جۋىردا 26-28 ءساۋىر ارالىعىندا بۇۇ-نىڭ ەسىرتكى جانە قىلمىس جونىندەگى باسقارماسى قر ىشكى ىستەر مينيسترلىگى، الماتى اكادەمياسىنىڭ بازاسىندا ءىىم-ءنىڭ جانە ىشكى ىستەر ورگاندارى وقۋ ورىندارى قىزمەتكەرلەرىنىڭ الەۋەتىن ارتتىرۋعا ارنالعان سەمينار وتكىزدى. 

«بۇگىنگى ءىس-شارا ىشكى ىستەر مينيسترلىگىن اۋقىمدى رەفورمالاۋ كەزەڭىندە ءوتىپ جاتقاندىقتان وتە وزەكتى. سەنىم ۇعىمىنىڭ ءوزى ىشكى ىستەر ورگاندارىنىڭ قىزمەتىندەگى كوپتەگەن سالالاردى قامتيدى. قۇقىق قورعاۋ قىزمەتىن باعالاۋ كريتەريلەرىنىڭ ءبىرى – حالىقتىڭ پوليتسياعا دەگەن سەنىمىنىڭ دەڭگەيى ەكەنى ءسوزسىز. وسىعان بايلانىستى پوليتسيا قىزمەتىن جەتىلدىرۋ قاجەتتىلىگى حالىقتىڭ سەنىمىن باعالاۋمەن بايلانىستى»، - دەدى ءىىم الماتى اكادەمياسىنىڭ باستىعى پوليتسيا پولكوۆنيگى ايدار سايتبەكوۆ.

سەمينار بارىسىندا وعان قاتىسۋشىلار ىشكى ىستەر ورگاندارىنىڭ كۇندەلىكتى جۇمىسىنا دەگەن سەنىمدى كۇشەيتۋ تۇجىرىمدامالارى مەن ستراتەگيالارىن ىسكە اسىرۋ ءۇشىن باسقارۋ قاعيداتتارىن قولدانۋ مۇمكىندىگىنە يە بولدى.

پوليتسيا جۇمىسىنداعى جۇيەلى وزگەرىستەرگە باعىتتالعان ورنىقتى قادامدار جايلى پىكىرتالاستاردىڭ ناتيجەسىندە سەمينارعا  قاتىسۋشىلار تۇرعىندارمەن نەعۇرلىم ءتيىمدى جۇمىس ىستەۋگە، ادامدارمەن دۇرىس قارىم-قاتىناس جاساۋعا بايلانىستى جانە جەرگىلىكتى پوليتسيا قىزمەتىن تالداۋ بويىنشا قۇندى ۇسىنىستار ازىرلەدى.

Abai.kz