ەركەعالي بەيسەنوۆ. ءۇش ۇشتىك
1. ەل، جەر، ءتىل
ەلدەن الاسىڭ. ەلگە بەرەسىڭ. ولەسىڭ.
جالعاننىڭ باستى شارتىنا ءسويتىپ كونەسىڭ.
توبەگە قويۋ، تابانعا تاپتاۋ - ەل ەركى،
ەشقاشان وڭاي قالىپتاسپايدى ءور ەسىم!
جەر باسىپ جۇرگەن پەندە ەكەنىڭ وي سالىپ،
ءوز باسىڭ سەنى پاتريوت ەتىپ قويسا، قۇپ.
سىعاندار سىندى «كوكەك ۇلتتاردان» ايىرماڭ -
بايتاق جەرىڭ بار، بەرىك ىرگەلى قايسار ۇلت!
ءتىلىن بىلمەستى «ماڭگۇرت» دەپ ءجۇرمىز. بۇل - دۇرىس!
ىشقىندى ىشتە نامىس جانشىعان ءبىر دىبىس:
«قازاقتىڭ نانىن ەش ارلانباستان اسايتىن،
قازاق ءتىلىنسىز قازاقتىڭ اۋزى - قۇر قۋىس!».
2. سانا، يمان، ۇلتتىق رۋح
كورمەيسىڭ اتاق، دۇنيە-مۇلىك، مالدى كەم،
بارلىعى ءۇشىن تەك ساناڭ بولسىن، الدىمەن!
بىلەم عوي، بىلەم،
ديپلوم، قىزمەت، پايدانىڭ
سەپتىگى تيمەي، سورى قايناعان پاڭدى مەن!
يمانسىز جۇرەك - كيىمسىز جانداي، جالاڭاش!
يمانسىزدىقتان پايدا بولادى شالا باس.
ءتاۋباڭدى تانى!
اۋىر ەسەمەن قايتادى،
ارام ءىس قىلساڭ، ۇسىنعاندارعا ادال اس.
بولىپ-تولا قاپ، بوي ۇرعان «ويتەم، بۇيتەمگە»،
ءپاتۋاسىزدىڭ ۇستانىمىنا سۇيكەنبە!
ەرتەڭ-اق سەنى، ۇلتتى ساتادى، داڭق ءۇشىن!..
داڭق ءۇشىن دە سول، ۇلتتىق رۋح كەرەك، ەي، پەندە!
3. باسپانا، تاماق، كيىم
1. ەل، جەر، ءتىل
ەلدەن الاسىڭ. ەلگە بەرەسىڭ. ولەسىڭ.
جالعاننىڭ باستى شارتىنا ءسويتىپ كونەسىڭ.
توبەگە قويۋ، تابانعا تاپتاۋ - ەل ەركى،
ەشقاشان وڭاي قالىپتاسپايدى ءور ەسىم!
جەر باسىپ جۇرگەن پەندە ەكەنىڭ وي سالىپ،
ءوز باسىڭ سەنى پاتريوت ەتىپ قويسا، قۇپ.
سىعاندار سىندى «كوكەك ۇلتتاردان» ايىرماڭ -
بايتاق جەرىڭ بار، بەرىك ىرگەلى قايسار ۇلت!
ءتىلىن بىلمەستى «ماڭگۇرت» دەپ ءجۇرمىز. بۇل - دۇرىس!
ىشقىندى ىشتە نامىس جانشىعان ءبىر دىبىس:
«قازاقتىڭ نانىن ەش ارلانباستان اسايتىن،
قازاق ءتىلىنسىز قازاقتىڭ اۋزى - قۇر قۋىس!».
2. سانا، يمان، ۇلتتىق رۋح
كورمەيسىڭ اتاق، دۇنيە-مۇلىك، مالدى كەم،
بارلىعى ءۇشىن تەك ساناڭ بولسىن، الدىمەن!
بىلەم عوي، بىلەم،
ديپلوم، قىزمەت، پايدانىڭ
سەپتىگى تيمەي، سورى قايناعان پاڭدى مەن!
يمانسىز جۇرەك - كيىمسىز جانداي، جالاڭاش!
يمانسىزدىقتان پايدا بولادى شالا باس.
ءتاۋباڭدى تانى!
اۋىر ەسەمەن قايتادى،
ارام ءىس قىلساڭ، ۇسىنعاندارعا ادال اس.
بولىپ-تولا قاپ، بوي ۇرعان «ويتەم، بۇيتەمگە»،
ءپاتۋاسىزدىڭ ۇستانىمىنا سۇيكەنبە!
ەرتەڭ-اق سەنى، ۇلتتى ساتادى، داڭق ءۇشىن!..
داڭق ءۇشىن دە سول، ۇلتتىق رۋح كەرەك، ەي، پەندە!
3. باسپانا، تاماق، كيىم
«ءۇي دەگەن - باستى ماقسات ەمەس!»،- دەپ وتىرىك،
قايتەسىڭ جۇرتتى، ءوزىڭدى الداپ، كوپىرىپ؟!.
قاڭعىرعان قازاق ءبىر-ءبىر ۇيلەردەن قۇرالعان
وتانىن ءسۇيدى، وزەگىن ورتەپ شوق ءۇمىت!
تۇرعاندا تاماق ءومىردىڭ ناعىز ءنارى بوپ،
قارىن تويماسا، ەلدىك ءىستىڭ تۇك ءمانى جوق!
اس - قوزعالىستىڭ قۇرالى عانا دەگەنمەن،
جالعىز سول ءۇشىن جۇرگەندەردىڭ دە سانى كوپ.
ءساندى كيىمنەن، ايتشى دوس، كىمدەر قاشادى؟..
شۇبەرەك - كورىك. ءار ءتۇردى ءار ءتۇس اشادى.
باسقانىڭ كيگەن ارزانى قىمبات سەزىلسە،
قىز-كەلىنشەكتەر سول سەزىمىنە ماس ءالى!
«اباي-اقپارات»
