ححح جازعى وليمپيادا ويىندارى ورتا شەنىنە جەتىپ قالدى. بەيرەسمي ەسەپ بويىنشا، قازاقستان ۇلتتىق قۇراماسى التىنشى ورىندا تۇر. ۆەلوشاباندوز ۆينوكۋروۆ باستاپ بەرگەن جەڭىس جولىن اۋىر اتلەتتەر - چينشانلو، مانەزا، پودوبەدسكايا، ايگىلى ءىليا يليندەر جالعاستىرىپ اكەتكەن بولاتىن. كەشە، جەكسەنبىنىڭ كەشىندە جەڭىل اتلەت ولگا رىپاكوۆا قازاقستان قورجىنىنا التىنشى التىندى سالدى. ءۇش قارعىپ سەكىرۋدە 14 مەتر 98 سانتيمەترگە سەكىرگەن جەرلەسىمىز جۇزدەن جۇيرىك شىقتى. ال، شىندىعىنا كەلسەك، ءبىزدىڭ ولگامەن جارىس جولىنا تۇسكەن ون ەكى سپورتشىنىڭ وسالى جوق ەدى. افينا وليمپياداسىنىڭ چەمپيونى رەسەيلىك تاتيانا لەبەدەۆا، الەم بىرىنشىلىگىندە توپ جارعان ۋكراينالىق ولگا سالادۋحا. نەمەسە كولۋمبيا سەنىم ارتقان كاتەرينا يبارگۋەن... بۇلاردىڭ قاي-قايسىسى دا بولماسىن ساداقتىڭ وعىنداي اتىلاتىن ساڭلاقتار-تۇعىن. سونداي ساڭلاقتاردىڭ الدىندا دارا كەلگەن قازاقتىڭ ولگاسى: - وليمپيادا چەمپيونى اتانسام عوي دەپ بۇرىن ارمانداۋشى ەدىم. ەندى، مىنە، دەگەنىمە جەتتىم. ويىندارعا ءبىر اپتا قالعاندا ءسال سىرقاتتانىپ قالىپ ەدىم. سول دۇرىس بولعان سياقتى. ءبىراز تىنىعىپ الدىم. وتكەندە ەلباسى قابىلدادى. باتاسىن بەردى. تىلەگى قابىل بولدى، - دەپ جاتىر جۋرناليستەرگە اعىنان اقتارىلىپ.

ءانۇرانىمىزدى اۋەلەتىپ، كوك بايراعىمىزدى تۇماندى البيوننىڭ كوگىنە كوتەرۋدى  ەندى سايىپقىران بالۋاندارىمىز بەن بىلعارى قولعاپ شەبەرلەرىمىزدىڭ ماڭدايىنا جازسىن.

ححح جازعى وليمپيادا ويىندارى ورتا شەنىنە جەتىپ قالدى. بەيرەسمي ەسەپ بويىنشا، قازاقستان ۇلتتىق قۇراماسى التىنشى ورىندا تۇر. ۆەلوشاباندوز ۆينوكۋروۆ باستاپ بەرگەن جەڭىس جولىن اۋىر اتلەتتەر - چينشانلو، مانەزا، پودوبەدسكايا، ايگىلى ءىليا يليندەر جالعاستىرىپ اكەتكەن بولاتىن. كەشە، جەكسەنبىنىڭ كەشىندە جەڭىل اتلەت ولگا رىپاكوۆا قازاقستان قورجىنىنا التىنشى التىندى سالدى. ءۇش قارعىپ سەكىرۋدە 14 مەتر 98 سانتيمەترگە سەكىرگەن جەرلەسىمىز جۇزدەن جۇيرىك شىقتى. ال، شىندىعىنا كەلسەك، ءبىزدىڭ ولگامەن جارىس جولىنا تۇسكەن ون ەكى سپورتشىنىڭ وسالى جوق ەدى. افينا وليمپياداسىنىڭ چەمپيونى رەسەيلىك تاتيانا لەبەدەۆا، الەم بىرىنشىلىگىندە توپ جارعان ۋكراينالىق ولگا سالادۋحا. نەمەسە كولۋمبيا سەنىم ارتقان كاتەرينا يبارگۋەن... بۇلاردىڭ قاي-قايسىسى دا بولماسىن ساداقتىڭ وعىنداي اتىلاتىن ساڭلاقتار-تۇعىن. سونداي ساڭلاقتاردىڭ الدىندا دارا كەلگەن قازاقتىڭ ولگاسى: - وليمپيادا چەمپيونى اتانسام عوي دەپ بۇرىن ارمانداۋشى ەدىم. ەندى، مىنە، دەگەنىمە جەتتىم. ويىندارعا ءبىر اپتا قالعاندا ءسال سىرقاتتانىپ قالىپ ەدىم. سول دۇرىس بولعان سياقتى. ءبىراز تىنىعىپ الدىم. وتكەندە ەلباسى قابىلدادى. باتاسىن بەردى. تىلەگى قابىل بولدى، - دەپ جاتىر جۋرناليستەرگە اعىنان اقتارىلىپ.

ءانۇرانىمىزدى اۋەلەتىپ، كوك بايراعىمىزدى تۇماندى البيوننىڭ كوگىنە كوتەرۋدى  ەندى سايىپقىران بالۋاندارىمىز بەن بىلعارى قولعاپ شەبەرلەرىمىزدىڭ ماڭدايىنا جازسىن.

التىن جاۋىپ جاتىر! ءۇمىت ەتكەن سپورتشىلارىمىز الاشتىڭ داڭقىن اسىرىپ جاتىر. ءبارى اينالىپ كەلگەندە، قازاقتىڭ مەرەيىن ۇستەم ەتۋدە. ەلگە ەگە بولدىق دەگەن - وسى. مەيىرلەن، الاش! ۇراندا، الاش بالاسى!

«اباي-اقپارات»