27 قاڭتاردا كەشكى ۋاقىتتا قىرعىز-تاجىك شەكاراسىنداعى جاعداي كۇرت ناشارلادى.قىرعىزستان ۇقك شەكارا قىزمەتىنىڭ مالىمەتىنشە، بەيسەنبىدە ساعات 17:30 - دان 18:00-گە دەيىن تاجىكستان شەكاراشىلارى باتكەن اۋدانى ءتورت-كوچو ەلدى مەكەنىندەگى باتكەن-يسفان اۆتوجولىنىڭ بولىگىندەگى جول ۋچاسكەسىن بىرجاقتى تارتىپپەن جاۋىپ تاستاعان.

"قىرعىز رەسپۋبليكاسى مەن تاجىكستان شەكارا وكىلدەرى اراسىندا جۇرگىزىلگەن كەلىسسوزدەردىڭ قورىتىندىسى بويىنشا جول ۋچاسكەسى قايتا اشىلدى. الايدا، ساعات 19:35-تە تاجىكستان تاراپى باتكەن اۋدانىنىڭ چىر-دوبو ەلدى مەكەنىندەگى شەكارا بولىمشەلەرى بويىنشا قارۋ قولدانۋعا بايلانىستى جاعداي ناشارلادى", - دەپ حابارلادى ۇقك ءباسپاسوز قىزمەتى.

قىرعىزستان مەن تاجىكستان شەكارا اسكەرلەرىنىڭ بولىمشەلەرى اراسىنداعى نەگىزگى اتىس ءتورت-كوچو جانە چىر-دوبو ەلدى مەكەندەرىندە ءوتىپ جاتقانى ايتىلادى. "تاجىك تاراپى مينومەتتەر مەن گراناتومەتتەردى پايدالانىپ جاتىر", - دەپ اتاپ ءوتتى ۆەدومستۆوداعىلار.

شەكاراداعى اتىسقا بايلانىستى قىرعىزستان ۇرىس ماڭىنا جاقىن بىرنەشە اۋىل حالقىن ەۆاكۋاتسيالادى. قازىرگى ۋاقىتتا جاعداي تۇراقتانعان، ال تۇندەگى اتىستى 7 قىرعىزستاندىق جانە 12 تاجىكستاندىق جاراقات العان. قازا تاپقاندار دا بار.

Abai.kz