كەشە 85 جاستاعى تارازدىق قاريا حابارلاستى. باراتىن جەرى، باسپاناسى جوق. ۇلىم "يەگوۆا كۋاگەرلەرىنىڭ" ارباۋىنا ءتۇسىپ، قاڭعىپ قالدىم دەپ شاعىمدانادى. الگىلەردىڭ ىقپالىمەن ۇلى شەشەسى اپەرگەن ءبىر بولمەلى پاتەردى جانە اناسى ەكەۋى تۇراتىن باسپانانى ساتىپ، ميسسيونەر كەلىنشەكپەن كەتىپ قالىپتى.

-جىلجىمايتىن مۇلىكتەردى ماڭداي تەرىممەن تاپقان اقشاعا الدىم. ول كىشكەنتاي بولدى. ونى دا باقتىم، جۇمىس ىستەدىم، - دەيدى اجە . مۇگەدەك ۇلدى ارقالاپ، جەتەكتەپ، بۇكىل عۇمىرىن تارك ەتكەن ەكەن.

ۇلىنىڭ بويى 135 سم. تۋعاننان كەمىس بولعان سوڭ مۇلىكتىڭ ءبارىن سونىڭ اتى راسىمدەگەن ەكەن. جاسى ەلۋدە. ول جولدا كەزدەسكەن بەيتانىس ايەلدىڭ اتىنا ەكى ءۇيدى راسىمدەپ، ونى ساتىپ، شەشەسىن دالاعا لاقتىرىپ كەتتى.
كەيۋانا سوتقا جۇگىنگەن. بىراق سوت اناۋ ەسەرسوق، اقىلىنان اداسقان ەركەكتى جاقتاپ، كارى شەشە قۋ تىزەسىن قۇشاقتاپ، كوشەدە قاڭعىپ ءجۇرمىن دەپ شەرىن تارقاتتى.

بۇل جەردە نوتاريۋس، سوت تەرگەۋ كەزىندە اپانىڭ ۇلەسىن نەگە ەسكەرمەگەن؟ ويتكەنى ساتۋ جانە ساتىپ الۋ كەلىسىم-شارتتاردىڭ بارىنە اناسى قول قويعان.
قۇجات بويىنشا بۇل ءىستىڭ استارىندا الاياقتىق مەنمۇندالاپ تۇر. سەبەبى، ەلىمىزدە بويى 130-135 سم ادامدارعا مۇگەدەكتىك تاعايىندالادى. ماماندار مۇنداي قىز-جىگىتتەردىڭ پسيحيكالىق دامۋىن ۇنەمى قاداعالاپ، ەم-دوم جاسايدى. مۇگەدەكتىك الاتىن كەزدە وسىنداي ورتالىقتارعا جولداما بەرەدى.
بۇعان قوسا ءومىر بويى جۇمىس ىستەمەگەن ەلۋدەگى ەركەكتىڭ اتىنا ءۇيدى راسىمدەگەن كەزدە اناسىنىڭ ۇلەسىن ەسكەرمەگەن.

قۇر سۇلدەرىن سۇيرەتىپ، ادىلدىك ىزدەگەن قاريانى سوتتىڭ دا قۇيرىعىنان ءبىر تەپكەنى مەنىڭ اقىلىما سىيماي تۇر.

ال اپانىڭ ۇلى ءۇيىن باسپانالاردى يەگوۆا كۋاگەرلەرىگە سىيعا تارتتى دەپ اشىنىپ تۇر. ەگەر وسى اقپارات راس بولسا، نوتاريۋس قالاي جوعارىدا بەلگىلەگەن فاكتىلەردى ەسكەرمەستەن راسىمدەگەن؟
كەشەدەن بەرى اپانىڭ داۋىسى قۇلاعىمنان كەتپەيدى. وسىدان كەيىن سوتقا سەنىمسىزدىك پايدا بولادى.

جازيرا بەگالى

Abai.kz