اتىراۋ قالاسىندا قازاقستان تاۋەلسىزدىگىنىڭ 30 جىلدىعىنا ارنالعان «ۇلىق ۇلىس – التىن وردا» اتتى حالىقارالىق كونفەرەنتسيا ءوتتى.  

جيىنعا  قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ، اتىراۋ وبلىسىنىڭ اكىمى ماحامبەت دوسمۇحامبەتوۆ جانە شەت ەلدەردەن ارنايى كەلگەن زەرتتەۋشىلەر مەن وتاندىق عالىمدار قاتىستى.

ەل پرەزيدەنتىنىڭ تاپسىرماسىمەن كەلەسى جىلدان باستاپ «التىن وردا» تاريحىن جاڭعىرتۋ ماقساتىندا جەتى باعىتتا جۇمىس جۇرگىزىلەدى.

اتاپ ايتساق، شەتەل ارحيۆتەرىندەگى التىن وردا تۋرالى مالىمەتتەردى ىزدەۋگە كۇش سالۋ، ەلىمىزدە ءىزى قالعان التىن وردا قالالارىن قايتا قالپىنا كەلتىرە وتىرىپ تاري-ماتەريالدىق كەشەن قۇرۋ، وردانى بيلەگەن حاندار تۋرالى عىلىمي-مونوگرافيالار شىعارۋدى قولعا الۋ، «ۇلىق ۇلىس» اتتى ەنتسيكلوپەديانى جارىققا شىعارۋ، ۋيكيپەديادا التىن وردا جايلى جازىلعان اقپاراتتاردى جاڭالاۋ مەن تولىقتىرۋلار ەنگىزۋ، التىن وردانىڭ تاريحىندا ەسىمى اڭىز بولعان تۇلعالار، حاندار، وردا مادەنيەتى، قالالارى مەن ساۋدا جۇيەسى تۋرالى كوركەم سەريالدار ءتۇسىرۋ ماسەلەسىن شەشۋ، التىن وردا كەزىندە پايدا بولعان ەپوستارتىڭ ىزىمەن بالالارعا ارنالعان ەرتەگى كىتاپتاردى قۇراستىرۋ، التىن ورداعا قاتىستى جاڭا دەرەكتەردى پايدالانا وتىرىپ، مەكتەپ پەن جوعارى وقۋ ورىندارىنا ارنالعان قازاقستان تاريحى پانىنە وزگەرىستەر ەنگىزۋ سەكىلدى ماڭىزدى ماسەلەلەر قولعا الىندى.

كونفەرەنتسيادا التىن وردا تۋرالى جاڭا دەرەكتەر ايتىلىپ، سول كەزەڭ تۋرالى قۇجاتتار كوپشىلىككە ۇسىنىلدى.

Abai.kz