جىل باسىنان بەرى الماتى وبلىسىندا جوسپارلانعان 17 مەكتەپتىڭ 5400 ورىنعا ارنالعان 12-ءسى پايدالانۋعا بەرىلدى، ونىڭ ىشىندە 6 جەكەمەنشىك. جىل سوڭىنا دەيىن تاعى دا 6 ءبىلىم وشاعى قولدانىسقا بەرىلدى دەپ كۇتىلۋدە. بۇدان بولەك، 137 مەكتەپتى قايتا جاڭارتۋ جۇمىستارى جۇرگىزىلۋدە. بۇل تۋرالى بۇگىن نۇر-سۇلتان قالاسىندا، قر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن الماتى وبلىسى اكىمىنىڭ ءباسپاسوز ءماسليحاتى بارىسىندا بەلگىلى بولدى.

«ءۇش اۋىسىمدا وقىتۋ ماسەلەسىن شەشۋ ءۇشىن جانە «Nur Otan» پارتياسىنىڭ 2021-2025 جىلدارداعى سايلاۋالدى باعدارلاماسى اياسىندا بەيىمدەلگەن مەكتەپتەردىڭ ورنىنا ءبىز 115 مەكتەپ سالۋعا ءتيىسپىز. بۇل ماقساتقا قازىنادان 11,3 ملرد.تەڭگە قاراستىرىلعان »،- دەدى الماتى وبلىسىنىڭ اكىمى اماندىق عابباسۇلى.

مەكتەپكە دەيىنگى ءبىلىم بەرۋ سالاسىنا كەلسەك، جىل باسىنان بەرى 9590 ورىندى 135 بالاباقشا اشىلدى. وبلىستا 3-6 جاس ارالىعىنداعى بالالاردى قامتۋ بويىنشا جوسپارلانعان كورسەتكىشتى 99,9 پايىزعا جەتكىزۋ ماقساتىندا مەملەكەتتىك تاپسىرىسقا قوسىمشا 2,5 ملرد تەڭگە قاراستىرىلعان. جالپى وبلىس بويىنشا مەملەكەتتىك تاپسىرىس كولەمى 42,5 ملرد تەڭگە بولسا، ونىڭ 34,3 ملرد تەڭگەسى جەرگىلىكتى بيۋدجەت قاراجاتى. 2022 جىلى وبلىستا مەكتەپكە دەيىنگى ءبىلىم بەرۋمەن قامتۋ 100 پايىزعا جەتكىزىلەدى.

Abai.kz