سىر بويىندا تۋىپ وسكەن تولاعاي  - يليا يلين تاعى دا وليمپ شىڭىن باعىندىردى! سونىمەن ءبىزدىڭ يلين سپورتتىڭ زىلتەمىر كوتەرۋ تۇرىنەن الەمنىڭ ءۇش دۇركىن، وليمپيادا ويىندارىنىڭ ەكى دۇركىن جۇلدەگەرى  اتانىپ، دۇنيەنى دۇبىرلەتكەن بايراقتى باسكەدە قازاقستاننىڭ قورجىنىنداعى التىن مەدالداردىڭ سانىن بەسكە جەتكىزدى. تامىز ايىنىڭ 5-ىنە اۋعان تامىلجىعان ءتۇننىڭ تۇڭىلىگىن (ساعات شامامەن استانا ۋاقىتى بويىنشا 01-1.30) ءبىر-ءبىرىن قۇتتىقتاپ، ارقا-جارقا بولىپ قۋانعان ەلدىڭ ەمەن-جارقىن ءۇنى جەلپىنتتى.

سىر بويىندا تۋىپ وسكەن تولاعاي  - يليا يلين تاعى دا وليمپ شىڭىن باعىندىردى! سونىمەن ءبىزدىڭ يلين سپورتتىڭ زىلتەمىر كوتەرۋ تۇرىنەن الەمنىڭ ءۇش دۇركىن، وليمپيادا ويىندارىنىڭ ەكى دۇركىن جۇلدەگەرى  اتانىپ، دۇنيەنى دۇبىرلەتكەن بايراقتى باسكەدە قازاقستاننىڭ قورجىنىنداعى التىن مەدالداردىڭ سانىن بەسكە جەتكىزدى. تامىز ايىنىڭ 5-ىنە اۋعان تامىلجىعان ءتۇننىڭ تۇڭىلىگىن (ساعات شامامەن استانا ۋاقىتى بويىنشا 01-1.30) ءبىر-ءبىرىن قۇتتىقتاپ، ارقا-جارقا بولىپ قۋانعان ەلدىڭ ەمەن-جارقىن ءۇنى جەلپىنتتى.

«ادامزاتتىڭ ءبارىن باۋىرىم» دەپ سۇيۋگە ءماجبۇر ەتەتىن ءبىر سيقىر وسى - سپورت. سپورتتا ەل نامىسى مەن ەر نامىسى قاتار سىنالادى. سونداي سىنداردان سۇرىنبەي ءوتىپ كەلە جاتقاندىقتان دا بولار يليا ءيليندى قازاق ەرەكشە جاقسى كورەدى. ءوزى دە ءبىر سۇيكىمدى بالا. اۋسارلىعى اركەز اڭعارىلىپ تۇرادى. ەكى ءسوزىنىڭ ءبىرىن ازىلگە بۇرىپ، ءارى قيىننان قيىستىرىپ  سويلەمەسە، ءىشى كەبەتىن كانىگى سىردىڭ تۋماسى. ونىڭ وسى سوزشەڭدىگىن سىناپ 94 كەلى سالماقتاعى ازۋلى باسەكەلەسى رەسەيلىك الەكساندر يۆانوۆ: «يليا تالانت ەمەس، بولتۋن» - ياعني «كوپىرىپ كوپ سويلەيتىن كوك ەزۋ»، - دەپ مىسقىلدايدى ەكەن. «كوك ەزۋ» لوندون وليمپياداسىندا تاي-تالاسىپ قويماي قويعان يۆانوۆقا «كوكەسىن» كورسەتىپ، كىمنىڭ مىقتى ەكەندىگىن كەزەكتى مارتە دالەلدەپ كەتتى. وسىلايشا ەپتەپ جەلپىنە سويلەۋىمىزگە بولاتىن شىعار، ال، شىندىعىندا يۆانوۆ تا وتە تاجىريبەلى ءام الەمگە ايگىلى زىلتەمىرشى. ول زىلتەمىردى جۇلقا كوتەرۋدە 185 كەلەنى باعىندىرىپ، العاشقى كەزەكتە كوش باستادى. سالماعى يليننەن 20 گرامم جەڭىل بولعاندىقتان ونىڭ ءاربىر تاپسىرىسى (زىلتەمىرگە قوسىمشا تاباق قوستىرۋىن ايتامىز) كوڭىلىمىزگە كۇدىك ۇيالاتىپ باققان. ونىڭ ۇستىنە ءوزى تىم سالماقتى، وزىنە-ءوزى بەك سەنىمدى جىگىت ەكەن. ونىڭ سالماقتى جۇزىنەن  30-شى وليمپياداعا تەك التىن الۋ ءۇشىن عانا كەلگەنى بايقالىپ تۇردى. سەرپە كوتەرۋدە دە ول الدىعا شىقتى. 224 كەلىنى ەكىنشى كەزەگىندە توبەسىنە كوتەرىپ، ءۇشىنشى كەزەگىندە 229-عا تاپسىرىس بەردى. بۇل - ءيليننىڭ بەيجىڭ وليمپياداسىندا كوتەرگەن زىلتەمىرىنەن 1 كگ ارتىققا سەرمەۋ دەگەن ءسوز ەدى. بىراق، الكەۋدە الەكساندر 224 كەلىمەن القىنىپ جولدا قالا بەردى. ويتكەنى يلين ءوزىنىڭ ۇيرەنشىكتى 228 كەلىسىن كوتەرىپ قويعان ەدى. ەگەر يۆانوۆ 229 كەلىنى اۋەلەتكەندە يلينگە ودان بەرى دەگەندە ءبىر كەلى ارتىق كوتەرۋگە تۋرا كەلەتىن-ءدى. الايدا، التىن القانىڭ القىمىن قابارىن انىق  بىلە تۇرا يليا 233 كەلىگە كوز تىكتى. سويتسەك ءبىزدىڭ التىن ايدارلى ۇل وليمپياداعا قايداعى ءبىر يۆانوۆتارمەن ء(ازىل) جارىسۋ ءۇشىن ەمەس، وليمپيادا رەكوردىن جاڭارتۋ ءۇشىن بارىپتى! قىسقاسى يلين 24 دەگەن جاسىندا ەكى دۇركىن وليمپيادا جۇلدەگەرى بولىپ قانا قويماي 1999 جىلدان بەرى  مىزعىماعان رەكوردتى ارتقا قالدىرىپ، اۋىر اتلەتتەرگە جاڭا مەجە بەلىگىلەپ قايتتى.  بۇعان دەيىن سەرپە كوتەرۋدەن الەمدىك رەكورد، ياعني 232 كەلى پولياك سپورتشىسى شيمون كولەتسكيدىڭ مەنشىگى بولىپ كەلگەن ەدى. ەندى ول ءبىر كەلەگە ارتىپ، ءيليننىڭ قانجىعاسىنا بايلاندى.  التىن ايدارلى جىگىتىمىز جارادى! وسى ارادا الماس وتەشوۆ تۋرالى ايتپاي كەتسەك ايىپتى بولامىز. الماس وڭكەي الشاڭ باسقان الىپ اتلەتتەردىڭ قاتارىندا 7-ءشى ورىنعا تابان تىرەدى. ول جۇلقا كوتەرۋدە 175 كەلىنى ءۇشىنشى كەزەگىندە توبەسىنەن اسىرىپ، ءوز توبىندا كوشباسشىلىردىڭ ءبىرى بولدى. ايتكەنمەندە سەرپە كوتەرۋدە 225 كەلىنى يگەرە المادى. ەگەر ول 223-كە تاپسىرىس بەرگەندە (الماستىڭ بۇل سالماقتى كوتەرەتىنى انىق ەدى) جەتىنشى ەمەس، ءتورتىنشى، بەسىنشى ورىننىڭ بىرىنە ىلىگەر ەدى. سەبەبى الماس جەپ-جەڭىل كوتەرگەن 220 كەلىگە باسەكەلەستەرىنىڭ كوبى ماڭايلاي الماي قالدى.
جازعى وليمپيادا ويىندارىنىڭ تامىزدىڭ بەسىنە دەيىنگى  جالپى ەسەبى بويىنشا، قازاق سپورتشىلارى جەتىنشى كەلەدى. بوكسشىلارىمىز ءبىرجان جاقىپوۆ، دانيار ەلەۋسىنوۆ، ادىلبەك نيازىمبەتوۆتەر كەشە قارسىلاستىرىن قاپى قالدىرىپ، قابىلانداي ويناپ شيرەك فينالدارعا جولداما الدى. بۇل توپتىڭ باسىندا التىننان ۇمىتكەرىمىز سەرىك ساپيەۆ  پەن اۋىر سالماقتاعى ۆلاد دىچكو تۇر.
«اباي-اقپارات»