بۇگىن ماڭعىستاۋ وبلىسىنىڭ اكىمى باۋىرجان مۇحامەتجانوۆ اقتاۋداعى بيتۋم زاۋىتىنىڭ جۇمىسىمەن تانىسىپ شىققاننان كەيىن جۋرناليستەر ايماق باسشىسىنا جاڭاوزەنگە بەكەت اتا اتىن بەرۋگە قاتىستى پىكىرىن ءبىلۋ ءۇشىن سۇراق قويدى.

باۋىرجان مۇحامەتجانوۆ قوعامدا قىزۋ تالقىلانىپ جاتقان جاڭاوزەنگە بەكەت اتا اتىن بەرۋ ۇسىنىسى توڭىرەگىندە ءتۇرلى پىكىرلەر تۋىنداعانىن ايتتى. «اقساقالدار وسىنداي ۇسىنىس جاساعانىن بىلەسىزدەر. قازىر بارلىق جەردە تالقىلاپ، ءاربىر ادام ءوز پىكىرىن ايتىپ جاتىر. ماعان دا حاتتار كەلۋدە. بىرەۋلەر قالا اتىن وزگەرتۋدى قولداپ، ەندى بىرەۋلەر قولدامايدى ەكەن. كەيبىرەۋلەر ۇسىنىس ورىندى دەيدى، بىراق سونى قازىر جاساۋ كەرەك پە دەيدى. باسقا ۇسىنىستار دا بار»، -  دەيدى وبلىس اكىمى باۋىرجان مۇحامەتجانوۆ.

وبلىس باسشىسىنىڭ ايتۋىنشا، وعان ءبىراز جەردە سالماعى اۋىر سۇراقتار دا قويىلىپتى. «ودان قورقاتىن ەشتەڭە جوق دەپ ويلايمىن. ءبارىنىڭ پىكىرى ورىندى. حالىقتان ەشتەڭەنى جاسىرىپ وتىرعان جوقپىز»، - دەپ اتاپ ءوتتى اكىم.

اكىم بۇل ماسەلەدە اسىعىستىق جوعىن قايتالاپ ايتتى. «سەندەر مىنانى ىستەڭدەر دەپ تاپسىرما بەرىپ وتىرعان ەشكىم دە جوق. ەل بولىپ، حالىق بولىپ قارايىق، اقىلداسايىق. جەتى رەت ولشەپ، ءبىر كەسەيىك. ماڭىزدى سۇراقتاردى وسىلاي شەشۋىمىز كەرەك. ءاربىر كىسىنىڭ پىكىرىن ەستيىك، تىڭدايىق، سوسىن شەشىم قابىلدايمىز»، - دەدى ول.

بۇگىن ماڭعىستاۋ وبلىسىنىڭ اكىمى باۋىرجان مۇحامەتجانوۆ اقتاۋداعى بيتۋم زاۋىتىنىڭ جۇمىسىمەن تانىسىپ شىققاننان كەيىن جۋرناليستەر ايماق باسشىسىنا جاڭاوزەنگە بەكەت اتا اتىن بەرۋگە قاتىستى پىكىرىن ءبىلۋ ءۇشىن سۇراق قويدى.

باۋىرجان مۇحامەتجانوۆ قوعامدا قىزۋ تالقىلانىپ جاتقان جاڭاوزەنگە بەكەت اتا اتىن بەرۋ ۇسىنىسى توڭىرەگىندە ءتۇرلى پىكىرلەر تۋىنداعانىن ايتتى. «اقساقالدار وسىنداي ۇسىنىس جاساعانىن بىلەسىزدەر. قازىر بارلىق جەردە تالقىلاپ، ءاربىر ادام ءوز پىكىرىن ايتىپ جاتىر. ماعان دا حاتتار كەلۋدە. بىرەۋلەر قالا اتىن وزگەرتۋدى قولداپ، ەندى بىرەۋلەر قولدامايدى ەكەن. كەيبىرەۋلەر ۇسىنىس ورىندى دەيدى، بىراق سونى قازىر جاساۋ كەرەك پە دەيدى. باسقا ۇسىنىستار دا بار»، -  دەيدى وبلىس اكىمى باۋىرجان مۇحامەتجانوۆ.

وبلىس باسشىسىنىڭ ايتۋىنشا، وعان ءبىراز جەردە سالماعى اۋىر سۇراقتار دا قويىلىپتى. «ودان قورقاتىن ەشتەڭە جوق دەپ ويلايمىن. ءبارىنىڭ پىكىرى ورىندى. حالىقتان ەشتەڭەنى جاسىرىپ وتىرعان جوقپىز»، - دەپ اتاپ ءوتتى اكىم.

اكىم بۇل ماسەلەدە اسىعىستىق جوعىن قايتالاپ ايتتى. «سەندەر مىنانى ىستەڭدەر دەپ تاپسىرما بەرىپ وتىرعان ەشكىم دە جوق. ەل بولىپ، حالىق بولىپ قارايىق، اقىلداسايىق. جەتى رەت ولشەپ، ءبىر كەسەيىك. ماڭىزدى سۇراقتاردى وسىلاي شەشۋىمىز كەرەك. ءاربىر كىسىنىڭ پىكىرىن ەستيىك، تىڭدايىق، سوسىن شەشىم قابىلدايمىز»، - دەدى ول.

«قازاقتىڭ داستۇرىنەن، اقساقالداردىڭ ايتقان سوزدەرىنەن اتتاپ كەتپەۋىمىز كەرەك. بىراق تا اقىلداسايىق، سوسىن ءبىر شەشىمگە كەلەمىز. ەش اسىعىس جوق. حالقىمىز الاڭداماي جۇمىسىن ىستەي بەرسىن. ءبىز ءۇشىن قازىر ماڭىزدىسى ات اۋىستىرۋ ەمەس، ەلدىڭ قامى. حالىققا جۇمىس تاۋىپ بەرۋ كەرەك. وتاعاسى وتباسىنا ناپاقاسىن تاۋىپ، باعىپ-قاعىپ وتىرسا، ەڭ ماڭىزدىسى سول»، - دەدى باۋىرجان مۇحامەدجانوۆ.

ەستەرىڭىزگە سالا كەتەيىك، 27-قازان كۇنى وعىلاندىداعى بەكەت اتا باسىندا ماڭعىستاۋلىق اقساقالدار كەڭەس قۇرىپ، جاڭاوزەنگە بەكەت اتا اتىن بەرۋ كەرەك دەگەن ۇسىنىس ايتقان بولاتىن. جيىنعا ماڭعىستاۋ وبلىسىنىڭ اكىمى باۋىرجان مۇحامەتجانوۆ تا قاتىسقان ەدى. قىرىققا جۋىق قاريا ۇسىنىس حاتقا قول قويىپ، وبلىس باسشىسىنا تاپسىردى. سودان بەرى بۇل ۇسىنىس باق بەتىندە قىزۋ تالقىعا ءتۇستى.

«Abai.kz»