مولداۆا پروكۋراتۋراسى ەكس-پرەزيدەنت نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆ پەن قۇداسى قايرات بورانباەۆتى بوپسالاۋ بويىنشا ايىپتاپ، جاۋاپ الۋ ءۇشىن شاقىرعان. بۇل تۋرالى ميحايل كوزاچكوۆتىڭ Telegram ارناسى جازدى. 

جۋرناليست ميحايل كوزاچكوۆتىڭ Telegram-ارناسىندا جاريالاعان قۇجاتقا سايكەس، قۇلىباەۆ پەن بورانباەۆ مولداۆادا كونستيتۋتسياسىنىڭ 189-باپ، 6-ءبولىمى بويىنشا ايىپتالۋدا.

مولدوۆا زاڭناماسى بويىنشا، 189-باپ، 6-بولىمىندە «اسا iرi مولشەردە بوپسالاۋ بويىنشا – 13 جىلدان 15 جىلعا دەيىن باس بوستاندىعىنان ايىرۋ جازاسى قولدانىلاتىنى» جازىلعان.

«قازاقستان رەسپۋبليكاسىنىڭ ازاماتى قۇلىباەۆ تيمۋر اسقارۇلى № 2021670123 قىلمىستىق ءىس بويىنشا قىلمىستىق ءىستى جۇرگىزۋگە بايلانىستى قىلمىستىق كودەكستىڭ 189-بابى، 6-بويىنشا (بوپسالاۋ) ۇيىمداسقان قىلمىسقا جانە ەرەكشە ىستەرگە قارسى پروكۋراتۋرانىڭ باسقارۋىنا 07.02.2022 ج. ساعات 10:00-دا ءسىز ۇيىمداسقان قىلمىسقا جانە ەرەكشە ىستەرگە قارسى پروكۋراتۋراعا ادۆوكاتپەن، كۇدىكتى رەتىندە جاۋاپ الۋ ءۇشىن كەلۋىڭىز كەرەك. كەلۋ مىندەتتى»، - دەلىنگەن قۇجاتتا.

ءدال وسىنداي شاقىرتۋ قايرات بورانباەۆتىڭ اتىنا دا جىبەرىلگەن. وندا دا:

«قازاقستان رەسپۋبليكاسىنىڭ ازاماتى بورانباەۆ قايرات № 2021670123 قىلمىستىق ءىس بويىنشا قىلمىستىق ءىستى جۇرگىزۋگە بايلانىستى قىلمىستىق كودەكستىڭ 189-بابى 6-بويىنشا(بوپسالاۋ) ۇيىمداسقان قىلمىسقا جانە ەرەكشە ىستەرگە قارسى پروكۋراتۋرانىڭ باسقارۋىنا 03.02.2022 ج. ساعات 10:00-دا ءسىز ۇيىمداسقان قىلمىسقا جانە ەرەكشە ىستەرگە قارسى پروكۋراتۋراعا ادۆوكاتپەن، كۇدىكتى رەتىندە جاۋاپ الۋ ءۇشىن كەلۋىڭىز كەرەك. كەلۋ مىندەتتى», - دەلىنگەن قۇجاتتا.

ايتا كەتەيىك، تيمۋر قۇلىباەۆ پەن قايرات بورانباەۆ قازاقستانداعى ەڭ اۋقاتتى ەلۋ ادامنىڭ رەيتينگىسىندە العاشقى ورىنداردا تۇرعان ادامدار.

«Forbes قازاقستاننىڭ» 2021 جىلعى «قازاقستاننىڭ ەڭ باي 50 كاسىپكەرى» دەيتىن رەيتينگىندە تيمۋر قۇلىباەۆ العاشقى بەستىككە كىرسە، قايرات بورانباەۆ 14 ساتىعا جايعاسقان. قۇلىباەۆتىڭ جيعان-تەرگەنى – 2,9 ميلليارد دوللار دەپ كورسەتىلسە، بورانباەۆتىڭ داۋلەتى – 590 ملن دوللاردان اسىپ جىعىلعان.

ال 2021جىلعى رەيتينگ بويىنشا «قازاقستاننىڭ ەڭ ىقپالدى 50 كاسىپكەرى» تىزىمىندە تيمۋر قۇلىباەۆ كوش باستاپ تۇرسا، قايرات بورانباەۆ العاشقى بەستىكتى تۇيىندەيدى.

ايتا كەتەيىك، جىل باسىنداعى قاڭتار كوتەرىلىسىنەن كەيىن، تيمۋر قۇلىباەۆ مەملەكەتتەگى بىرقاتار ءىرى لاۋازىمدارىنان  بوساتىلعان ەدى.

Abai.kz