اۋىلشارۋاشىلىعى مينيسترلىگى دانيال احمەتوۆتىڭ ۇلىنان 3,9 ميلليارد تەڭگەگە كەڭسە ساتىپ الدى. اۋىلشارۋاشىلىق مينيسترلىگى نۇر-سۇلتانداعى مينيسترلىكتەر ۇيىنەن 4 ميلليارد تەڭگەگە جۋىق سوماعا كەڭسە ساتىپ الدى. جاڭا قونىستىڭ اۋدانى 4500 م2. مينيسترلىكتىڭ كوشۋى ءۇشىن ۇكىمەت تاراپىنان قارجى بولىنگەن. كوشۋدىڭ نەگىزگى سەبەبى باسقا مينيسترلىكتەرگە جاقىن وتىرۋ دەپ تۇسىندىرگەن مينيستر ەربول قاراشۇكەەۆ.

«ءبىزدىڭ بارلىق مينيسترلىكتەر سول جاعالاۋدا مينيسترلىكتەر ءۇيىنىڭ عيماراتىندا ورنالاسقان. وكىنىشتىسى سول جاققا كوشۋگە مۇمكىندىك بولماي، ۇكىمەتتىڭ ارقاسىندا قارجى تاپتىق. كوپ ۋاقىتتى بوسقا وتكىزبەۋ ءۇشىن ارىپتەستەرىمىزگە جاقىن بولۋ ءۇشىن مينيسترلىكتەر ءۇيىنىڭ ءۇشىنشى كىرەبەرىسىنە كوشۋدى جوسپارلاپ وتىرمىز. ال ءبىزدىڭ عيمارات، تيىسىنشە، مەملەكەت مەنشىگىنە ءوتىپ، ءارى قاراي پايدالانىلا بەرەدى»، - دەدى ول ءوز سوزىندە.

مينيستر بۇل شەشىمنىڭ قالاي قابىلدانعانى تۋرالى الداعى ۋاقىتتا اقپارات بەرەتىنىن ايتتى. مينيسترلىك جاڭا كەڭسەنى «اق سۇڭقار نت» جشس-نان ساتىپ العان. ونىڭ قۇرىلتايشىسى شىعىس قازاقستان وبلىسىنىڭ اكىمى دانيال احمەتوۆتىڭ ۇلى تالعات احمەتوۆ.

بۇل تۋرالى Ratel.kz سايتى «اكىمنىڭ 32 جاستاعى ۇلى، بيزنەسمەن-ۆۋندەركيند تالعات احمەتوۆ، بيىلعى جىلى Forbes Kazakhstan تىزىمىندە 35 ورىندا تۇر. ونىڭ بايلىعى 145 ملن. دوللور. وعان پاۆلودار وبلىسىنىڭ بىرقاتار كومپانيالارى: "كازەنەرگوكابەل" اق (29,9%), نان-توقاش كومبيناتى جانە كونديتەرلىك فابريكاسى، "KAZ InterGroup PV" جشس، "تاسك حولدينگ", "تەمىرجولشى", "گلوريا-فارم", "پاۆلودار", سونداي-اق «اق سۇڭقار نت» جانە استاناداعى «Engineering Supply Company» تيەسىلى دەپ، احمەتوۆ 2017 جىلى Forbes Kazakhstan جۋرنالىنىڭ تىزىمىنە شىققان كەزدە جازعان بولاتىن.
«اق سۇڭقار نت» جشس نارىقتا جۇمىس ىستەگەنىنە 15 جىل بولعان. قازىرگى ۋاقىتتا 16 مەملەكەتتىك كەلىسىمشارتقا وتىرعان.

جىل سايىن «اق سۇڭقار نت» جشس – مەن كەلىسىم شارت جاساساتىن «ادام رەسۋرستارىن دامىتۋ ورتالىعى» اق مەملەكەتتىك كومپانياسى بيىل كەڭسە ءۇي-جايلارىن جالعا الۋ تۋرالى ءۇش كەلىسىم-شارتقا وتىرعان. «Aق سۇڭقار نت» جشس ءۇش كەڭسەلىك ءۇي-جايىن جالعا بەرگەن:
اۋدانى 50 م2 1,9 ملن.تەڭگەگە;
اۋدانى 2508 م2 115 ملن.تەڭگەگە;
اۋدانى 108,7 م2, 1,6 ملن.تەڭگەگە.

2020 جىلى «Aق سۇڭقار نت» جشس «ادام رەسۋرستارىن دامىتۋ ورتالىعى» اق-مەن كەڭسەلىك ءۇي-جايلاردى جالعا بەرۋ تۋرالى 2 كەلىسىم-شارتقا وتىردى. ءبىرى 98,5 ملن.تەڭگەگە اۋدانى 2 214 م2 بولاتىن ءۇي-جاي بولسا، ەكىنشىسى 42 ملن تەڭگەگە اۋدانى 621 م2 بولاتىن ءۇي-جاي.

2019 جىلى «Aق سۇڭقار نت» جشس بىرنەشە ءۇي-جايدى جالعا بەرۋ تۋرالى بەس كەلىسىمشارتقا وتىردى. ونىڭ تورتەۋى «ادام رەسۋرستارىن دامىتۋ ورتالىعى» اق-مەن، بىرەۋى قارجى مينيسترلىگىمەن بولعان.

2018 جىلى «ادام رەسۋرستارىن دامىتۋ ورتالىعى» اق-مەن ەكى كەلىسىم-شارت جاساعان، 2017 جىلى ەكى ەڭبەك رەسۋرستارىن دامىتۋ ورتالىعىمەن، ءبىر – «قازكونتەنت» اق-مەن كەلىسىم شارتقا وتىرعان. «Aق سۇڭقار نت» جشس تولەگەن سالىق كولەمى 2015 جىلدان بەرى 91,9 ملن تەڭگە بولدى. 2021 جىلى – 21,5 ملن.تەڭگە سالىق تولەگەن.

Abai.kz