شالقار ەستەن. «استانالىق» البەرتو كونتادور مەن لەنس ارمسترونگ الدىڭعى لەكتە كەلەدى
الەم جۇرتشىلىعىنىڭ نازارىن وزىنە اۋدارتقان ەڭ مارتەبەلى ۆەلوجارىس - «تۋر دە فرانس» كوپكۇندىگى ءۇش اپتادان بەرى جالعاسىپ كەلەدى. بەيسەنبىگە دەيىن بۇل ءدۇبىرلى دودانىڭ 17 كەزەڭى ارتتا قالدى. ۆەلوشاباندوزدار ەندى بار-جوعى 4 كەزەڭدە سىنعا تۇسپەك. ەل ءۇمىتىن ارقالاعان «استانا» دىتتەگەن ماقساتىنا كۇن وتكەن سايىن جاقىنداي تۇسۋدە. كوش باستاپ، سارى جەيدەنى ۇستىنەن تاستاماي كەلە جاتقان استانالىق يسپان جىگىتى البەرتو كونتادور جالپى ەسەپتە توپ جارۋعا مىقتاپ بەل بۋدى. وتكەن اپتادا عانا ءبىراز ماماندار كونتادور داڭقتى ارىپتەسى ارمسترونگتىڭ جولىندا قۇرباندىق بولۋى مۇمكىن دەگەندى العا تارتىپ ەدى. وسىعان ەرەگەسكەندەي، تاۋ جولىنداعى باسەكەدە كونتادور جاسىنداي جارقىراپ، جەڭىس جولىندا ەشكىمگە ەسەسىن جىبەرمەيتىنىن دالەلدەپ بەردى.
الەم جۇرتشىلىعىنىڭ نازارىن وزىنە اۋدارتقان ەڭ مارتەبەلى ۆەلوجارىس - «تۋر دە فرانس» كوپكۇندىگى ءۇش اپتادان بەرى جالعاسىپ كەلەدى. بەيسەنبىگە دەيىن بۇل ءدۇبىرلى دودانىڭ 17 كەزەڭى ارتتا قالدى. ۆەلوشاباندوزدار ەندى بار-جوعى 4 كەزەڭدە سىنعا تۇسپەك. ەل ءۇمىتىن ارقالاعان «استانا» دىتتەگەن ماقساتىنا كۇن وتكەن سايىن جاقىنداي تۇسۋدە. كوش باستاپ، سارى جەيدەنى ۇستىنەن تاستاماي كەلە جاتقان استانالىق يسپان جىگىتى البەرتو كونتادور جالپى ەسەپتە توپ جارۋعا مىقتاپ بەل بۋدى. وتكەن اپتادا عانا ءبىراز ماماندار كونتادور داڭقتى ارىپتەسى ارمسترونگتىڭ جولىندا قۇرباندىق بولۋى مۇمكىن دەگەندى العا تارتىپ ەدى. وسىعان ەرەگەسكەندەي، تاۋ جولىنداعى باسەكەدە كونتادور جاسىنداي جارقىراپ، جەڭىس جولىندا ەشكىمگە ەسەسىن جىبەرمەيتىنىن دالەلدەپ بەردى.
جارىستىڭ 12- كەزەڭىندە «Saxo Bank» كومانداسىنىڭ وكىلى دانيالىق نيكي سورەنسەن 211,5 شاقىرىمدى 4 ساعات، 52 مينۋت، 24 سەكۋندتىڭ ىشىندە ءجۇرىپ ءوتىپ، جەڭىمپاز اتاندى. ودان 48 سەكۋندقا قالىپ قويعان لوران لەفەۆر (فرانتسيا، BBox Bouygues Telecom) مارەگە ەكىنشى بولىپ جەتسە، فرانكو پەليتسوتتي (يتاليا، Liquigas) ۇزدىك ۇشتىكتى قورىتىندىلادى. بۇل كۇنگى جارىستا جالپى ەسەپتەگى جاعداي كوپ وزگەرە قويعان جوق. يتاليالىق رينالدو نوچەنتيني (AG2R La Mondiale) سارى جەيدەنى وزىندە ساقتاپ قالسا، استانالىق كونتادور مەن ارمسترونگ تە ودان الىسقا ۇزاي قويعان جوق. وكىنىشكە قاراي وسى كەزەڭ بارىسىندا «استانانىڭ» تاعى ءبىر بەلدى مۇشەسى امەريكالىق لەۆي لايفايمەر جاراقاتتانىپ، جارىستان شىعىپ قالدى.
جۇما جانە سەنبى كۇندەرى جالعاسىن تاپقان كوپكۇندىكتىڭ 13 - 14 - كەزەڭدەرىندە دە جالپى ەسەپتەگى ۇزدىكتەردىڭ ءوزارا ارا سالماعى ساقتالدى. 13- كەزەڭدە ۆيتتەل مەن كولمار ەلدى-مەكەندەرىنىڭ اراسىن قوسقان 200 شاقىرىمدى «Cervélo TestTeam» ۇجىمىنىڭ ۆەلوشاباندوزى نەمىس حاينريح حاۋسسلەر ءبىرىنشى بولىپ ارتقا تاستادى. وسى جارىس كەزەڭىندە كوڭىل جابىرقاتار وقيعالار تىركەلدى. يسپانيالىق وسكار فرەيرە («Rabobank») مەن جاڭازەلانديالىق دجۋليان دينگە («Garmin-Slipstream») ەرىككەن بۇزاقىلار پنەۆماتيكالىق مىلتىقپەن وق اتقان. ءبىرى اياعىنان، ءبىرى بوكسە تۇسىنان ازداپ جاراقات العان قوس سپورتشىعا دا دارىگەرلىك كومەك كورسەتىلگەن. ءبىر ءتاۋىرى ەكەۋى دە سول كۇنگى جارىستى ارى قاراي جالعاستىرا الدى. بۇل بۇزاقىلىققا قاتىستى جەرگىلىكتى ءتارتىپ ساقشىلارى قىلمىستىق ءىس قوزعادى.
14- كەزەڭدە رەسەيلىك «كاتيۋشانىڭ» باعى جاندى. وسى ۇجىمنىڭ بەتكە ۇستارى سەرگەي يۆانوۆ كەزەڭ جەڭىمپازىنا كورسەتىلەر قۇرمەتكە بولەندى. وكىنىشكە قاراي بۇل كۇنگى جارىستا دا جاعىمسىز وقيعا ورىن الدى. سپورتشىلارعا ەرىپ وتىراتىن ۇيىمداستىرۋشىلاردىڭ موتوتسيكلى كۇتپەگەن جەردەن جولدى كەسىپ وتپەك بولعان ايەلدى قاعىپ كەتكەن. سونىڭ كەسىرىنەن رولگە يە بولا الماي قالعان جۇرگىزۋشى جول بويىنداعى تاعى بىرنەشە جانكۇيەردى جاراقاتتاعان.
كوپكۇندىكتىڭ 15- كەزەڭىندە قازاقستاندىقتار كوپتەن كۇتكەن قۋانىشقا كەنەلدى. الدىمەن كانچەللارانىڭ، سوڭىنان نوچەنتينيدىڭ تاساسىندا قالىپ كەلگەن استانالىق كونتادور جالپى ەسەپتە العا شىعىپ، كوپشىلىكتىڭ قوشامەت كورسەتۋىمەن جەڭىمپازعا تيەسىلى سارى جەيدەنى كيدى. جارىس باستالعان تۇستا اۋزى دۋالى ماماندار كوپ نارسە تاۋ جولدارىنداعى باسەكە كەزىندە انىقتالادى دەگەنى بار ەدى. راسىندا دا جازىقتا جۇيتكىپ، ءۇش رەت كەزەڭ جەڭىمپازى اتانعان مارك كاۆەنديش سياقتى ءبىراز ۆەلوشاباندوز ورگە قاراي جارىسۋعا كەلگەندە سىر بەرە باستادى. الگى كاۆەنديشتىڭ تاۋعا كەلگەندە قۇلدىراعانى سونشا، قازىر جالپى ەسەپتە 141- ساتىدا تۇر. بۇل تۇستا «تاۋ مامانى» دەگەن قۇرمەتتى اتاققا يە بولعان كونتادورلاردىڭ اسىعى الشىسىنان ءتۇستى. پونتارلەر مەن ۆەربە اراسىنداعى 207,5 شاقىرىمدىق تاس جولدا تاس-ءتۇيىن مىنەز تانىتقان يسپان پەرىسى الدىنا جان سالماي، مارەگە ءبىرىنشى بولىپ كەلدى. تاۋ جولدارىندا ءتاۋىر جۇرە الاتىنداردىڭ ءبىرى سانالاتىن ليۋكسەمبۋرگتىك ەندي شلەەك (Saxo Bank) ەكىنشى ورىنعا كوتەرىلسە، يتاليالىق ۆينچەنتسو نيبالي (Liquigas) جەڭىس تۇعىرىنىڭ ءۇشىنشى ساتىسىنان تابىلدى. «تۋر دە فرانستىڭ» جەتى دۇركىن جەڭىمپازى لەنس ارمسترونگ مارە سىزىعىن توعىزىنشى بولىپ كەستى.
دۇيسەنبى كۇنى تىنىعىپ، سەيسەنبىدە جارىس جولىنا قايتا شىققان ۆەلوشاباندوزدار مارتيني مەن بۋر-سانت-موريس اراسىنداعى 159 شاقىرىمعا سوزىلىپ جاتقان تاس جولدا باسەكەگە ءتۇستى. بۇل جولى يسپانيالىق ميكەل استارلوزا «Euskaltel - Euskadi كەزەڭ جەڭىمپازى بولىپ تانىلدى. قوس بىردەي فرانتسۋز - ساندي كاسار («Française des Jeux») پەن پەتريك فەدريگو («BBOX Bouygues Telecom») تيسىنشە ەكىنشى جانە ءۇشىنشى ورىندارعا جايعاستى. جالپى ەسەپتە استانالىق البەرتو كونتادوردىڭ الدىنا ەشكىم شىعا المادى. ۆەلوسپورت ماماندارى مەن جانكۇيەرلەرى وسى كۇنى جىگەرلى ارمسترونگكە تاعى ءبىر مارتە ريزا بولىستى. كەزەڭدىك باسەكە باستالعان تۇستا ول باستى قارسىلاستارىنان كوپ ارتتا قالىپ قويدى. وسى تۇستا بيىلعى جارىس ارمسترونگ ءۇشىن اياقتالدى-اۋ دەپ وي تۇيگەندەردىڭ قاراسى كوپ بولعانى انىق. بىراق كۇتپەگەن جەردەن قايتا سەرپىلىپ، ەكىنشى تىنىسى اشىلعان امەريكالىق جالعىز ءوزى كەلە جاتىپ-اق جىلدامدىقتى ارتتىرا ءتۇسىپ، ارا قاشىقتىقتى قىسقارتا الدى. بۇل تۋرالى ول: «كىشى سەن-بەرنار سونشالىقتى تىك اسۋ ەمەس. جىلدامدىقتى ۇدەتۋ ءۇشىن مەن گراديەنتتىڭ جەتى-سەگىز پايىزعا كوتەرىلۋىن كۇتتىم. ايتپەسە شابۋىلىم ونبەس ەدى. مەن جاستار سياقتى جىلدامدىقتى بىردەن ارتتىرا المايمىن. مەنىڭ ءوز تەحنيكام، ءوز قارقىنىم بار» - دەيدى.
جارىستىڭ 17- كەزەڭىندەگى باسەكە 170 شاقىرىمعا سوزىلعان جول بويىندا ءوربىدى. بۇل سىندا «Team Saxo Bank» كلۋبىنىڭ نامىسىن جىرتاتىن ليۋكسەميبۋرگ ەلىنىڭ ۇلانى فرەنك شلەەك جەڭىسكە جەتتى. وتكەن جولى، 15- كەزەڭدە توپ جارعان ونىڭ اعاسى ەندي شلەەك بولسا مارەگە ءۇشىنشى بولىپ جەتتى. ال البەرتو كونتادور ولاردىڭ اراسىنا سىناداي قاعىلىپ، ەكىنشى ورىنعا يە بولدى. ءسويتىپ، 17- كەزەڭنەن كەيىن «استانا» كلۋبىنىڭ كاپيتانى يسپانيالىق كونتادور جالپى ەسەپتەگى جاعدايىن بۇرىنعىدان بەتەر نىعايتا ءتۇستى. جارىس باستالماي جاتىپ، بولجام جاساعاندار بيىلعى فرانتسۋز كوپكۇندىگىندە دە كونتادور توپ جارادى دەگەنى ەسىمىزدە. ەندى سول بولجام راسقا اينالا باستاعانىنا كوپتىڭ كوزى جەتە ءتۇستى.
كونتادور ەكىنشى كەلگەن 17- كەزەڭدى فرانتسيا پرەزيدەنتى نيكوليا ساركوزي ارنايى كەلىپ، تاماشالاپتى. ول جارىستى جاي عانا كورىپ قايتىپ كەتپەي، ءوز پىكىرىن دە ورتاعا سالسا كەرەك. ساركوزي ەڭ الدىمەن «استانانىڭ» وكىلى امەريكالىق ارمسترونگتىڭ قۇدىرەتىنە تاڭعالاتىنىن ايتقان. «بۇل سپورتشى «تۋر دە فرانستا» جەتى رەت جەڭىمپاز اتاندى، راك اۋرۋىن دا جەڭىپ، سپورتتان قول ۇزگەن بولاتىن، ال 37 جاسىندا ول جاسوسپىرىمگە ءتان جەڭىسكە دەگەن قۇشتارلىقپەن قايتا ورالدى. مەنىڭ ويىمشا، بۇل - بىرەگەي ونەگە-ۇلگى. ول جارىستان ءلاززات الۋ ءۇشىن قايتا ورالدى. ءبىز راك سياقتى قاتەرلى دەرتتى دە ەڭسەرۋگە بولاتىنىن تۇسىندىك. بۇل كوڭىلگە سەنىم ۇيالاتادى».
شىنىندا دا جاسى قىرىققا تاياپ قالسا دا جيىرمادان جاڭا اسقان تالاي جىگەرلى جاستىڭ الدىن وراپ كەتىپ جۇرگەن ارمسترونگتىڭ تاباندىلىعى مەن قاجىر-قايراتىنا قايران قالاسىڭ. 17- كەزەڭ قورىتىندىسى بويىنشا ايگىلى ارمسترونگ جالپى ەسەپتە ءتورتىنشى ورىندا كەلەدى. الدا ءالى ءتورت كەزەڭدىك باسەكە بار. ەندەشە وسى كوپكۇندىكتە جەتى رەت ۇزدىك شىققان امەريكالىقتىڭ جەڭىس تۇعىرىناداعى تەپكىشەكتەردىڭ بىرىنەن كورىنىپ قالۋى دا عاجاپ ەمەس شىعار.
17- كەزەڭنەن كەيىنگى جالپى ەسەپتەگى جاعداي
|
1 |
استانا |
72:27:09 |
|
|
|
2 |
72:29:35 |
+ 00:02:26 |
||
|
3 |
72:30:34 |
+ 00:03:25 |
||
|
4 |
72:31:04 |
+ 00:03:55 |
||
|
5 |
72:31:53 |
+ 00:04:44 |
||
|
6 |
72:32:02 |
+ 00:04:53 |
||
|
7 |
72:32:18 |
+ 00:05:09 |
||
|
8 |
72:35:17 |
+ 00:08:08 |
||
|
9 |
72:36:28 |
+ 00:09:19 |
||
|
10 |
72:37:59 |
+ 00:10:50 |
||
|
...26 |
استانا |
72:58:08 |
+ 00:30:59 |
|
|
...35 |
استانا |
73:06:44 |
+ 00:39:35 |
|
|
...129 |
استانا |
75:07:11 |
+ 02:40:02 |
|
|
...142 |
استانا |
75:20:10 |
+ 02:53:01 |
