ونىڭ ايتۋىنشا، اۋعانستاننان كەتكىسى كەلەتىندەر تىزىمىندە تاعى "بىرنەشە مىڭ اۋعان ازاماتى" بار. ولاردىڭ ومىرىنە قاۋىپ ءتونىپ تۇر. وسىنداي ايماق قۇرىلسا، حالىقارالىق قاۋىمداستىق تالىپتەرگە "قىسىم" كورسەتە الار ەدى، دەپ ەسەپتەيدى ماكرون.

دۇيسەنبى كۇنى وسى ماسەلەگە ارنالعان قارار جوباسى بۇۇ قاۋىپسىزدىك كەڭەسىنىڭ شۇعىل وتىرىسىندا تالقىلانادى.

فرانتسيا پرەزيدەنتىنىڭ ايتۋىنشا، ادامداردى كابۋلدەن الىپ كەتۋ ءۇشىن اۋعانستاندا بيلىكتى باسىپ العان "تاليبان" قوزعالىسىنىڭ وكىلدەرىمەن سويلەسۋ كەرەك. بىراق بۇل ولاردى مويىندادىق دەگەندى بىلدىرمەيدى، دەپ مالىمدەدى ماكرون TF1 تەلەراناسىنا.

تادىپتەر فرانتسيانىڭ كابۋل اۋەجايىندا قاۋىپسىزدىك ايماعىن قۇرۋ تۋرالى ۇسىنىسىن قابىلداماي تاستادى. قوزعالىس وكىلى سوحايل ءشاحيننىڭ مالىمدەۋىنشە، اۋعانستان – تاۋەلسىز ەل، مۇنداي ايماق قۇرۋدىڭ قاجەتى جوق. ء"بىز وسىنداي ايماقتى فرانتسيادا نەمەسە ۇلىبريتانيادا قۇرا الامىز با؟" - دەپ سۇرادى "تاليبان" وكىلى France Inter فرانتسۋز راديوسىنىڭ ەفيرىندە.

ءشاحيننىڭ مالىمدەۋىنشە، ء"اربىر اۋعان ازاماتى 31 تامىزدان سوڭ ءوز قالاۋىمەن شەتەلگە شىعا الادى. ونىڭ تولقۇجاتى مەن ۆيزاسى بولۋى كەرەك. قوزعالىس وكىلىنىڭ ايتۋىنشا، تالىپتەردە قۋدالاۋعا ۇشىرايتىن ادامداردىڭ قارا ءتىزىمى جوق.

اۋعان تالىپتەرى قارا ءتىزىم دايىندادى دەگەندى 19 تامىزدا ​Reuters اگەنتتىگى بۇۇ ءۇشىن دايىندالعان بايانداماعا سىلتەمە جاساپ حابارلاعان.

تالىپتەر 15 تامىزدا كابۋلدى الدى. ەل پرەزيدەنتى اشراف گاني اۋعانستاننان كەتتى. كابۋل اۋەجايىندا شەتەل ميسسيالارى مەن ولارعا كومەكتەسكەن اۋعان ازاماتتارىن جاپپاي ەكاۆۋاتسيالاۋ باستالدى.

31 تامىزدا امەريكالىق ساربازدار اۋعانستاننان تولىق كەتەدى. ولاردىڭ كوپتەگەن وداقتاسى، سونىڭ ىشىندە ۇلىبريتانيا، گەرمانيا جانە فرانتسيا، ازاماتتارىن اۋعانستاننان ەۆاكۋاتسيالاپ بولدى.

Abai.kz