مۇنىڭ الدىندا ديپلوماتتار مەملەكەتتىك توڭكەرىس جاساۋعا تالپىنىس جاسادى دەپ كۇدىككە ىلىنگەن تۇرىك فيلانتروپى وسمان كاۆالانى بوساتۋدى تالاپ ەتكەن. ەردوعاننىڭ بۇل شەشىمىنە ولاردىڭ وسى قادامى تۇرتكى بولعان.

ستامبۋل پروكۋراتۋراسى كاۆالانى 2016 جىلعى شىلدەدەگى مەملەكەتتىك توڭكەرىس تالپىنىسىنا قاتىسى بار دەپ ايىپتايدى. بۇل ايىپ وعان وزگە ءبىر ىستەن اقتالىپ شىققان كەزدە بىردەن تاعىلعان. ول ءىس بويىنشا كاۆالا 2013 جىلى ستامبۋلدا وتكەن جاپپاي نارازىلىقتا ۇكىمەتتى توڭكەرۋگە ارەكەت جاسادى دەپ ايىپتالعان.

وسى اپتانىڭ باسىندا اقش، گەرمانيا، فرانتسيا، نيدەرلاند، كانادا، جاڭا زەلانديا، دانيا، نورۆەگيا، فينليانديا جانە شۆەتسيا ەلشىلەرى كاۆالانى بوساتۋعا شاقىرعان.

تۇركيا – ناتو مۇشەسى جانە ەۋرووداق قۇرامىنا كىرۋگە ءۇمىتتى. وسىعان قاراماستان اتالعان ەلدەردىڭ ەلشىلەرى "نون-گراتا" تۇلعا بولىپ جاريالانباق. بەيسەنبى، 21 قازان كۇنى ەردوعان ديپلوماتتار انكاراعا ءوز اۋماعىندا نە ىستەۋ كەرەگى ايتۋ قاقى جوق دەپ مالىمدەدى. "سەندەر كىم ەدىڭدەر؟" دەدى ول سول كۇنى.

Abai.kz