ساراپشىلار قازاقستان رەسپۋبليكاسىنىڭ قاي ءوڭىرى ەڭ كوپ جالاقى الاتىنىن ايتتى. 

زەرتتەۋشىلەر اتاپ وتكەندەي، 2021 جىلدىڭ ءۇشىنشى توقسانىندا ەل بويىنشا اتاۋلى ورتاشا ايلىق جالاقى ورتاشا ەسەپپەن 243,7 مىڭ تەڭگەگە جەتتى، بۇل وتكەن جىلمەن سالىستىرعاندا 19,3%-عا كوپ.

- وڭىرلىك تۇرعىدا ەڭ جوعارى جالاقى ءداستۇرلى تۇردە اتىراۋ وبلىسىندا بايقالدى: 419,1 مىڭ تەڭگە – ءبىر جىل بۇرىنعىدان 19,5%-عا ارتىق. ناقتى ماندە ءوسىم 9,5 پايىزدى قۇرادى. وڭىردەگى جالاقى ورتاشا رەسپۋبليكالىق دەڭگەيدەن 72 پايىزعا جوعارى بولدى.

سونداي-اق، كوشباسشى وڭىرلەردىڭ ۇشتىگىنە ماڭعىستاۋ وبلىسى (346,5 مىڭ تەڭگە، ناقتى ماندە 6,2%) جانە ەلوردا(338,4 مىڭ تەڭگە، پليۋس 7,8%) كىردى.

ەڭ تومەنگى جالاقى تۇركىستان وبلىسىندا بەلگىلەندى: 181,1 مىڭ تەڭگە – ءبىر جىل بۇرىنعىدان ناقتى ماندە 11,5%-عا ارتىق.

17 ءوڭىردىڭ تەك تورتەۋىندە عانا قىزمەتكەرلەردىڭ جالاقىسى ەل بويىنشا ورتاشا جالاقىدان اسىپ ءتۇستى: جەتەكشى ءۇش وڭىردەن باسقا، وسى تورتتىككە الماتى دا كىردى: 283,7 مىڭ تەڭگە.

ساراپشىلار سالالار بولىنىسىندە قارجى جانە ساقتاندىرۋ سالاسىنىڭ قىزمەتكەرلەرى جالاقانى بارىنەن دە كوپ العانىن ناقتىلايدى: 452,8 مىڭ تەڭگە — ءبىر جىل بۇرىنعىعا قاراعاندا 18,8% - عا ارتىق.

ەڭ جوعارى اقى تولەنەتىن سالالاردىڭ ۇشتىگىنە سونداي-اق كاسىبي، عىلىمي جانە تەحنيكالىق قىزمەت (369,5 مىڭ تەڭگە، وعان قوسا جىلىنا 17,4%) جانە اقپارات جانە بايلانىس سالاسى (331,1 مىڭ تەڭگە، وعان قوسا 19,9%) كىردى.

جالاقىنىڭ ەڭ كوپ ءوسۋى اكىمشىلىك جانە قوسالقى قىزمەت كورسەتۋ سالاسىندا بايقالدى (جىلىنا 37,1%، 256 مىڭ تەڭگەگە دەيىن), ەڭ ازى — جىلجىمايتىن مۇلىكپەن وپەراتسيالار سالاسىندا (جىلىنا 2,7% - عا، 181,9 مىڭ تەڭگەگە دەيىن).

Abai.kz