قازاقستاننىڭ تۇڭعىش پرەزيدەنتى نۇرسۇلتان نازارباەۆ رەسەيدىڭ سانكت-پەتەربۋرگ قالاسىنا كەلدى. بۇل تۋرالى ەلباسىنىڭ كەڭەسشىسى – ءباسپاسوز حاتشىسى ايدوس ۇكىباي مالىمدەدى.

سونىمەن قاتار، سانكت-پەتەربۋرگكە پرەزيدەنت قاسىم-جومارت توقاەۆ كەلەدى دەپ كۇتىلۋدە.

نازارباەۆ پەن توقاەۆ تمد-عا مۇشە مەملەكەتتەر باسشىلارىنىڭ بەيرەسمي كەزدەسۋىنە قاتىسادى. شارا بارىسىندا دوستاستىق اياسىندا اتقارىلعان بىرلەسكەن جۇمىستاردىڭ ناتيجەلەرى، كوپجاقتى ءوزارا ءىس-قيمىلدى دامىتۋ جانە ۇيىم قىزمەتىنىڭ تيىمدىلىگىن ارتتىرۋ پەرسپەكتيۆالارى تالقىلانادى دەپ كۇتىلۋدە. سونداي-اق حالىقارالىق جانە وڭىرلىك كۇن تارتىبىندەگى وزەكتى ماسەلەلەردى قاراۋ جوسپارلانۋدا.

بۇعان دەيىن رەسەي پرەزيدەنتى ۆلاديمير پۋتين نۇرسۇلتان نازارباەۆ پەن قاسىم-جومارت توقاەۆتىڭ ءداستۇرلى بەيرەسمي كەزدەسۋگە كەلۋىنە ۇلكەن سەنىم ارتاتىنىن ايتقان بولاتىن.

Abai.kz