22 قازان «ءبىلىم بەرۋ پروتسەسىنە جانە جۇمىسپەن قامتۋعا تارتىلماعان جاستاردى الەۋمەتتەندىرۋ جونىندەگى شارالاردى ازىرلەۋ جانە ىسكە اسىرۋ (NEET كاتەگورياسى)» جوباسى اياسىندا TEDx فورماتىنداعى كەزدەسۋ ءوتتى.

ءىس-شارانىڭ سپيكەرلەرى رەتىندە «Jas Otan» جق توراعاسى ن.جەتپىسباەۆ, پاۆلودار وبلىسىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسىنىڭ ورىنباسارى، پرەزيدەنتتىك كادر رەزەرۆىنىڭ مۇشەسى س.نۋريكيمباەۆ, جاس ايتىسكەر اقىن، 109 بىرىڭعاي بايلانىس ورتالىعىنىڭ ديرەكتورى،بلوگەر-جۋرناليست ا.قابدراش, شوۋمەن جانە جس «كاۋسار» ديرەكتورى ا.كۋرۋمباەۆ، BUKAFILM كومانداسىنىڭ نەنىزىن سالۋشى، «براتيشكي» سەريالىنىڭ پروديۋسسەرى ب.سۋلەيمەنوۆ قاتىستى.

كەزدەسۋ بارىسىندا سپيكەرلەر جاستارعا ارنالعان مۇمكىندىكتەر تۋرالى، سالاۋاتتى ءومىر سالتى مەن الەۋمەتتىك بەلسەندىلىك تۋرالى، جۇمىسقا ورنالاسۋ جانە تابىسقا جەتۋ ءۇشىن قاجەتتى داعدىلار تۋرالى، جاس كاسىپكەرلەردى قولداۋ تۋرالى، ارت، PR جانە مەديا-مەنەدجمەنت تۋرالى ايتىپ، كينو ونەرىن دامىتۋداعى ءوز بىلىمدەرى مەن تاجىريبەلەرىمەن ءبولىستى.

"Jas Otan" جق توراعاسى نۇرجان جەتپىسباەۆ ءىس-شارا «ءبىلىم بەرۋ پروتسەسىنە جانە جۇمىسپەن قامتۋعا تارتىلماعان جاستاردى الەۋمەتتەندىرۋ شارالارىن ازىرلەۋ جانە ىسكە اسىرۋ (NEET ساناتى) جوباسى اياسىندا ۇيىمداستىرىلعانىن اتاپ ءوتتى. جوبالىق كەڭسە اياسىندا «Jas Otan» وڭىرلىك فيليالدارىمەن بىرلەسىپ NEET ساناتىنداعى جاستاردى قولداۋدىڭ مەملەكەتتىك باعدارلامالارى بويىنشا اقپاراتتىق-ءتۇسىندىرۋ جۇمىستارى، قۇجاتتاردى رەسىمدەۋگە، جۇمىسقا ورنالاسۋعا جانە وقۋعا كومەك جۇرگىزىلۋدە. ماقساتتى اۋديتوريا ءۇشىن NEET جاستارىمەن كەڭەيتىلگەن جۇمىس جۇرگىزۋ ءۇشىن تۇرعىلىقتى جەرى بويىنشا كونسۋلتاتسيالار وتكىزىلدى. NEET ساناتىنداعى جاستار اراسىندا جاستاردى قولداۋدىڭ مەملەكەتتىك باعدارلامالارى تۋرالى اقپاراتتىق-ءتۇسىندىرۋ جۇمىستارىن جۇرگىزۋ، قۇجاتتاردى راسىمدەۋگە، جۇمىسقا ورنالاستىرۋعا، وقۋعا جاردەمدەسۋ ءۇشىن 2 مىڭعا جۋىق بەلسەندى جاستار پۋلى قۇرىلدى.

كەزدەسۋ NEET ساناتىنداعى جاستار اراسىندا قارىم-قاتىناستى ىنتالاندىرۋ جانە يدەيالارمەن ءبولىسۋ ماقساتىندا، پاۆلودار قالاسى، س. تورايعىروۆ اتىنداعى وبلىستىق امبەباپ عىلىمي كىتاپحاناسىندا ءوتتى.

جوبا «ازاماتتىق باستامالاردى قولداۋ ورتالىعى» كەاق مەملەكەتتىك گرانتى اياسىندا قر اقپارات جانە قوعامدىق دامۋ مينيسترلىگىنىڭ قولداۋىمەن باتىس قازاقستان وبلىسى بويىنشا «بولاشاق» كورپوراتيۆتىك قورىمەن «Jas Otan» جاستار قاناتىمەن بىرلەسىپ جۇزەگە اسىرۋدا.

Abai.kz