قازىردىڭ وزىندە پرەزيدەنت جولداۋى جۇزەگە اسىرىلىپ جاتىر. ناتيجەلەرى بار. بۇل تۋرالى «حابار 24» تەلەارناسىنداعى «انىعىن ايتقاندا» باعدارلاماسىندا قر پرەزيدەنتىنىڭ كومەكشىسى ەرلان قارين ءمالىم ەتتى. 

قر پرەزيدەنتىنىڭ كومەكشىسى ەرلان قاريننىڭ ايتۋىنشا مەملەكەت باسشىسىنىڭ حالىققا جولداعان جولداۋىندا ايتىلعان، بەرىلگەن تاپسىرمالاردى جۇزەگە اسىرۋ ماقساتىندا ارنايى جالپى ۇلتتىق جوسپار قابىلدانادى.

«بيىلعى جولداۋدى جۇزەگە اسىرۋ ماقساتىندا جاسالعان باعدارلامادا 103 پۋنكت بار. وسىنىڭ ءوزى قۇجاتتىڭ قانشالىقتى اۋقىمدى ەكەنىن كورسەتەدى. جولداۋدىڭ جاريالانعانىنا كوپ ۋاقىت وتپەسە دە، جۇزەگە اسىرۋ جۇمىستار باستالىپ كەتتى. ءتىپتى، بەلگىلى ناتيجيەلەر بار. مىسالى، پرەزيدەنت ەڭ تومەنگى جالاقىنى 60 مىڭ تەڭگەگە كوتەرۋ تۋرالى تاپسىرما بەردى. وسىعان سايكەس، 2022-2024 جىلدارعا ارنالعان رەسپۋبليكالىق بيۋدجەت تۋرالى زاڭعا ءتيىستى وزگەرىستەر دايىندالىپ، ماجىلىستەگى جۇمىس توبىندا جولداندى. جاقىندا پلەنارلىق وتىرىستا قارالادى», - دەدى ەرلان كارين.

سونىمەن قاتار، ول مەملەكەت باسشىسى عىلىم سالاسىن دامىتۋعا قاتىستى بىرقاتار ماڭىزدى باستامالار كوتەرگەنىن اتاپ ءوتتى.

«وسىعان سايكەس، ءبىلىم جانە عىلىم مينيسترلىگىمەن عىلىم تۋرالى زاڭعا ءتيىستى وزگەرىستەر دايىندالدى. اتاپ ايتقاندا، جەتەكشى عالىمداردىڭ جالاقىسىن بازالىق قارجىلاندىرۋعا قوسۋ جانە عىلىمي زەرتتەۋمەن اينالىساتىن ينستيتۋتىن قارجىلاندىرۋ، گرانتتىق جوبالاردى 3 جىلدان 5جىلعا دەيىن ۇلعايتۋ سياقتى جوبالار قاراستىرىلىپ جاتىر»، - دەدى ول.

Abai.kz