جاستاردىڭ جالىنداپ جۇرگەنى جاقسى
«اقىل - جاستان، اسىل - تاستان» دەيدى حالقىمىز. اتىراۋدا دا وزىندىك وي-ۇسىنىستارىمەن تانىلىپ جۇرگەن جاستار جەتەرلىك. سونداي جاستاردىڭ كوپشىلىگى «جاس وتان» جاستار قاناتىنىڭ وبلىستىق فيليالىنا توپتاسقان. قازىر بۇل ۇيىمنىڭ قۇرامىنداعى اتىراۋلىق جاستاردىڭ قاتارى 7000-نان اسادى.
سولاردىڭ اراسىنان ەڭ بەلسەندىلەرى باس قوسىپ، كەزەكتى كونفەرەنتسياسىن وتكىزدى. جاسوتاندىقتاردىڭ باسقوسۋىنا قاتىسقان «نۇر وتان» حدپ اتىراۋ وبلىستىق فيليالىنىڭ توراعاسى، وبلىس اكىمى باقتىقوجا ىزمۇحامبەتوۆ جاستار ماسەلەسىن تولىققاندى شەشۋ ماقساتىنداعى ويلارىمەن ءبولىستى.
- مەن دە اۋىلدا ءوستىم، جاستايىمنان ەڭبەككە ارالاستىم. قازىرگى جاستار دا اۋىلدى تۇلەتۋگە اتسالىسۋى ءتيىس. اسىرەسە، شاعىن جانە ورتا كاسىپكەرلىكتى دامىتۋدا جاستاردىڭ ۇلەسى تىم از. مەملەكەت باسشىسى ءبىلىمدى، بىلىكتى، تالانتتى، تالاپتى جاستارعا سەنىم ارتىپ، اۋىلعا بارۋعا ىنتالى جاستارعا بارىنشا قولداۋ كورسەتىپ وتىر. وبلىس باسشىسى رەتىندە اشىعىن ايتايىن، الداعى جىلدان «جاس وتاۋ» باعدارلاماسىمەن جاس ماماندارعا ارنالعان تۇرعىن ءۇي قۇرىلىسىن جۇرگىزۋدى قولعا العالى وتىرمىز، - دەدى وبلىس اكىمى ب.ىزمۇحامبەتوۆ.
«اقىل - جاستان، اسىل - تاستان» دەيدى حالقىمىز. اتىراۋدا دا وزىندىك وي-ۇسىنىستارىمەن تانىلىپ جۇرگەن جاستار جەتەرلىك. سونداي جاستاردىڭ كوپشىلىگى «جاس وتان» جاستار قاناتىنىڭ وبلىستىق فيليالىنا توپتاسقان. قازىر بۇل ۇيىمنىڭ قۇرامىنداعى اتىراۋلىق جاستاردىڭ قاتارى 7000-نان اسادى.
سولاردىڭ اراسىنان ەڭ بەلسەندىلەرى باس قوسىپ، كەزەكتى كونفەرەنتسياسىن وتكىزدى. جاسوتاندىقتاردىڭ باسقوسۋىنا قاتىسقان «نۇر وتان» حدپ اتىراۋ وبلىستىق فيليالىنىڭ توراعاسى، وبلىس اكىمى باقتىقوجا ىزمۇحامبەتوۆ جاستار ماسەلەسىن تولىققاندى شەشۋ ماقساتىنداعى ويلارىمەن ءبولىستى.
- مەن دە اۋىلدا ءوستىم، جاستايىمنان ەڭبەككە ارالاستىم. قازىرگى جاستار دا اۋىلدى تۇلەتۋگە اتسالىسۋى ءتيىس. اسىرەسە، شاعىن جانە ورتا كاسىپكەرلىكتى دامىتۋدا جاستاردىڭ ۇلەسى تىم از. مەملەكەت باسشىسى ءبىلىمدى، بىلىكتى، تالانتتى، تالاپتى جاستارعا سەنىم ارتىپ، اۋىلعا بارۋعا ىنتالى جاستارعا بارىنشا قولداۋ كورسەتىپ وتىر. وبلىس باسشىسى رەتىندە اشىعىن ايتايىن، الداعى جىلدان «جاس وتاۋ» باعدارلاماسىمەن جاس ماماندارعا ارنالعان تۇرعىن ءۇي قۇرىلىسىن جۇرگىزۋدى قولعا العالى وتىرمىز، - دەدى وبلىس اكىمى ب.ىزمۇحامبەتوۆ.
كونفەرەنتسيادا «جاس وتان» جاستار قاناتى وبلىستىق فيليالىنىڭ اتقارۋشى حاتشىلىعىن اتقارىپ، جاڭادان قۇرىلعان وبلىستىق جاستار ساياساتى ءجونىندەگى باسقارمانىڭ باسشىلىعىنا تاعايىندالعان مەيىرىم قالاۋي بايانداما جاسادى. ونىڭ پىكىرىنشە، ءوڭىر جاستارىنىڭ بەلسەندىلىگى ارتىپ كەلەدى. مۇنى وڭىردە وتكىزىلىپ جۇرگەن «سپورت سۇيەر قازاقستان ءۇشىن!»، «مەنىڭ سايلاۋداعى جەڭىسىم!»، «سەنىڭ اتاۋلى اعاشىڭ!» سەكىلدى ءارتۇرلى اكتسيالارعا قاتىسۋىنان بايقاۋعا بولادى. بىلتىر جاستار ۇيىمى وسىنداي باعىتتا 100-دەن استام، ال بيىلعى 9 ايدا 65 شارا وتكىزىپتى.
اتىراۋ جاستارى ءوز يدەيالارىمەن كينو تۇسىرۋگە تالپىنىپ ءجۇر. بىلتىر ءوڭىر جاستارىنىڭ قاتىسۋىمەن «ستۋدەنتتىك كەز» تۋىندىسى تۇسىرىلگەن ەدى. ەندى جاقىندا «قىز جۇرەگى» اتتى تولىق مەتراجدى كينونى ءتۇسىرۋ اياقتالىپتى. جاستاردىڭ بەلسەندىلىگى «ديپلوممەن - اۋىلعا!» باعدارلاماسىنا قولداۋ بىلدىرۋىنەن دە اڭعارىلا تۇسۋدە. ماسەلەن، بىلتىر وسى باعدارلاما اياسىندا جوعارى ءبىلىمى بار 185 جاس مامان اۋىلدىق جەرلەرگە بارىپ، جۇمىسقا ورنالاسىپتى. وسىنداي جاستاردى كوتەرمەلەۋ تۇرعىسىندا بەرىلەتىن دەمەۋ قارجى رەتىندە بيىل وبلىستىق بيۋدجەتتەن 23 ميلليون تەڭگە قاراستىرىلعان. الايدا، ءوڭىر جاستارى اراسىنداعى جۇمىسسىزدىق ءالى دە بار. تاعى دا دەرەككە جۇگىنەر بولساق، وتكەن جىلى جۇمىسپەن قامتۋ ۇيىمدارىنا 17-35 جاس ارالىعىنداعى 19 169 جۇمىسسىز حابارلاسقان. سولاردىڭ اراسىنان 10 717 جاس قانا ەڭبەككە ورنالاسۋعا مۇمكىندىك العان.
بۇل كۇندەرى ءوڭىر جاستارىن نە تولعاندىرادى؟ جاستاردىڭ وسى باعىتتاعى ويلارىن ەكشەيتىن بولساق، الدىمەن ولاردى قوعامدىق كولىكتە ستۋدەنتتەر ءۇشىن جەڭىلدىكتىڭ قاراستىرىلماعانى قىنجىلتادى. ەكىنشىدەن، اۋىلداعى جاستار دا قوعامدىق ۇيىم قۇرىپ، ءبىر شاڭىراقتىڭ استىندا ءوزارا پىكىر الىسۋدى قالايدى. ۇشىنشىدەن، جاستارعا ارنالعان قولجەتىمدى تۇرعىن ءۇي قۇرىلىسى اۋدانداردا دا قولعا الىنعانىن قۇپ كورەدى. تورتىنشىدەن، «جاسىل ەل» باعدارلاماسى شەڭبەرىندەگى ەڭبەك جاساقتارىنا اۋىل جاستارى دا تارتىلىپ، وزدەرى تۇراتىن ەلدى مەكەندەردى كوگالداندىرۋ، اباتتاندىرۋ جۇمىستارىنا اتسالىسقانىن دۇرىس سانايتىندار بار. بەسىنشىدەن، جاستاردىڭ باسقارۋىنداعى قوعامدىق بىرلەستىكتەردى مادەنيەت وشاقتارىنىڭ جاستارعا ارنالعان مادەني-قوعامدىق شارا وتكىزۋ ءۇشىن قارجى تالاپ ەتەتىنى قينايدى. مۇنايلى ءوڭىر جاستارىنىڭ كوكەيىندەگى وسىنداي تولعاقتى ماسەلەلەردى قامتىعان ۇسىنىستار وبلىس اكىمى ب. ىزمۇحامبەتوۆتىڭ تاراپىنان قولداۋ تاپتى.
كونفەرەنتسياعا قاتىسۋشى جاستار «جاس وتان» جاستار قاناتى اتىراۋ وبلىستىق فيليالىنىڭ اتقارۋشى حاتشىلىعىنا اسقار بوپىلداقوۆتى تاڭداپ، ەل جاستارىنىڭ ءىى سەزىنە ءوز ارالارىنان 64 دەلەگاتتى سايلادى.
"اباي-اقپارات"
