كابۋلدە جەكسەنبى كءۇءنى ءاۋەجاي ماڭىندا كءۇءندىز ءۇلكەن جارىلىس بولدى. بۇل "يسلام مەملەكەتى" تەرروريستىك ۇيىمىنا تيەسىلى جارىلعىش زات قويىلعان كءولىككە زىمىرانمەن سوققى بەرۋدىڭ نءاتيجەسىندە بولدى دەپ حابارلادى امەريكالىق قولباسشىلىق.

امەريكا اسكەرىنىڭ حابارلاۋىنشا، يم وكىلدەرى جارىلعىش زاتتى كابۋل اۋەجايىنا تەراكتى جاساۋ ءۇشىن دايىنداعان. 25 تامىزدا اۋەجاي ماڭىندا جارىلىس بولىپ، 200-گە جۋىق ادام قايتىس بولعان. ونىڭ ىشىندە 13 امەريكالىق اسكەر بار.

بىرقاتار اۋعان باسىلىمدارىنىڭ حابارلاۋىنشا، زىمىران وعى تۇرعىن ۇيگە تۇسكەن، زارداپ شەككەندەر بار.

اقش بيلىگى كابۋلدەگى جارىلىسقا قارسى جاۋاپ بەرەمىز دەپ مالىمدەگەن. 25 تامىزدا بولعان جارىلىستى يم موينىنا العان. 28 تامىزدا امەريكا اسكەرى درونمەن اۋعانستان نىساندارىنا سوققى جاساعان. تاياۋدا اقش پرەزيدەنتى دجو بايدەن اۋعان استاناسىندا تاعى جارىلىستار بولۋ قاۋپى بار ەكەنىن ەسكەرتكەن.

اقش اسكەرى اۋعانستاننان ەۆاكۋاتسيا وپەراتسياسىن تولىق اياقتاپ جاتىر. بريتانيا، گەرمانيا، فرانتسيا دا ازاماتتارىن تولىق شىعارىپ الدى. 31 تامىزدا امەريكا اسكەرى اۋعانستاننان تۇپكىلىكتى كەتەدى.

Abai.kz