكەرىلگەن، سول جاعىندا قازاقستان ۇلتتىق بانكى تاۋار بەلگىسىنىڭ (لوگوتيپىنىڭ) بەينەسى جانە مونەتانىڭ سوعىلعان جىلىن بىلدىرەتىن جازۋلار بار.

مونەتالاردىڭ نومينالى: 200 TEŃGE – رrوووf-like ساپالى مەلحيور قورىتپاسىنان جاسالعان، 100 TEŃGE – brilliant uncirculated ساپالى مەلحيور قورىتپاسىنان جانە نەيزيلبەر قورىتپاسىنان جاسالعان مونەتا. مونەتالاردىڭ اينالدىرا QAZAQSTAN ULTTYQ BANKI جانە NATIONAL BANK OF KAZAKHSTAN دەگەن جازۋلار جازىلعان.

مونەتالاردىڭ رەۆەرسىندە قۇلانداردىڭ بەينەسى،  جوعارعى بولىگىندە – EQUUS HEMIONUS ( قۇلاننىڭ لاتىنشا اتاۋى) جازۋى، تومەنگى جاعىندا – QULAN جازۋى بار.

Abai.kz