سەناتتا قازاقستان مەن رەسەي اراسىنداعى مينەرالدى تىڭايتقىشتار زاۋىتىن سالۋ تۋرالى كەلىسىم تالقىلاندى، دەپ حابارلايدى قازاقپارات.

سەناتتىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ دەپۋتاتتارى كەڭەيتىلگەن وتىرىستا «قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «مينەرالدىق تىڭايتقىشتار شىعارۋ زاۋىتىن سالۋ جانە پايدالانۋ» جوباسىن ىسكە اسىرۋ تۋرالى كەلىسىمدى راتيفيكاتسيالاۋ تۋرالى» جوباسىن ىسكە اسىرۋ تۋرالى كەلىسىمدى راتيفيكاتسيالاۋ تۋرالى» زاڭ جوباسىن تالقىلادى.

كەلىسىم اياسىندا جامبىل وبلىسىندا قۋاتى جىلىنا كەمىندە ءبىر ميلليون توننا مينەرالدىق تىڭايتقىشتار مەن ىلەسپە يندۋستريالىق ونىمدەر شىعاراتىن زاۋىت سالۋ كوزدەلىپ وتىر.

بۇل رەتتە پايدالانۋ كەزەڭىندە حيميا كەشەنى بولىگىندە جانە ارالاس سالالاردا زاۋىت 1 200 جۇمىس ورنىن قامتاماسىز ەتۋگە مۇمكىندىك بەرەدى.

ينۆەستور تاراپىنان ينۆەستيتسيانىڭ جالپى سوماسى 1 ميلليارد اقش دوللارىنان اساتىن بولادى.

كوميتەت مۇشەلەرى وتىرىس قورىتىندىسى بويىنشا زاڭ جوباسىن پالاتانىڭ قاراۋىنا بەرۋ تۋرالى شەشىم قابىلدادى.

سەناتتا سونىمەن قاتار كورنەكى اقپارات جانە ءدىني قىزمەت تۋرالى زاڭ جوباسى قارالدى.

سەناتتىڭ الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا دەپۋتاتتار كورنەكى اقپارات جانە ءدىني قىزمەت ماسەلەلەرى جونىندەگى زاڭ جوباسىن تالقىلادى.

وندا «قازاقستان رەسپۋبليكاسىنداعى ءتىل تۋرالى» زاڭعا دەرەكتەمەلەر مەن كورنەكى اقپارات ماتىندەرىن جازۋ ءتارتىبىن ناقتىلاۋ كوزدەلىپ وتىر.

«ءدىني قىزمەت جانە ءدىني بىرلەستىكتەر تۋرالى» زاڭعا ءدىني ءىس-شارالاردى وتكىزۋ مەن جەرگىلىكتى ءدىني بىرلەستىكتەردى قۇرۋ ءتارتىبىن وڭايلاتاتىن تۇزەتۋ ەنگىزىلەدى.

Abai.kz