قازاق ۇلتتىق ونەر ۋنيۆەرسيتەتىنىڭ كونتسەرت زالىندا «قازاعىمنىڭ ءان-جىرى، كوڭىلىمنىڭ جان نۇرى» اتتى ءداستۇرلى ءان كونتسەرتى بولىپ ءوتتى.

ايتا كەتۋ كەرەك، قازاقستاننىڭ ەڭبەك سىڭىرگەن ءارتىسى، بەلگىلى ءانشى قاپاش قۇلىش استانا قالاسىنا قونىس اۋدارىپ، ەكى جىلدان بەرى قازاق ۇلتتىق ونەر ۋنيۆەرسيتەتىندە شاكىرتتەر تاربيەلەپ كەلەدى. ونەر كەشىن اشقان ول جينالعان كورەرمەندەرگە ريزاشىلىعىن ءبىلدىردى. «ەلورداعا كەلگەن سوڭ، شىركىن-اي، باتىس ءوڭىرىنىڭ مايتالمان انشىلەرىن جيناپ، سونىڭ ىشىندە عارەكەڭنەن (عاريفوللا قۇرمانعاليەۆ) ءدارىس العان ونەر جۇلدىزدارىنىڭ قاتىسۋىمەن ءبىر كونتسەرت قويسام دەپ ارمانداپ ەدىم. بۇگىن سونىڭ ءساتى ءتۇستى»،- دەدى.

وسى ونەر كەشىنە تۇركىستاننان عارەكەڭنىڭ العاشقى شاكىرتتەرىنىڭ ءبىرى قر حالىق ءارتىسى قاجىبەك بەكبوسىنوۆ كەلىپ، بىرنەشە ءان شىرقاپ، كورەرمەندەردىڭ ىقىلاسىنا بولەندى. سونداي-اق ورال قالاسىنان ەلىمىزدىڭ ەڭبەك سىڭىرگەن ءارتىسى ساۋلە تاۋداەۆا، اقتوبەدەن ەلىمىزدىڭ ەڭبەك سىڭىرگەن قايراتكەرى سۆەتلانا مىرزاباەۆا كەلدى. وسى تانىمال انشىلەر مۇحيتتىڭ اندەرىن شىرقادى.

كونتسەرتكە «قوڭىر» توبى قاتىسىپ، مۇحيت مەرالىۇلىنىڭ «كوك ايداي» انىنەن باستاپ بىرنەشە اندەردى شىرقاپ، كورەرمەندەردىڭ قوشەمەتىنە بولەندى.

بۇل كونتسەرتكە قاپاش قۇلىشتان ءدارىس الىپ جۇرگەن قازاق ۇلتتىق ونەر ۋنيۆەرسيتەتىنىڭ ءان ءبولىمىنىڭ ستۋدەنتتەرى دە قاتىسىپ، ءان شىرقاپ، بىرنەشە كۇي تارتتى.

قازاق ۇلتتىق ونەر ۋنيۆەرسيتەتىنىڭ كونتسەرت زالىندا «قازاعىمنىڭ ءان-جىرى، كوڭىلىمنىڭ جان نۇرى» اتتى ءداستۇرلى ءان كونتسەرتى بولىپ ءوتتى.

ايتا كەتۋ كەرەك، قازاقستاننىڭ ەڭبەك سىڭىرگەن ءارتىسى، بەلگىلى ءانشى قاپاش قۇلىش استانا قالاسىنا قونىس اۋدارىپ، ەكى جىلدان بەرى قازاق ۇلتتىق ونەر ۋنيۆەرسيتەتىندە شاكىرتتەر تاربيەلەپ كەلەدى. ونەر كەشىن اشقان ول جينالعان كورەرمەندەرگە ريزاشىلىعىن ءبىلدىردى. «ەلورداعا كەلگەن سوڭ، شىركىن-اي، باتىس ءوڭىرىنىڭ مايتالمان انشىلەرىن جيناپ، سونىڭ ىشىندە عارەكەڭنەن (عاريفوللا قۇرمانعاليەۆ) ءدارىس العان ونەر جۇلدىزدارىنىڭ قاتىسۋىمەن ءبىر كونتسەرت قويسام دەپ ارمانداپ ەدىم. بۇگىن سونىڭ ءساتى ءتۇستى»،- دەدى.

وسى ونەر كەشىنە تۇركىستاننان عارەكەڭنىڭ العاشقى شاكىرتتەرىنىڭ ءبىرى قر حالىق ءارتىسى قاجىبەك بەكبوسىنوۆ كەلىپ، بىرنەشە ءان شىرقاپ، كورەرمەندەردىڭ ىقىلاسىنا بولەندى. سونداي-اق ورال قالاسىنان ەلىمىزدىڭ ەڭبەك سىڭىرگەن ءارتىسى ساۋلە تاۋداەۆا، اقتوبەدەن ەلىمىزدىڭ ەڭبەك سىڭىرگەن قايراتكەرى سۆەتلانا مىرزاباەۆا كەلدى. وسى تانىمال انشىلەر مۇحيتتىڭ اندەرىن شىرقادى.

كونتسەرتكە «قوڭىر» توبى قاتىسىپ، مۇحيت مەرالىۇلىنىڭ «كوك ايداي» انىنەن باستاپ بىرنەشە اندەردى شىرقاپ، كورەرمەندەردىڭ قوشەمەتىنە بولەندى.

بۇل كونتسەرتكە قاپاش قۇلىشتان ءدارىس الىپ جۇرگەن قازاق ۇلتتىق ونەر ۋنيۆەرسيتەتىنىڭ ءان ءبولىمىنىڭ ستۋدەنتتەرى دە قاتىسىپ، ءان شىرقاپ، بىرنەشە كۇي تارتتى.

كەش سوڭىندا قاپاش قۇلىش: «ءداستۇرلى ونەردى زاڭداستىرعان ەكى ونەر يەسى بار. ونىڭ ءبىرى عاريفوللا قۇرمانعاليەۆ بولسا، ەكىنشىسى حالقىمىزدىڭ ءداستۇرلى ءان مەكتەبىنىڭ كورنەكتى وكىلى جۇسىپبەك ەلەبەكوۆ. سولار سالىپ كەتكەن داڭعىل جولدى قازاق ۇلتتىق ونەر ۋنيۆەرسيتەتى جالعاستىرادى دەپ ويلايمىن. ءبىزدىڭ ءداستۇرلى ونەرىمىز تەك قانا قازاقستاندا ەمەس، حالىقارالىق دەڭگەيگە كوتەرىلسە ەكەن. وعان ونەرىمىز لايىقتى. تاربيەلەپ جاتقان جاستارىمىز قازاقتىڭ اتىن، ۇكىلەگەن دومبىراسىن، قوبىزدىڭ كەرەمەت ءۇنىن بۇكىل دۇنيە جۇزىنە تانىتىپ ءجۇر عوي. ءالى دە شىعار بيىگىمىز الدا»،- دەپ ءسوزىن قورىتىندىلادى.

دەرەككوز: قازاقپارات