وزبەكستاننىڭ تۇڭعىش پرەزيدەنتى يسلام كاريموۆتىڭ ۇلكەن قىزى گۇلنارا كاريموۆا مەن ونىڭ سەرىكتەرىنە قاتىسى بار دەلىنگەن گونكونگتاعى The Arch دەپ اتالاتىن پەنتحاۋس 68,4 ميلليون دوللارعا ساتىلعان. بۇل تۋرالى گازەتا.ۋز سايتى كانادالىق The Globe and Mail باسىلىمىنا سىلتەمە جاساپ حابارلادى.

اقپاراتقا قاراعاندا، پەنتحاۋستى 2008 جىلى گۇلنارا كاريموۆاعا بايلانىسى بار ەكەنى ايتىلىپ جۇرگەن Zeromax كومپانياسى 36,5 ميلليون دوللارعا ساتىپ العان. ءۇش ايدان كەيىن ول Rudolph Alliance اتتى وفشور كومپانياعا ارزانداتىلعان باعاعا قايتا ساتىلعان. اتالعان كومپانيانىڭ نەگىزىن قالاۋشى قاتارىندا كاريموۆانىڭ بۇرىنعى كۇيەۋى رۋستام مادۋماروۆ باسقاراتىن گونكونگتاعى Expoline كومپانياسى كورسەتىلگەن.

The Globe and Mail باسىلىمىنىڭ جازۋىنشا، بىرنەشە ەلدە جۇرگەن تەرگەۋ ىستەرى دە، گۇلنارا كاريموۆانىڭ 2013 جىلى سوتتالۋى دا، ءىرى كولەمدەگى قارجى قوزعالىسىن توقتاتقان ەمەس. 2016 جىلى The Arch پەنتحاۋسىنا يەلىك ەتكەن جانە رۋستام مادۋماروۆ باقىلاۋىنداعى كومپانيا ونى 68,4 ملن دوللارعا قايتا ساتقان.

وسىعان دەيىن گۇلنارا كاريموۆانىڭ جەنەۆالىق ادۆوكاتى گرەگۋار مانجا "كاريموۆانىڭ Zeromax كومپانياسىنا قاتىسى بار ەكەنىن تەرىسكە شىعارىپ كەلگەن. 2015 جىلى وزبەك سوتى گۇلنارا كاريموۆانىڭ باس بوستاندىعىن بەس جىلعا ايىراتىن ۇكىم شىعارعان. بىراق 2019 جىلى ول اباكتىعا اۋىستىرىلدى.

2020 جىلدىڭ ناۋرىزىندا كاريموۆا "مەملەكەت قاراجاتىن تالان-تاراجعا سالۋ", "وزبەكستان مۇددەسىنە سايكەس كەلمەيتىن كەلىسىمدەر قۇرۋ" جانە "وزگەنىڭ مۇلكىن يەلەنۋ"باپتارى بويىنشا ايىپتى دەپ تانىلىپ، 13 جىل 4 ايعا سوتتالعان.

Abai.kz