جامبىل جاباەۆتىڭ 175 جىلدىعىنا ارنالعان «ۇلى دالا اقىنى» اتتى حالىقارالىق كونفەرەنتسيادا قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ ەلىمىزدەگى يدەولوگياعا قاتىستى جاۋاپ بەردى. ونىڭ ايتۋىنشا، جاڭا عاسىردا يدەولوگيا دا وزگەرىسكە ۇشىراعان. 

سوڭعى كەزدە قوعامدا «يدەولوگيا جوق» دەگەن پىكىردى كوپ ەستيمىز. الايدا ءبارىمىز ءتۇسىنۋىمىز كەرەك ءبىر دۇنيە بار – قازىر بۇكىل الەم، سونىمەن بىرگە يدەولوگيا دا وزگەرگەن. كەڭەس كەزىندەگىدەي يدەولوگيا كەلمەسكە كەتتى. سەبەبى ول كەزدە اقپارات سالاسى ءبىر قولدا ەدى. ال قازىرگىدەي تسيفرلاندىرۋ زامانىندا بارلىق اقپارات كوزدەرى اشىق, - دەپ اتاپ ءوتتى داۋرەن اباەۆ.

سونداي-اق جالعان مالىمەتتەردىڭ تارالۋى قاتىستى ءوز ويىن ورتاعا سالدى.

ءتىپتى، جالعان مالىمەتتەر دە جىلدام تاراۋدا، وعان تۇبەگەيلى توسقاۋىل قويۋ مۇمكىن ەمەس. ەڭ وكىنىشتىسى، اقپاراتتىڭ اق-قاراسىن اجىراتا بىلمەيتىن ادام بۇعان سەنىپ قالىپ جاتادى. سوندىقتان وتكەنگە قارايلاي بەرمەي، ۇلتتىق ۇستىنىمىزدى ءبىلىم جانە تاربيەمەن قالاي ۇشتاستىرامىز دەپ ويلانعانىمىز ابزال، - دەدى پرەزيدەنت اكىمشىلىگى باسشىسىنىڭ ءبىرىنشى ورىنباسارى.

ەسكە سالا كەتەيىك، بۇعان دەيىن داۋرەن اباەۆ اقىن-جازۋشىلاردى قولداۋ جالعاساتىندىعىن ايتقان بولاتىن.

Abai.kz