قاسىم-جومارت توقاەۆ جامبىل وبلىسى قورداي اۋدانىنداعى بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنا قاراستى QazVac ۆاكتسيناسىن شىعاراتىن بيوفارماتسەۆتيكا زاۋىتىنىڭ قىزمەتىمەن تانىستى. 

“بارشاڭىزدى قۇتتىقتايمىن. شىن مانىندە، بۇل – ۇلكەن جەتىستىك. ەلىمىز ءۇشىن قاجەتتى ءوندىرىس. نەگىزگى جۇمىس ورىندالدى. ءبارى دۇرىس. كەلەسى جىلى وسى جۇمىستى جالعاستىرامىز. ۆاكتسينا وتە ءتيىمدى. گۋمانيتارلىق كومەك رەتىندە بۇل ۆاكتسينانى اۋعانستانعا جانە باسقا دا مۇسىلمان ەلدەرىنە جىبەرەمىز. ۆاكتسينامىز دۇنيە جۇزىندە مويىندالىپ جاتىر.

سوندىقتان بارشاڭىزدى قۇتتىقتايمىن! ريزاشىلىعىمدى بىلدىرەمىن. بۇل – وتە كۇردەلى پروتسەسس، ءوندىرىس. شىن مانىندە، دۇنيەجۇزىندە، شەتەلدە مۇنداي ءوندىرىس جاساۋ ءۇشىن ءۇش-ءتورت جىل كەتەدى. ءبىز توعىز ايدىڭ ىشىندە جۇمىستى ورىندادىق. سوندىقتان ەڭبەكتەرىڭىز مەملەكەت تاراپىنان جوعارى باعالانادى”، – دەدى قاسىم-جومارت توقاەۆ.

قازاقستان ۆاكتسيناسىن الەمدىك نارىققا شىعارۋ ءۇشىن ددسۇ سەرتيفيكاتىن الۋ جۇمىستارىن جۇرگىزۋدە.

Abai.kz