رەداكتسيادان:

جىگىتتەر" كۆارتەتىنىڭ كەزەكتى گاسترولگە شىعىپ كەتۋىنە بايلانىستى اتالعان توپپەن اباي.كز وقىرماندارىنىڭ اراسىنداعى ينتەرنەت-كونفەرەنتسيا كەيىنگە قالدى.

"اباي-اقپارات"

ساناۋلى كۇندەردەن سوڭ كۇللى مۇسىلمان الەمى اسىعا كۇتكەن رامازان ايى دا باستالادى. دىنىمىزدەگى ۇلىق عيبادات تۇرلەرىنىڭ ءبىرى ورازا قارساڭىندا قمدب مەن ورتا ازيا مۇفتيلەر كەڭەسىنىڭ توراعاسى، باس ءمۇفتي ءابساتتار قاجى دەربىسالى حازىرەتتىڭ «جارىلقاۋشى ايدا كوپ جاقسىلىق جاسايىق» اتتى ۇندەۋى جاريالانعانى بەلگىلى. ۇندەۋدە رامازان ايىنىڭ قۇرمەتىنە مينيسترلىكتەر مەن ءتۇرلى سالا جەتەكشىلەرىنە، وبلىس، قالا، اۋدان باسشىلارىنا، كاسىپكەرلەرگە ازىق-تۇلىك پەن قوعامدىق قىزمەتتەردىڭ باعاسىن 10 پايىزعا ارزانداتىپ، جەڭىلدىك جاساۋعا شاقىرعان ەدى. وسى ورايدا ەلىمىزدىڭ ءار تۇكپىرىندە ءدىنباسىنىڭ يگى باستاماسىنا ءۇن قوسىپ جاتقاندار قاتارىن شىعىس ءوڭىرىنىڭ كاسىپكەرلەرى دە تولىقتىرۋدا.

رەداكتسيادان:

جىگىتتەر" كۆارتەتىنىڭ كەزەكتى گاسترولگە شىعىپ كەتۋىنە بايلانىستى اتالعان توپپەن اباي.كز وقىرماندارىنىڭ اراسىنداعى ينتەرنەت-كونفەرەنتسيا كەيىنگە قالدى.

"اباي-اقپارات"

ساناۋلى كۇندەردەن سوڭ كۇللى مۇسىلمان الەمى اسىعا كۇتكەن رامازان ايى دا باستالادى. دىنىمىزدەگى ۇلىق عيبادات تۇرلەرىنىڭ ءبىرى ورازا قارساڭىندا قمدب مەن ورتا ازيا مۇفتيلەر كەڭەسىنىڭ توراعاسى، باس ءمۇفتي ءابساتتار قاجى دەربىسالى حازىرەتتىڭ «جارىلقاۋشى ايدا كوپ جاقسىلىق جاسايىق» اتتى ۇندەۋى جاريالانعانى بەلگىلى. ۇندەۋدە رامازان ايىنىڭ قۇرمەتىنە مينيسترلىكتەر مەن ءتۇرلى سالا جەتەكشىلەرىنە، وبلىس، قالا، اۋدان باسشىلارىنا، كاسىپكەرلەرگە ازىق-تۇلىك پەن قوعامدىق قىزمەتتەردىڭ باعاسىن 10 پايىزعا ارزانداتىپ، جەڭىلدىك جاساۋعا شاقىرعان ەدى. وسى ورايدا ەلىمىزدىڭ ءار تۇكپىرىندە ءدىنباسىنىڭ يگى باستاماسىنا ءۇن قوسىپ جاتقاندار قاتارىن شىعىس ءوڭىرىنىڭ كاسىپكەرلەرى دە تولىقتىرۋدا.

اتاپ ايتساق، باس ءمۇفتيدىڭ ۇندەۋىنە وراي سەمەي قالاسىنداعى بىرقاتار ساۋدا ورتالىقتارى ءوز سورەلەرىندەگى دىنىمىزدە حارام ەتىلگەن ىشىمدىكتەردى سورەدەن الىپ، ازىق-تۇلىك پەن تۇتىنۋ تاۋارلارى باعاسىن ارزانداتۋ ارقىلى جاماعاتقا جەڭىلدىك جاسايتىنىن مالىمدەۋدە. وسىعان وراي قمدب-نىڭ سەمەي ءوڭىرى بويىنشا وكىل يمامى ەرجان قاجى مايامەروۆكە قالاداعى كاسىپكەرلەر تاراپىنان قولداۋ حاتتار كوپتەپ كەلىپ تۇسۋدە. ولاردىڭ قاتارىندا «Ali Trad» «جك مەنحانوۆ» جانە «المو» ت.ب. سىندى بىرقاتار مەكەمەلەر بار. ساۋدا ۇيلەرىنىڭ باسشىلارى رامازان ايىنىڭ قۇرمەتىنە وراي، باس ءمۇفتي اتاپ وتكەندەي، ءوز ساۋدا نۇكتەلەرىندەگى تاۋارلار باعاسىن 10-نان 25 پايىزعا دەيىن جەڭىلدىكپەن وتكىزەتىندەرىن دە ايتادى. ءار جىلى ورازا قارساڭىنداعى باس ءمۇفتي ۇندەۋىنە ءۇن قوسىپ، قاسيەتتى ايدىڭ حالىق اراسىنداعى قادىر-قاسيەتىن ارتىرۋعا سەمەي وڭىرىندە دە ەلەۋلى ۇلەس قوسىلادى. ايتسەدە، بيىل ىزگىلىكتى ىسكە نيەت بەلدىرىپ وتىرعاندار قاتارى ارتىپ وتىر. ونىڭ سەبەبى دە جوق ەمەس سەكىلدى. ويتكەنى، قمدب-نىڭ سەمەي ءوڭىرى بويىنشا وكىل يمامى ەرجان قاجى مايامەروۆ جەرگىلىكتى باق وكىلدەرىمەن تىعىز قارىم-قاتىناستا جۇمىس ىستەۋدى جولعا قويعان بولاتىن. مىسال كەلتىرە كەتسەك، ماۋسىم ايىنىڭ سوڭىنداعى ەل جۋرناليستەرىنىڭ كاسىبي مەرەكەسىنە وراي انەت بابا اتىنداعى قوس مۇنارالى مەشىتتە ءباسپاسوز بەن تەلەارنا قىزمەتكەرلەرىنە ارنالىپ داستارحان جايىلىپ، مەرەكەلىك سىيلىقتار تارتۋ ەتىلگەن بولاتىن. وسىناۋ شارا بارىسىندا ەرجان مالعاجىۇلى باس ءمۇفتيدىڭ ۇندەۋىن سەمەي وڭىرىندەگى حالىققا جەتكىزۋگە ۇلەس قوسۋلارىن دا وتىنگەن بولاتىن. جالپى، شىعىس ايماقتاعى باق قىزمەتكەرلەرى قمدب-نىڭ جەرگىلىكتى وكىلدىگىنە ۇنەمى اقپاراتتىق دەمەۋشىلىك تانىتىپ كەلەدى. ءوڭىر جۇرتشىلىعىنىڭ ءدىنباسى ۇندەۋىمەن قۇلاقتانۋىنا بۇل دا سەبەبىن تيگىزگەنى انىق. ودان بولەك، ءتول ءدىنىمىزدىڭ ناسيحاتتالۋ دەڭگەيى دە جىل سايىن ارتا تۇسۋدە. يماندىلىقتى، سالاۋاتتى ءومىر سالتى مەن ەلدىڭ الەۋمەتتىك احۋالىنىڭ وڭالا ءتۇسۋىن جوعارى قوياتىن سەمەيلىك كاسىپكەرلەر مەن مەكەمە باسشىلارىنىڭ بۇل يگىلىكتى قادامى وسىنىڭ ايقىن ايعاعى بولسا كەرەك.

قۋانىش قوجا سەمەي قالاسى.

"اباي-اقپارات"