ەل اراسىندا Pfizer ەكپەسى دەپ تانىلعان بۇل پرەپاراتتىڭ رەسمي اتى – Comirnaty (كوميرناتي). ەكى دوزادان تۇرادى، اراسى 21-28 كۇن. ەرەكشە جاعدايدا ارالىق 41 كۇنگە دەيىن ۇزارۋى مۇمكىن.

Comirnaty – ددسۇ ماقۇلداعان ۆاكتسينالاردىڭ ءبىرى. قازاقستاندا وسى ۆاكتسينانى كۇتىپ وتىرعاندار كوپ. ويتكەنى ولار ەلدە بار ەكپەلەرگە سەنىڭكىرەمەيدى. ۆاكتسينالاۋ ناۋقانىن 1 اقپاندا باستاعان قازاقستاندا رەسەيلىك "سپۋتنيك V" (قازىر ونى قاراعاندىدا وندىرەدى), وتاندىق QazVac, قىتايلىق Sinopharm كومپانياسىنىڭ ءباا-دە وندىرىلگەن ۆاكتسيناسى Hayat-Vax پەن قىتايدا وندىرىلگەن ەكپەسىن Vero Cell, سونداي-اق تاعى ءبىر قىتاي كومپانياسى Sinovac كومپانياسىنىڭ ەكپەسى CoronaVac قولدانىلادى. ۇكىمەت 10 ميلليون ادامعا ۆاكتسينا سالۋدى كوزدەپ وتىر.

ازىرگە تەك 5,3 ميلليون ادام عانا ەكپەنى تولىق العان. 1,2 ميلليوننان استام ادام ەكپەنىڭ ءبىرىنشى دوزاسىن الىپ، ەكىنشىسىن كۇتىپ وتىر.

Pfizer ەكپەسى قازاقستانعا قازان ايىندا كەلەدى دەپ جوسپارلانىپ وتىر. دەنساۋلىق ساقتاۋ مينيسترلىگى ونى باستاپقى كەزدە اتا-انانىڭ رۇقساتىمەن 12 جاستان اسقان بالالارعا جانە جۇكتى ايەلدەرگە سالاتىنىن ايتقان.

Abai.kz