ەكى ءوزبەك دەپۋتاتى پرەزيدەنت شاۆكات ميرزياەۆقا "ۇلت كءوسەمى" قۇرمەتتى اتاعىن بەرۋدى ۇسىندى. ورتالىق ازيانىڭ باسقا ەلدەرىندە وسىعان ۇقساس اتاق بۇرىن بولعان, قءازىر دە بار.

شاۆكات ميرزياەۆ وزبەكستاندا شەكسىز ساياسي بيلىككە يە دەۋگە بولادى. ەندى وزبەك پارلامەنتىنىڭ ەكى دەپۋتاتى وعان "ۇلت كوسەمى" قۇرمەتتى اتاعىن بەرۋدى ۇسىنىپ وتىر.

ورتالىق ازيادا دەموكراتيا قۇندىلىقتارىنا قايشى كەلەتىن بۇل ءۇردىس بۇرىننان بار - جەكە باسقا تابىنۋشىلىق 1990-جىلدارى تاۋەلسىز ەل اتانعان مەملەكەتتەردە كورىنىس تاپتى.

وزبەكستان سەناتىنىڭ مۇشەسى كۋدراتيللا رافيكوۆ 19 تامىزدا جاريالاعان ماقالاسىندا ميرزياەۆتىڭ جاساعان ىستەرىن ۇلت الدىندا ماداقتادى. پرەزيدەنتكە قۇرمەتتى اتاق بەرۋ ۇسىنىسى وسى ماقالادا ءسوز بولدى.

"شاۆكات ميرزياەۆ فەنومەنى" دەپ اتالاتاتىن "ودادا" سەناتور وزبەكتەر، اسىرەسە جاس ۇرپاق، پرەزيدەنتكە وتە قاتتى سەنەدى، ال بالالار پرەزيدەنتتى ءتىپتى ماقتان تۇتادى دەپ جازدى.

ميرزياەۆتىڭ "تابيعي جاراتىلىسىندا ەرەكشە ءبىر قاسيەت بار", ادامدار "بۇل ادام ۇيىقتاي ما، دەمالا ما؟" دەپ سۇرايدى، دەلىنگەن ماقالادا.

سەناتور "ميرزياەۆتى "ميللات ساردوري", ياعني "ۇلت كوسەمى" دەپ اتاۋعا ابدەن بولادى" دەپ تۇيىندەگەن ماداقتاۋىن.

بىرنەشە كۇننەن سوڭ پارلامەنتتىڭ تاعى ءبىر پالاتاسىنىڭ دەپۋتاتى اكمال سايدوۆ تا ماقالا جازىپ، وندا پرەزيدەنتتى "ۇلت باسشىسى" دەپ اتاعان. اۆتور ميرزياەۆتىڭ وزبەكستاننىڭ دامۋىنا قوسقان ۇلەسىن ماقتاعان. سايدوۆ پرەزيدەنتتى "يۋرتبوشي", نەمەسە "ەل باسشىسى" دەپ اتاعان.

رەسمي ەمەس بۇل اتاقتى كەيبىر اقپارات قۇرالدارى دا قولدانىپ ءجۇر.

ميرزياەۆتىڭ بۇعان نە دەيتىنى ازىرگە بەلگىسىز. بۇنىڭ الدىندا ول ماقتاعاندى ۇناتپايتىنىن مالىمدەگەن.

ميرزياەۆقا قۇرمەتتى اتاق بەرۋ ۇسىنىسى پرەزيدەنت سايلاۋى قارساڭىندا ايتىلىپ وتىر. وزبەكستاندا پرەزيدەنت سايلاۋى بيىل 24 قازاندا وتەدى. سايلاۋدا ميرزياەۆقا اشىق قارسىلاس، باتىس باقىلاۋشىلارى دا بولمايدى. ونىڭ ەلدى باسقارۋ مەرزىمى تاعى بەس جىلعا سوزىلادى.

پرەزيدەنتكە "ۇلت كوسەمى" اتاعى بەرىلسە، ول ورتالىق ازياداعى وسىنداي اتاعى بار بۇرىنعى جانە قازىرگى پرەزيدەنتتەر قاتارىن تولىقتىرادى.

دەرەككوز: سentralasian

Abai.kz