سالىق سالۋ ماقساتتارى ءۇشىن سالىق كودەكسىنىڭ 1-بابىنىڭ 65) تارماقشاسى تاۋارلارداعى ەلەكتروندىق ساۋدا تۇجىرىمداماسى ايقىنداعان.
⠀
تاۋارلارمەن ەلەكتروندىق ساۋدا – ءبىر مەزگىلدە مىناداي شارتتار ساقتالعان كەزدە:

-تاۋارلاردى وتكىزۋ جونىندەگى مامىلەلەردى رەسىمدەۋ ەلەكتروندىق نىساندا جۇزەگە اسىرىلسا;

-تاۋارلار ءۇشىن اقى تولەۋ قولما-قول ەمەس تولەممەن جۇرگىزىلسە;

-تاۋارلاردى ساتىپ الۋشىعا (الۋشىعا) جەتكىزەتىن ءوز قىزمەتى بولسا نە جۇكتەردى تاسىمالداۋ بويىنشا كورسەتىلەتىن قىزمەتتەردى، كۋرەرلىك جانە (نەمەسە) پوشتالىق قىزمەتتى جۇزەگە اسىراتىن تۇلعالارمەن شارتتار بولسا، ينتەرنەت-دۇكەن جانە (نەمەسە) ينتەرنەت-الاڭ ارقىلى اقپاراتتىق تەحنولوگيالار كومەگىمەن جۇزەگە اسىرىلاتىن، جەكە تۇلعالارعا تاۋارلاردى وتكىزۋ جونىندەگى كاسىپكەرلىك قىزمەت.
⠀
سالىق كودەكسىنىڭ 1 باپتىڭ 29) جانە 30) تارماقتارىمەن ينتەرنەت-الاڭ جانە ينتەرنەت-دۇكەن تۇجىرىمدارى بەرىلگەن.
⠀
سونىمەن بىرگە سالىق كودەكسىنىڭ 88-باپتىڭ 1 تارماقتىڭ 10) تارماقشانىڭ بويىنشا تاۋارلارمەن ەلەكتروندىق ساۋدانى جۇزەگە اسىراتىن سالىق تولەۋشىلەر جەكەلەگەن قىزمەت تۇرلەرiن جۇزەگە اسىراتىن سالىق تولەۋشi رەتىندە تىركەۋ ەسەبىنە قويۋعا جاتادى.
⠀
سونىمەن قاتار تاۋارلارمەن ەلەكتروندىق ساۋدانى جۇزەگە اسىراتىن سالىق تولەۋشىلەردىڭ جەكەلەگەن قىزمەت تۇرلەرىن جۇزەگە اسىراتىن سالىق تولەۋشى رەتىندە تىركەۋ ەسەبىنە قويۋ «رۇقساتتار جانە حابارلامالار تۋرالى» قازاقستان رەسپۋبليكاسىنىڭ زاڭىندا ايقىندالاتىن تارتىپپەن، جەكەلەگەن قىزمەت تۇرلەرىن جۇزەگە اسىراتىن سالىق تولەۋشى رەتىندە قىزمەتتىڭ باستالعانى نەمەسە توقتاتىلعانى تۋرالى حابارلامانىڭ نەگىزىندە جۇرگىزىلەدى.
⠀
وسى حابارلاما سالىق ورگانىنا جەكەلەگەن قىزمەت ءتۇرىن جۇزەگە اسىرۋ باستالعانعا دەيىن ءۇش جۇمىس كۇنىنەن كەشىكتىرىلمەي ۇسىنىلادى قاعاز جۇزىندە نەمەسە «E- ليتسەنزيالاۋ» مەملەكەتتىك دەرەكتەر بازاسى ارقىلى ەلەكتروندى تۇردە حابارلاما جىبەرۋگە بولادى (بۇدان ءارى – مدب ەل).
⠀
بۇدان باسقا، سالىق كودەكسىنىڭ 89 جانە 90-باپتارىندا بەلگىلى ءبىر قىزمەت تۇرلەرىن جۇزەگە اسىراتىن سالىق تولەۋشىنىڭ تىركەۋ دەرەكتەرىن وزگەرتۋ جانە تولىقتىرۋ، سونداي-اق ولاردى تىركەۋ تۋرالى جازبالاردان شىعارۋ ءتارتىبى بەلگىلەنگەن.

نۇربول مامەتاەۆ،

الماتى قالاسى المالى اۋدانى بويىنشا
مكب ءبولىم باسشىسى

Abai.kz